S. Mat 5
5
Krie V.
1Dzesúi si pâ gjíndet𝑒, u‐ngjip𝑒 te mali, e si u‐uj𝑒 atjé, i u‐kjas𝑒n dis̆ípuj𝑒t’ e tîγj𝑒,
2E si sbiγi goj𝑒n e tîγj𝑒 i mpsoγj𝑒, tue θ𝑒n𝑒:
3Lum𝑒 t𝑒 vápkjit𝑒 nd𝑒 s̆pîrt𝑒: se e tíria is̆t𝑒 mbretría e kjíeγiavet.
4Lum𝑒 t𝑒 bútit𝑒: se atá kat𝑒 tras̆gónj𝑒n𝑒 jet𝑒n.
5Lumt’ atá ts̆𝑒 klân𝑒: se atá kat𝑒 jên𝑒 p𝑒rg𝑒zúar𝑒.
6Lumt’ atá ts̆𝑒 kan ûr, eδé et𝑒 lígjie: se atá kat𝑒 tsíten𝑒.
7Lum𝑒 t𝑒 lipísmit𝑒: se atá kat𝑒 jên𝑒 lipísur𝑒.
8Lum𝑒 t𝑒 pastrúamit𝑒 zémrie: se atá kat𝑒 s̆óχ𝑒j𝑒n𝑒 Per𝑒ndîn.
9Lumt’ atá ts̆𝑒 vûn pakjen: se atá kat𝑒 θríten𝑒 bij𝑒 t𝑒 Per𝑒ndîs.
10Lumt’ atá ts̆𝑒 jan𝑒 p𝑒rz𝑒nn𝑒 paj𝑒 t𝑒 dréj𝑒t𝑒s𝑒: se e tíria is̆t𝑒 mbretría e kjíeγiavet.
11Lumt𝑒 jû kur𝑒 t𝑒 ju márrj𝑒n𝑒 dzarr𝑒, e t𝑒 ju p𝑒rzên𝑒, e t𝑒 ju θên𝑒 gjiθ𝑒 t𝑒 lígat𝑒 me t𝑒 rrêmen, páj𝑒t𝑒 meje:
12G𝑒zóniχj𝑒, e bríδ𝑒ni, se s̆um𝑒 kat𝑒 jêt𝑒 rroga júaj𝑒 te kjíeγiat𝑒: se k𝑒s̆tú p𝑒rzûn profétrat𝑒, ts̆𝑒 klen𝑒 mê para se jû.
13Jû jini kripa e δéut𝑒. E n𝑒 kripa u‐kálb𝑒s̆it, me ts̆𝑒 kat𝑒 kupríχet𝑒? Ng𝑒 v𝑒jén mê p𝑒r gjê, po t𝑒 s̆tíχet𝑒 jas̆t𝑒, e t𝑒 s̆kélet𝑒 ka njérzit𝑒.
14Jû jini drita e jét𝑒s𝑒. Ng𝑒 mund𝑒 fs̆íχet𝑒 nj𝑒 χor𝑒 vunn𝑒 mbi mal𝑒.
15Ng𝑒 ts̆elj𝑒n χ𝑒rnarin, eδé e vûn𝑒 n𝑒n𝑒 móδjit𝑒, se po mbi k𝑒mb𝑒n, e bun drit𝑒 gjiθve te s̆pia.
16K𝑒s̆tú γamparist𝑒 drita júaj𝑒 perpara njérz𝑒vet: sât𝑒 s̆óχ𝑒j𝑒n𝑒 t𝑒 bémat’ e mira túaj𝑒t𝑒, e t𝑒 δoksiásj𝑒n𝑒 Tat𝑒n têj𝑒, ts̆𝑒 is̆t𝑒 te kjíeγiat𝑒.
17Mos ju dukt𝑒 se jerδa t𝑒 gorromísia ligj𝑒n, ô profétrat𝑒: ng𝑒 jerδa t𝑒 gorromísia, se po t𝑒 sósia.
18Me t𝑒 ftet𝑒 prandái ju θom𝑒; njera ts̆𝑒 t𝑒 s̆konj𝑒 kjíeγia e δeu, nj𝑒 jota, e nj𝑒 májez𝑒 ng𝑒 ka lípset𝑒 ka ligja, njera ts̆𝑒 t𝑒 stréksj𝑒n𝑒 gjiθkjis̆𝑒.
