Mataio 4
4
1Ou pani ai Iesu i Avaea oravaka‐inavakei’inave kekepere ai i diabolo aili?-?awkavakeia’ane‐iai.
2U pei lariliaka’ane lare 40, kipere 40 awku, U pei navainavaili’inave.
3Diabolo U ai anenave, erau voa kurunave ane, Ni Eloi inu Mere keia’ane, ei rawre‐oro pei evere’eai Ni ekine.
4Iesu erau voa kurunave, Ei voa kikiriakeina, I pei e a’a rokoapea, a i voa kavakava Eloi inu ane mere elemanemakina.
5Diabolo oravaka‐inanave iaa pai’iri ai, iaa marea anu i’i upa mere u Iesu oravaka‐inanave, erau voa kurunave ane,
6Ni Eloi inu Mere keia’ane, Ni arane kae ai: uku ei voa kikiriakeina, Uku niviriai Una aivara‐avaea U ekiakana, omo eve mokono ai oro Ni vakaruakana Ni are rawre ai Ni vakinavaia.
7Iesu erau voa kurunave, Ei voa awku kikiriakeina, Iehova ni Eloi ni pa ailiai.
8Akapu upa mere mukua epe’epe diabolo Iesu oravaka‐inanave, ei pani va’au unu eiei uriria u Iesu ipekinave, omo evao’evao ane;
9U Iesu erau voa kurunave, Na paku ai Ni are‐epo aiane, Ni avi’i’iane, ei awku uriria nai nikuakana.
10Iesu erau voa kurunave Enara, Satani e, uku ei voa kikiriakeina, Iehova ni Eloi ni avioiakana, U e ni kamaia‐awkavakana.
11Diabolo ave’enave; aivara‐avaea‐oro U ai anenave, oro paiokanave ane.
12Iesu uru viriaka’ane Ioane piria‐marea laru ai piriakei’inave, Galilaia eiei ai U enanave;
13Nasareta ave’emakei’inave Kaperanauma ai U anenave, ipokoinave ane Ururu ai, Sebulona, Napatali ane, orere enu orai ai:
14Uku ei voa evere’eake?-?ia’ane‐iai i Isaia laikorava a’a kuruakei’inave,
15Sebulona anu eiei, Napatali inu eiei ane, Kapea Ururu i, eiei Ioridana ane lai, Lai unuku a’a anu Galilaia;
16A’a aruru‐oro muru ai pokoimakei’inave pamea evao’evao oro inamu‐oiane euna; oro awku imua anu ivawvoa’a eiei ai pokoimakei’inave oro upa mere pamea mereane euna.
17Ou pani mere omoro kuruai Iesu pinai‐li’inave, erau voa kuruai ane, Lai urukine: uku pani muku unu eiei arekamu ai anena.
18Iesu Galilaia Ururu unu miri ai are‐rokoamakei’inave, aroa a’a rere U inamu‐ei’inave, Simona Petero, una airavaki ane nawi Anederea, orere kiri‐keve Ururu ai ururumakei’inave; orere nava mia‐avai a’a kei’inave.
19Iesu orere erau voa kuruenave, Anene, e’e’ikane ane, A’a evoroai Nai norere ipanakiakana.
20Keve orereemokiave’ei?-?nave, orere e’e’okanave ane.
21U paku ai enamakei’inave aroa a’a rere mo U inamu‐ei’inave, Iakobo airavaki Sebede enu mere, ovaki Ioane ane, Sebede kiripai mapea ai orere keve ekoromakei’inave.
22Uorerelaea‐elau’unave, mapea mere orere emoki pi’inave, mekai awku orere ave’enave, Iesu e’e’okanave ane.
23Galilaia eiei iki Iesu aki enanave, omo omoro marea laru ai U voa ipawkimakei’inave, epo‐ima voa awku U omoro kurumakei’inave pani muku unu eiei eiai, maia uriria U aukari?-?kamakei’inave kape eapa maia awku U uriria paue?-?makei’inave.
24Suria anu eiei iki Una uru upurukiakei’inave: a’a aruru omo auma a’a uriria, omo kape kukunu a’a uriria awku, U ai oro arekanave; iara avuavu a’a‐oro, oia?-?naonao a’a‐oro, varuvaru maia a’a‐oro, uriria U aukarieka’anave.
25A’a aruru ovara‐mai U e’e’okanave Galilaia mere, Dekapoli mere ane, Ierusalema mere ane, Iudea mere ane, Ioridana iou ane lai mere ane.
सध्या निवडलेले:
Mataio 4: IAR1920
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Published by the British and Foreign Bible Society in 1920.
