پیدأیش ۱۰
۱۰
دونیأ قؤمأنٚ پخشٚ پلأ بوستن
1 اَشأن سام، حام و یافث، نوحٚ پٚسرأنٚ نتأج ایسٚد کی طوفأنٚ پٚسی بٚزأ بوبوستده:
یافثٚ نتأج
2 یافثٚ پٚسرأن اَشأن بود: جومر، مأجوج، مادای، یاوان، توبال، ماشَک و تیراس.
3 جومرٚ پٚسرأن: اَشکناز، ریفات و توجَرِمه.
4 یاوانٚ پٚسرأن: الیشه، ترشیش، کتیم و رودانیم.
5 اَ آدمأنٚ زأکأن ایپچه ایپچه دونیأ دریأ کنأرأن و جزیره‌یأنٚ میأن پٚخشَ بوستٚده و جوروأجورٚ زوأنأنٚ اَمرأ قومأنَ بٚوجود بأوٚردٚد.
حامٚ نتأج
6 حامٚ پٚسرأن اَشأن بود: کوش، مصرایم، فوط و کنعأن.
7 کوشٚ پٚسرأن: سبا، حویله، سبته، رعمه، سبتکا. رعمه پٚسرأن: شبا و ددان.
8 ایتأ جٚه کوشٚ زأکأن، اینفر بو نمرود نأم کی دونیأ میأن ایتأ پیله سرشنأسٚ پهلوأن بوبوسته. 9 اون او قودرتٚ اَمرأ کی خوداوند اونَ فأدأ بو، ایتأ مأهرٚ تیراندأز بوبوسته؛ جٚه اَنٚ وأسی، او وخت کی خأیٚده بٚگد اینفر تیراندأزی میأن خٚیلی اوستأد ایسٚه، گده: «خوداوند تیراندأزی میأن تٚرَه نمرودٚ مأنستَن چأکونٚه.» 10 اونی پأدیشأیی سرزیمین اوّل بابِل، ارک، اَکَد و کَلنه میأن بوستی کی شنعارٚ سرزیمینٚ میأن نهأبو. 11 بأزون خو سرزیمینَ تأ آشورٚ ور زیأدَ کوده، نینوأ، رحوبوت عیر، کالح 12 و ریسن، او پیله شهر کی نینوأ و کالحٚ میأن نٚهأیَ چأکوده.
13 مصرایم، اَ قومأنٚ پیله‌بابا بو: لودیأن، عنامیأن، لهابیأن، نفتوحیأن، 14 فتروسیأن، کسلوحیأن کی فلسطینٚ آدمأن اَ قومٚ جَا بٚوجود بأمؤده و کفتوریأن.
15 کنعانٚ پیله پٚسر صیدون بو و کنعانٚ جَا بیجیرٚ قومأن بٚوجود بأمؤده: حیتّیأن، 16 یبوسیان، اموریأن، جرجاشیأن، 17 حوّیأن، عرقیأن، سینیأن، 18 اروادیأن، صماریأن و حماتیأن. اونی پٚسی، کنعأنی طأیفه‌یأن پخشٚ پلأ بوبوستد 19 و کنعانٚ سرزیمینَ فأرٚسِئی جٚه شومألٚ میأن صیدون تأ جونوبٚ میأن جرار و غزه و شرقٚ میأن تأ سدوم و عموره و ادمه و صبوئیم کی لاشع نیزدیکی نٚهأ بود.
20 اَشأن حامٚ نتأج بود کی خوشأنٚ قبیله‌یأن و سرزیمینأنٚ میأن زٚندیگی کودید و هرتأن خوشأنٚ بٚخصوصٚ زوأنَ دأشتیدی.
سامٚ نتأج
21 سامٚ نتأجٚ جَا، کی یافثٚ پیله برأر بو، عابر بٚوجود بأمؤ (عابر عبرانیأنٚ پیله بأبأ ایسٚه). 22 اَشأن سامٚ پٚسرأنٚ ایسمأن ایسٚد: عیلام، آشور، ارفکشاد، لود و ارام.
23 اَشأن اَرامٚ پٚسرأن ایسٚد: عوص، حول، جاتر و ماشک.
24 ارفکشاد، شالحٚ پِئر و شالح، عابرٚ پِئر بو.
25 دوتأ پٚسر عابرٚ رِه بوبوسته. اوّلی نأم فِلِج بو، چونکی اونی زمأتٚ میأن بو کی دونیأ آدمأن پخشٚ پلأ سیوأ بوبوستٚده. یُقطان اونی برأرٚ نأم بو.
26 یُقطان اَشأنٚ پیله بأبأ بو: الموداد، شالف، حضرموت، یارح، 27 هدورام، اوزال، دقله، 28 عوبال، ابیمائیل، شبا، 29 اوفیر، حویله و یوباب. اَشأن همٚتأن جٚه یُقطانٚ نتأجٚ بید. 30 اَشأن میشا تأ سفاره شرقی کوهیستأنأنٚ جَا پٚخشَ بوسته بود و اویَه زٚندیگی کودیدی.
31 اَشأن سامٚ زأکأن بود کی خوشأنٚ سرزیمینأن و قبیله‌یأنٚ میأن زٚندیگی کودیدی و هرتأن خوشأنٚ بٚخصوصٚ زوأنَ دأشتیدی.
32 تومأمٚ اَ آدمأن کی بوجؤر اَشأنٚ نأم بٚبرده بوبوسته، نوحٚ نتأجٚ جَا بود کی طوفأنٚ پٚسی، دونیأ میأن پٚخشَ بوستد و جوروأجورٚ قومأنَ بٚوجود بأوٚردٚد.
सध्या निवडलेले:
پیدأیش ۱۰: GCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Gilaki Contemporary Bible is a Product of Transform Iran © 2024. All rights reserved. www.kelisayejame.org