19Prandái aí ts̆𝑒 t𝑒 sglíδ𝑒nj𝑒 njerin ka mê t𝑒 végjij𝑒t𝑒 te kta urδurime, e t𝑒 m𝑒sonj𝑒 k𝑒s̆tú njérzit𝑒, mê i vóg𝑒li kat𝑒 θrítet𝑒 te mbret𝑒ría e kjíeγiavet: aí prân ts̆𝑒 t𝑒 b𝑒nj𝑒, e t𝑒 m𝑒sonj𝑒, kî i maθ𝑒 kat𝑒 θrítet𝑒 te mbret𝑒ría e kjíeγiavet.
20Andái ju θom𝑒, se mos ng𝑒 buroft𝑒 e dréj𝑒ta júaj𝑒 mê se e Skríbravet eδé e Farisénj𝑒vet, ng𝑒 kat𝑒 χini te mbretría e kjíeγiavet.
21Gjékj𝑒t𝑒 se u‐θa plékj𝑒vet: Mos vrats̆𝑒: e aí ts̆𝑒 t𝑒 vrás𝑒nj𝑒, kat𝑒 vê n𝑒n𝑒 gjikímit𝑒.
22Ú viδé ju θom𝑒: se nganjé, ts̆𝑒 ngróχet𝑒 me t𝑒 vγáun e tîγj𝑒 mbraz𝑒t, kat𝑒 vê p𝑒rpos̆𝑒 gjikímit𝑒. Eδé aí ts̆𝑒 t𝑒 θêt𝑒 vγáut’ e tîγj𝑒, raká: kat𝑒 vê p𝑒rpos̆𝑒 sinéδr𝑒jit𝑒. E kus̆ t’ i θêt𝑒, i l𝑒n𝑒: kat𝑒 vê p𝑒rpos̆𝑒 dz̆eénn𝑒s e zjárrit𝑒.
23N𝑒 ti p𝑒randái síels̆𝑒 δurutîn t𝑒nde mbi otarin, e atjé u‐kuitofs̆e se vγau jit𝑒 kâ gjāgjê me tîj:
24Lê atjé p𝑒rpara otárit𝑒 δurutîn t𝑒nde, e jets𝑒 sivasu mê para me t𝑒 vγáun t𝑒nt𝑒: aχiérra si vjen𝑒 bjer𝑒 δurutîn t𝑒nde.
25Jets’ i me t𝑒 mir𝑒 armíkut𝑒 t𝑒nt𝑒 njize njera sâ jê p𝑒r δrom𝑒 me até: mos b𝑒n se t𝑒 jep𝑒 te dúart’ e gjíkut𝑒 armiku jit𝑒, e gjiku te dúart’ e s̆𝑒rb𝑒tórit𝑒: e t𝑒 t𝑒 s̆tiér𝑒 nd𝑒 fulakjî.
26Me ftet𝑒 t𝑒 θom𝑒, ng𝑒 mund𝑒 dals̆ atéi, njera t𝑒 pagúas̆ t𝑒 sprasmin kuatrant𝑒.
27Gjékj𝑒t𝑒 se u‐θa plékj𝑒vet: Mos kurv𝑒rós̆.
28Ú prâ ju θom𝑒: Se nganjé, ts̆𝑒 v𝑒rrên grúan p𝑒r dis̆irim𝑒 t𝑒 sâγj𝑒, aχiérra kurv𝑒rón me até te z𝑒mra e tîγj𝑒.
29N𝑒 prâ siu jit𝑒 i drekj𝑒 t𝑒 jep sk𝑒ndaχ, s̆kule, e s̆tiê γarγu tîj: p𝑒rts̆é t𝑒 v𝑒jén mê mir𝑒 t𝑒 sbíret𝑒 nj𝑒 pjes𝑒 e kúrmit𝑒 t𝑒nt𝑒, se gjiθ𝑒 kurmi jit𝑒 t𝑒 s̆tíχet𝑒 nd𝑒 dz̆eénn𝑒.
