Markus 2
2
Yesus nampakauri to napungku i Kapernaum
(Mat. 9:1-8; Luk. 5:17-26)
1Bahangkua eo lako hee, Yesus nanculiki rau i ngata Kapernaum. Pade notolelemi kareba ane Yesus naria i rara hou po'ohaa-Nami. 2Lauparia nadearamo tauna narata nahiromu i hou ee, alaana momami naria kakaloaana, nabihi duu rata womo. Bula Yesus noparata Kareba Belo lako Alatala hi tau-tauna, 3narata opo dua tauna nokowa hadua to napungku rau hi Hia. 4Naupawee momara namala nangkeni to napungku ee rau hi Hia, apa nadea gaga tauna nahiromu i humpii Yesus. Alaana laihungkara ata hou hintoto kariaa Yesus, pade laiulurami to napungku ee hante alina. 5Pangkahilo-Na Yesus peparahayara, iulika-Nami to napungku ee mai, “Ana-Ku, doha-dohamu laiampunimi.”
6Bahangkua dua to nataualu buku Taurat to noncuna i hee nanguli rara bongora, 7“Bewa pade iwee iuli-Na Hia ei mai? Hia ei nampahauru Alatala. Moma hema ntanina to mamala moampuni doha, wuwu Alatala aga.”
8Laincani-Na Yesus napa to i rara bongora, pade iulika-Nara, “Napa pade iwee pampekirimi? 9Uma to nadoli Ku'uli hi to napungku ei, dohamu laiampunimi, ba pokangkoremoko, ongkomi alimu pade pomakomoko? 10Bona mincani, i rara dunia ei mai, Ana Manuhia nabaraka moampuni doha.” Napu ee Yesus nangulika tauna to napungku ee, 11“Ku'ulikako! Pokangkoremoko, ongkomi alimu pade panculimoko rau houmu!”
12Nokangkore mpuumi to napungku ee mai, laiongkonami alina pade nomakomi nehuwu lako hou ee laidulu naa tauna. Humawee tauna to nampanaa'i nahera pade nampaune Alatala, iulira, “Poma naria laihilota to ewa ei.”
Lewi to peduhu paja nantuku Yesus
(Mat. 9:9-13; Luk. 5:27-32)
13Napu ee, rau nculimi Yesus i wiwi Rano Galilea. Nadea tauna narata hi Hia, pade laipatudu-Nara. 14Bula Yesus nomako, laihilo-Na Lewi ana Alfeus noncuna i hou popahirurua paja, pade laiulika-Na'i, “Tuku-'Amo.” Neongko mpuumi Lewi rau nantuku-'I.
15Tempo Yesus nangkoni i hou Lewi, nadea to peduhu paja hante tau-tauna to nadoha nangkoni dohe Yesus pade ana-ana guru-Na, apa nadea tauna nantuku-'I. 16Hangka bahangkua dua to Farisi to nataualu buku Taurat nampahilo Yesus nangkoni nodohe hante to peduhu paja pade tauna to nadoha, nepekuneramo hi ana-ana guru Yesus, “Napa pade Gurumi nangkoni dohera to peduhu paja pade to nadoha?”
17Laiepe-Na Yesus napa to laiulira lauria pade iulika-Nara iwei, “Tauna to naseha moma namparaluu dokutoro. Tauna to nadua aga to namparaluu dokutoro. Aku narata i dunia moma-'A mangkio tauna to nanoro, naupawee narata-'A mangkio tauna to nadoha.”
Patudu Yesus moma mamala rapomegalo hante ada kabiahaa
(Mat. 9:14-17; Luk. 5:33-39)
18Hangkani tempo, bulara ana guru Yohanes to Pediu pade tau-tauna to Farisi nopuaha, naratara tauna nepekune hi Yesus, “Napa pade ana-ana guru Yohanes pade ana-ana guru to Farisi naharo nopuaha nantuku ada kabiahaata, bo hira ana guru-Mu moma?”
19Yesus nampahonoira, “Moma nahipato bale-bale pongante balailo mopuaha ane laipodohera i heedipi pongante balailo ee. Ane pongante balailo rapodoheradipi, momara mamala mopuaha. 20Naupawee, marata moto mei tempona pongante balailo ee ra'ala lako hi hira. Tempo ee mei pade mopuaharada.#2:20 Yesus nampahibali woto-Na ewa pongante balailo, pade ana-ana guru-Na ewa bale-bale pongante balailo ee. 21Moma hema haduaa tauna motampala waru to nauha hante potaia kae to nabou, apa ane rapowee'i, kae bou to laipake notampala ee mei, mampadii kae to nauha ee mai, alaana mabohekimi kabentaa waru ee. 22Wee moto mui ue anggur to nabou, moma'i laikahini rara kuhita kuliba to nauha. Apa ane wee, mabentami kuhita kuliba ee hampena mabubumi anggur ee pade kuhita kuliba ee mai marotami. Ue anggur to nabou kana rakahini i rara kuhita kuliba to nabou.”
Ana-ana guru Yesus nopuputi wuli gando tempo eo Pentuua to Yahudi
(Mat. 12:1-8; Luk. 6:1-5)
23 #
Ul. 23:25
Hangkani tempo, i eo Pentuua to Yahudi, Yesus hante ana-ana guru-Na noliu i bone gando. Bulara nomako, ana-ana guru Yesus nopuputi wuli gando. 24Bahangkua dua to Farisi nepekune hi Yesus, “Hilo, napa pade ana-ana guru-Mu nobabei to laipetagii tempo eo Pentuua?”
25 #
1Sam. 21:1-6
Yesus nampahonoira, “Apa poma ibahami napa to laibabei Magau Daud ilodo? Tempo ee hia hante dohe-dohena nakaopua pangkonira pade naoro taira. 26Tempo Abyatar nawali Imam Bohe, Magau Daud nehua i rara Kemah Alatala, pade nangkoni roti pewaia to laijuju hi Alatala, pade laiwaikana muira to nantuku'i. Kakonona momara mamala mangkoni roti ee. To mamala mangkoni roti ee imam-imam aga.”#Im. 24:5-9
27Napu ee, Yesus nangulikara, “Eo Pentuua laipakatantu Alatala bona mantulungi manuhia. Manuhia laipajadi Alatala moma bona rapahuru manturuhi ada kabiahaa i eo Pentuua. 28Aji, Ana Manuhia nabaraka mampakatantu napa to mamala rababei i eo Pentuua.”
सध्या निवडलेले:
Markus 2: MYL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
