प्रेषितांची कृत्ये 27:33-38

सामायिक करा

प्रेषितांची कृत्ये 27:33-38 इंडियन रीवाइज्ड वर्जन (IRV) - मराठी (IRVMAR)

पहाट होण्याअगोदर पौलाने त्या सर्वांना काहीतरी खाण्याचा आग्रह केला, तो म्हणाला, “आज चौदावा दिवस आहे, तुम्ही आतुरतेने वाट पाहत आहात पण खाणेपिणे काही केले नाही, अन्नाचा कणही खाल्ला नाही. तुम्ही थोडे तरी खा, कारण तुमचा टिकाव लागण्यासाठी तुम्ही खाणे जरुरीचे आहे, तुम्ही खावे अशी मी तुम्हास विनंती करतो, तुमच्यापैकी कोणाच्या केसासही धक्का लागणार नाही.” असे बोलल्यानंतर पौलाने भाकर घेतली आणि सर्वांच्या समक्ष देवाचे उपकार मानले, ती भाकर मोडून तो खाऊ लागला. ते पाहून त्या सर्वांना धीर आला आणि ते जेवले. आम्ही सर्व मिळून जहाजात दोनशे शहात्तर लोक होतो. त्या सर्वांनी पुरेसे खाल्ल्या प्याल्यानंतर धान्य समुद्रात टाकून दिले आणि जहाजातील भार कमी केला.

प्रेषितांची कृत्ये 27:33-38 मराठी समकालीन आवृत्ती (MRCV)

पहाट होण्यापूर्वी पौलाने प्रत्येकाला अन्न घेण्यासाठी विनंती केली. तो म्हणाला, “आज चौदा दिवसापासून, अनिश्चित अशा मनःस्थितीत तुम्ही उपाशी राहिला आहात, काही खाल्ले नाही. आता मी विनंती करतो की थोडेतरी खा म्हणजे तुमचा बचाव होईल कारण तुम्हातील कोणाच्या डोक्याच्या एकाही केसाचाही नाश होणार नाही.” हे म्हटल्यानंतर, मग त्याने भाकर घेऊन सर्वांसमक्ष परमेश्वराचे आभार मानले व ती मोडून खाल्ली. ते सर्व उत्तेजित झाले व त्यांनी खाण्यास सुरुवात केली. जहाजात आम्ही सर्वजण मिळून दोनशे शहात्तर जण होतो. त्यांनी जेवढे पाहिजे तेवढे खाल्यानंतर, खलाश्यांनी जहाजातील धान्य समुद्रात टाकले व जहाज आणखी हलके केले.

प्रेषितांची कृत्ये 27:33-38 पवित्र शास्त्र RV (Re-edited) Bible (BSI) (MARVBSI)

नंतर दिवस उगवण्याच्या सुमारास पौल सर्वांना अन्न खाण्याविषयी विनंती करून म्हणाला, “आज चौदा दिवस तुम्ही वाट पाहत उपाशी राहिला आहात; तुम्ही काही खाल्ले नाही. म्हणून मी तुम्हांला विनंती करतो की, अन्न खा; त्याच्याने तुमचा निभाव लागेल; कारण तुमच्यापैकी कोणाच्या डोक्याच्या केसाचादेखील नाश होणार नाही.” असे म्हणून त्याने भाकर घेऊन त्या सर्वांसमक्ष देवाचे आभार मानले आणि ती मोडून तो खाऊ लागला. मग त्या सर्वांना धीर येऊन त्यांनीही अन्न खाल्ले. त्या तारवात आम्ही सर्व मिळून दोनशे शाहत्तर जण होतो. जेवून तृप्त झाल्यावर ते समुद्रात गहू टाकून देऊन तारू हलके करू लागले.

प्रेषितांची कृत्ये 27:33-38 पवित्र शास्त्र CL New Testament (BSI) (MACLBSI)

दिवस उगवण्याच्या सुमारास पौल सर्वांना अन्न खाण्याविषयी विनंती करून म्हणाला, “आज चौदा दिवस तुम्ही वाट पाहत उपाशी राहिला आहात. तुम्ही काही खाल्‍ले नाही. मी तुम्हांला विनंती करतो की, अन्न खा, त्याच्याने तुमचा निभाव लागेल, तुमच्यापैकी कोणाच्या डोक्याच्या केसाचाही नाश होणार नाही.” असे म्हणून त्याने भाकर घेऊन सर्वांसमक्ष देवाचे आभार मानले आणि ती मोडून तो खाऊ लागला. मग त्या सर्वाना धीर येऊन त्यांनीही अन्न खाल्‍ले. त्या तारवात आम्ही सर्व मिळून दोनशे शाहत्तर जण होतो. जेवून तृप्त झाल्यावर तारू हलके करण्यासाठी त्यांनी सर्व गहू फेकून दिला.