Luke 5
5
1မငြီးအငြီးကူ့ ကိုယ်တော်ယေရှု အိုထွိုင်တာ သျှီ့အွိုင် ဂင်္နေသရက်စောင့်ခါ့ ပလူးကျွူဖုန်း လေးလိုကား အာဆောင့် အီလေနားက ဗွယ်ဖရာနှုတ်ကပါတ်တော်။ 2ထွို့မဲ့ ကိုယ်တော်ယေရှုအွယ့် သျှီလေ ဖောင်းကျမ်းတား အန်းငြီ့မာ့ အိုချာတာ သျှီချုတ်ကူ့။ကျဝ်းငါးဖုန်း ဖီကေ့ကားဖောင်းအွယ့်ဟိုထွို့ တိ့လိုကား အာကာပြက်ဖုန်း။ 3အွယ့်ခိန်းခါ့ ဖောင်ကားကအိုကူ့ ကိုယ်တော်ယေရှုအွယ့် ထန်းထန်းရှိမုန်ဖောင်လောင်ထွို့ မိန့်လင်းဖီးထူထန့်ပေါင်းယားကေ့နောင်ကမ်းခြေ။ ထွို့မဲ့ အာအွယ့် အိုနင်းလင်ဖောင်းလောင်ထွို့ စွမ်လေပလူးဖုန်း။ 4စွမ့်မေထွို့ထွို့ "ဝါလေးနားဖောင် သျှီယိုးဒိုင့်ထွို့ ချာ့လင်းနားပြက် ကျမ်းတားတာလုဲင်" အာမိန့်ရှိမုန်။ 5ရှိမုန်အွယ့် "ဗွယ် ၊ ကားကြိုစာကျမ်းတား ကန်ပိန်ဟ့လဲ့ လာ့ဟ တားအာဘားဘာ။ ဒေါင့်မားလဲ့ ကိုယ်တော်အန်ချန်ငါးအွယ့်မဲ့ ငါ့အီချလင်ထိုင်ဒါ့ပြက်" အာဒေါင့်ချားဒါ့ နိန်းအွယ့်။ 6ရှိမုန်နောင် အာပလူးဖုန်း ထွိုင်ချလင်းပြက်ခိန်၊ အာကာကျန်းလတားဖုန်းဟေလွန် ဗွမ့်တွို့ ပြက်အွယ့် ကွင်တကျေးဒါ။ 7အွယ့်မဲ့ အာကားအွယ့် ဖီးအချက်ဟောင့်လေဒါ့ အာကားဖောဝ်းဖောင်းလငါ့ ဖီးကကျွဲအာကာတာ။ ပလူးအွယ့်ဟို တွိုလေးထွို့မဲ့ ထွိုင်းဆူလိုကားတားဖောင်းအန်းငြီးမာ့ကု အာကာဖောင်အွယ့်လဲ့ ဗွမ့်တွို့နောင်အီဗင့်ဗင့်။ 8ထွိုင်းသျှီးထွို့ တပျန့်အွယ့်ဟိုဖုန်း ရှိမုန်ပေတရုအွယ့် အိုနန်းခေါက်ဝယ်ကိုယ်တော်ယေရှုခင်ထီ့ထွို့ "ဗွယ်၊ ငါးဒွိုပျန့်တို ပလူးလီခိုဟမဲ့ စစွာ့ထန်းကေ့ ငါးဆောင့်လုဲင်" လျှောက်ဒင်နိန်းအွယ့်။ 9အာနောင် ပလူးလငါ့ဖုန်းလဲ့ အာကာကျန်းလ့တား ဟေငါးလွမ်အွယ့်စားမဲ့ ဟွမ့်ဆန်ယွမ်လိုကာတွို့။ 10အွယ့်ကူ့အွယ့် ကပျန့်ဒါး ရှိမုန်ဖောဝ်ဇေဗေဒဲ ဖုခု အန်တငြီ့ ယာကုပ်ဒေါင် ယောဟန်ကားလဲ့ ပါပါ။ ထွို့မဲ့ ကိုယ်တော်ယေရှုအွယ့် "ကျန်းစကမ်မာ၊ တေးထွို့ဒွိုး ခရားနားကားအီကျန်းတား၊ စုဖီဘို့ ပလူးဖုန်းထွို့ ဖီပျန့်ဖီငါးတပည့်တာ" မိန့်လင်ရှိမုန်နိန်းအွယ့်။ 11ထွိုမဲ့အာကာ ထွို့ထန်ဖောင်ခေါင့်လောင်ထွို့ ဖီကြွလူးတာ ကားကအိုဖုန်းထွို့ လေးတွယ်လိုကားကိုယ်တော်ယေရှုကန်စာ့။ 12ကိုယ်တော်ယေရှု အိုဝိန်းအဝိန်းကူ့ခါ့၊ ပခူအပလား အိုပျန့်ယာရောဂါကဟောင်ဒါ နူနာရောဂါ အိုအပလား။အာအွယ့် ထွိုင်သျှီးကိုယ်တော်ယေရှုထွို့ အိုကုတ်လင်းအာမေငါ့ကုထွို့ " ဗွယ်၊ နားအလိုမေအိုလဲ့ မိုသမာဖီဒါငါးအွယ့်မဲ့ ကုဖီငါးမွန်" ကျွူ့နိန်းအွယ့်။ 13ထွို့မဲ့ ကိုယ်တော်အွယ့် ခွိုင်းအာနောင်ကျွော့်ထွို့ "ငါးအလိုအိုတို အီကူ့ဖီနားအွယ့်မဲ့ တေဒွိုးခါ့ မိုးတမာဖီလိနားတစာ့" မိန့်လင်နိန်းအွယ့်။ အလိုင်ချင် ပလူးအွယ့်ပလားရောဂါအွယ့် တမာလေကေ့တွို့။ 14ကိုယ်တော်အွယ့် နားရောဂါတမာဘာခရာ ကျန်ဒေါင့်နေမာ လမားမားမာ မိန့်အာနိန်းအွယ့်ထွို့ "လေးပုရောဟိတ်စောင့်ထွို့မဲ့ နေတို့ နားနန်တို့ထွို့ နားရောဂါတမာအွယ့်စား နောင်မောရှေဥပဒေအတွိုင် ကန်တိုးပူဇော်လုဲင်" မိန့််နိန်းအွယ့်။ 15ကိုယ်တော် ယေရှု စတင်းအွယ့် ယိမ်းကျွက်ကျက်လေထွို့ ပလူးဖုန်းအွယ့် လေးလေကာကိုယ်တော်ယေရှုဆောင့် ဖီး ကနားကားဘာ ကိုယ်တော်တရာဖုန်းဒေါင် ဖီကကုကားဘာ အာကာ တနားရောဂါ ဖုန်း"။ 16ဒေါင့်မာလဲ့ အာဒီ့ အီဆုတောင်တာတား အိုပလူးဖုန်းဆောင့်ထွို့ စစွာ့ထန်ကေ့ ခမ်းလန်ယင်ကု။ 17အငြီးကုအွယ့် ကိုယ်တော်ယေရှု အိုဟိုတာခိန်းဖာရိရှဲဖုန်းနောင် ကျမ်ဒါးဆရာဖုန်း အိုဂါလိလဲကန်၊ ယုဒကန်၊ ဂျေရုဆလင်ဝိန်းဖုန်းကု ကအိုဒါးဒုန်ကားကအိုဖုန်းလဲ့ အိုနန်းလိုကား အွယ့်ကုပါ။ ပလူးဖုန်း တစာရောဂါ ဖီးကတမာတာ ဗွယ်ဖရာတန်းခိုတော်လဲ့ အိုကိုယ်တော်ယေရှုဆောင့်။ 18ကိုယ်တော်ယေရှုအိုအွယ့်ကူ့ပါးခိန်း ပလူးဖုန်းအွယ့် ဟောင့်လေးကာ ပလူးအိုလေဖြတ်တာအပလား။ ယိုးလေကာ ပလားအွယ့်ပလား ယွမ်းကူ့ တလျာ့လောင်ထွို့ ကြိုစာချလိုကား ကိုယ်တော် မေငါ့။ 19ဒေါင်းမာလဲ့ ယွမ်းကူ့ဒီ ပလူးဖုန်းအိုစုကာတာအွယ့်မဲ့ ဟောင်ကျိန်းအာတာ ကလေ့အိုဟအွယ့်မဲ့ ထန်းလိုကာယွမ်းခူးလောင်ထွို့ အောင့်ကာယွမ်ခူဒါ့ထွို့ ဖီးစီဆျားယွယွလင်းပါနောင်တလျာအွိုက်ပလူးဖုန်းခါ ကအိုဒါ ကိုယ်တော်ယေရှုမေငါ့ကူ့။ 20ပလူးအွယ့်ဟို တယွမ်းအန်းခွိုင့်ဒူးတျားမာကိုယ်တော်ထွိုင့်သျှီးထွို့ "မိတ်ဆွေ ၊ခွင်လွှတ်ဖီးလိ နားအပျက်ဖုန်း" မိန့်လင် ပလားအွယ့်ပလားနိန်းအွယ့်။ 21ထွို့မဲ့ ဖာရိရှဲဖုန်းနောင် မောရှေဥပဒေကျမ်းဒါးဆရာဖုန်းအွယ့် "လွို့ထွို့ ဗွယ်ဖရာ လမားလိခွင်လွှတ်ဖီးဒါးဟာ အပျက်ဖုန်းဟာ ပလားဒွိုးပလားဒွို ထင်ဒူးအာနန်ထွို့ ဒေါင့်စော်ကားဗွယ်ဖရာ" အာကာသကူ့ဖုန်းငြင်းလိုကားနိန်းအွယ့်။ 22ဒေါင့်မားလဲ့ ကိုယ်တော်အွယ့် အိုသိအာကာသထွို့မဲ့ " နားက့သကူ့ ဘာဟနာအိုငြင်းလိုကာနိန်းဒွိုး။ 23'လလိထွို့တခွင့်လွှတ် နားအပြက်ဖုန်း'ဒေါင့်နိန်းအွယ့်နောင် 'စစွာ့တာလုဲင်'အွယ့်ကမာဘားဒေါင့်ဘားယူ။ 24ဒေါင့်မားလဲ့ ဖရာဖုခုဒွို အပျက်ဖုန်းကအိုဒါး ကမ်းဖားလောင် ခွင်လွှတ်ဖီးဒါး အခွင်အာဏာအို ဖီနားက့ ကသိဘာ" မိန့်နိန်းအွယ့်ထွို့၊ "ငါးဒေါင့်ဖီနားဒွို၊ ထွိုင်လုဲင်၊ သျွှော်နားတလျာထွို့ ကျိန်ချန်းယွမ်လုဲင်" အာမိန့်လေ ပလူးကောလေဖြတ်စာပလား။ 25ထွိုင်းမိန့်နိန်းအွယ့်ထွို့ အလိုင်ချင် ပလူးအွယ့်ပလားအွယ့် အိုထွိုင်းထန်တာ ပလားမေငါ့ထွို့ အာဆျန်လင်းအာတလျားကအိုစို့ဒါအွယ့်ဘာထွို့မဲ့ အန်းဖရား ဗွယ်ဖရာဂုဏ်တော်ထွို့ ကျိန်းချာဒါအာယွမ်။ 26ပလူးဖုန်း ဟွမ်းဆန်လိုကားထွို့ အန်ဖရားလိုကားဗွယ်ဖရာ။ အာကာဒီ အိုကာဘာနောင် တာစကန်ထွို့ "ဟန်ငြီးဒွို က့ခွယ်ကာဘာလိ တထူးဆန်ခရားဖုန်း" ဒေါင့်ကာနိန်းအွယ့်။ 27တာအွယ့်ဟိုထွိုင့်ပျန့်ထွို့၊ ကိုယ်တော်ယေရှုစစွာ့ထန်းအွယ့်ကူ့ထွို့မဲ့ အာခွယ် တခွမ်ကောက်စာနျန်းလေဝိ တခွမ်ကောက်နန်းကြာကူ့။ ကိုယ်တော်လဲ့ "လေးတွယ် ငါးကန်စာ့" မိန့်နိန်းအွယ့်။ 28အွယ့်ကြားမဲ့ လေဝိအွယ့် ဖီးကေ့အာတမိုးထွို့ ထွိုင်တွဲ့လေးကိုယ်တော်ကန်စာ့။ 29ထွို့မဲ့ လေဝိခံချန်း ကိုယ်တော်ယေရှုနောင် အာတပည်ဖုန်း နောင်တအန်ပွဲဖုန်း အာယွမ်ကူ့။ တခွမ်ကောက်စားဖုန်းနောင် ကန်ချန်းလငါ့ဖုန်းလဲ့ တွိုလေးလူးလိုကာ ပွဲတအားမွိုင်ဟကူ့။ 30ဖာရိရှဲဖုန်းနောင် ကျမ်ဒါဆရာဖုန်းအွယ့် "နားကားဘာဟနာအန်းကိုအို့ကိုကား ဒေါင် တခွမ်ကောက်စာဖုန်း၊ ပလူးမိုးတလိခိုဟစာလငါ့ဖုန်းအယ်"ကွင်ကားကိုယ်တော် တပည့်ဖုန်းအပျက်။ 31ကိုယ်တော်ပြန်ဖြေချာဒါ့ အာကာဒွို "ပလူးခရိုင်းဒီ အိုလူဟဆရာဝန်း။ ပလူးစာ့စာမဲ့ အိုလူးဆရာဝန်။ 32ငါးကလေးဒါးဒွို ဆူတော်ကောင်စာတာမေဟ။ ဒေါင့်မားလဲ့ ငါးလေးတို ပလူးမိုးတလိခိုဟစာဖုန်း ဖီးကလနောင်တတာတို" အာမိန့်နိန်းအွယ့်။ 33ဖာစာရေခေါင်းဆောင်ဖုန်းအွယ့် "ယောဟန်နောင် အာတပည့်ဖုန်းဒီ ရှောင်ကားစာ ထွို့ အစင်းစင်းဆုတောင်ကားတာ။ ထွို့ကာဟ ဖာရိရှဲ တပည့်ဖုန်းဒီလဲ့နိန်းအွယ့်အွယ့်၊ ဒေါင့်မာလဲ့ နားတပည့်ဖုန်းနုဲင့် အန်ကာ အိုကာထွို့ ဘာဟနာ လိရှောင်ကားဟစား နောင်ပလား"တစီ့ကာ ကိုယ်တော် နိန်းအွယ့်။ 34ကိုယ်တော်အွယ့် "ပလူးလေးမင်္ဂလာပွဲစာဖုန်း မေအိုကိုနောင် သတို့သားခိန်း နားအီအန်ချန်အာကာရှောင်စာနောဝ်။ လမား လိအန်းချန်ဟာ နိန်းအွယ့်ဟာ။ 35ဒေါင့်မားလဲ့ မေဟောင်စွ့ာကေ့ သတို့သား အာကာဆောင့်ခိန်းအာကာအွယ့် အန်ဟအိုဟထွို့ အီရှောင်ကာတိုစာ" မိန့်နိန်းအွယ့်။ 36ထွို့မဲ့ ကိုယ်တော်ယေရှုအွယ့် ဒေါင့်နေအာကာ တတိုက်တွုန်အဘာ။ "လမားလဲ့ လိပလောဝ်ဟာကန်ကျိန်းမေ့ကူ့နောင် ပိတ်ယာသ့ဟာ။ မေပလောဝ်တွို့လဲ့ ကန်ကျိန်းမေ့အွယ့် အီဖရင်းထွို့ သကျေးကေ့ဟို့။ 37လာမားလဲ့လီစူဟာ စပျစ်ဝိုင်သ့ သဖီ့ဘုတ့်မေ့ကူ့ဟာ။မေစူနိန်းအွယ့်အွယ့် စပျစ်ဝိုင်သ့ဒွို့ အီမိုးသကျေးကေ့သဖီးဘုတ်အွယ့်မဲ့ စပျစ်ဝိုင်လဲ့ အီလင်ကာထွို့ သဖီ့ဘုတ်လဲ့အီးကေ့ကေ့။ 38စပျစ်ဝိုင်သဒွိုး ဆူဘာဘို့ သဖီ့ဘုတ်သကူဟို့။ 39ပလူးအိုထွို့စပျစ်ဝိုင်းဇျီးဖုန်းဒီ အီဒေါင့်ကာ စပျစ်ဝိုင်ဇျီးအွီးထိုင်ထွို့ လီဘာသာအိုဒွမ်ဟာ စပျစ်ဝိုင်သ့ဟာ" အာမိန့်လေနိန်းအွယ့်။
सध्या निवडलेले:
Luke 5: ltpv-rv
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