30Eδé n𝑒 dora jote e drekj𝑒 t𝑒 jep sk𝑒ndaχ, prite, e s̆tié γarγu tîj: se t𝑒 v𝑒jén mê mir𝑒 t𝑒 sbíret𝑒 nj𝑒 pjes𝑒 e kúrmit𝑒 t𝑒nt𝑒, e jo gjiθ𝑒 kurmi jit𝑒 t𝑒 vê nd𝑒 dz̆eénn𝑒.
31U‐θa viδé: Aí ts̆𝑒 t𝑒 lér𝑒nj𝑒 s̆okjen e tîγj𝑒, le t’ i jáp𝑒nj𝑒 asâγj𝑒 t𝑒 s̆krúamen e t𝑒 ndârit𝑒.
32Ú prân ju θom𝑒: Se nganjé, ts̆𝑒 lê s̆okjen e tîγj𝑒, ndzjerr𝑒 p𝑒r kurv𝑒rî, e b𝑒n t𝑒 búnet𝑒 kurv𝑒: eδé aí ts̆𝑒 martónet𝑒 me t𝑒 ndáitur𝑒n, kurv𝑒rón.
33Pameta gjékj𝑒t𝑒 se kle θ𝑒n𝑒 plékj𝑒vet: Mos b𝑒s̆ bê e rrême: e kat’ i a príers̆𝑒 Tinzótit𝑒 bêt𝑒 tote.
34Ú prâ ju θom𝑒, t𝑒 mos b𝑒ni bê fare, jo mbi kjíeγi𝑒n, se ê θron𝑒 i Per𝑒ndîs:
35Jo mbi δéun, se i s̆𝑒rbén p𝑒r n𝑒n𝑒 kémb𝑒vet tîγj𝑒: jo mbi Dz̆erusalém, se ê χora e t𝑒 máδit𝑒 mbret𝑒:
36Miδé mbi kríet tat𝑒 ng𝑒 kat𝑒 bus̆ bê, se ng𝑒 mund𝑒 bus̆ nj𝑒 kjime e barδ𝑒, ô e zez𝑒.
37T𝑒 jêt𝑒 t𝑒 fol𝑒t tâj𝑒, êχj, êχj: jo, jo: até ts̆’ is̆t𝑒 mê s̆um𝑒 se ktô fjal𝑒, is̆t𝑒 p𝑒r t𝑒 lik𝑒.
38Gjékj𝑒t𝑒 se u‐θa: Sî p𝑒r sî, δ𝑒mp𝑒 p𝑒r δ𝑒mp𝑒.
39E ú ju θom𝑒, t𝑒 mos zéχiχj𝑒 me t𝑒 ligun: e n𝑒 ndonjerî t𝑒 δ𝑒ft𝑒 ndô s̆plak𝑒 mbi fakjen t𝑒nde t𝑒 dréj𝑒t𝑒n, priri eδé t𝑒 jetr𝑒n.
40E atîγj𝑒, ts̆𝑒 do t𝑒 t𝑒 kjéγ𝑒nj𝑒 te ligja, e t𝑒 t𝑒 márr𝑒nj𝑒 k𝑒mis̆𝑒n, lei gjiθ𝑒 t𝑒 vés̆ur𝑒n.
41E kus̆ t’ angariâr𝑒 p𝑒r nj𝑒 mij𝑒 δrom𝑒, jits𝑒 bas̆k𝑒 me té eδé njetr𝑒 dî.
42Atîγj𝑒, ts̆𝑒 t𝑒 lip𝑒, jipi: e atîγj𝑒 ts̆𝑒 do χua gjé ka‐k𝑒 ti, mos i príers̆𝑒 kraχt𝑒.
43Gjékj𝑒t𝑒 se u‐θa: Kat𝑒 dúas̆ mir𝑒 gjitonin t𝑒nt𝑒, e kat𝑒 mbâs̆ mbrî armíkut𝑒 t𝑒nt𝑒.
44E ú ju θom𝑒: Dúani mir𝑒 armíkj𝑒t𝑒 tâj𝑒, b𝑒ni mir𝑒 atire, ts̆𝑒 ju mbanj𝑒n mbrî: e parkalés𝑒ni p𝑒r atá, ts̆𝑒 ju ts̆aγapatisj𝑒n, e ju p𝑒rzên:
45Sât𝑒 jini bij𝑒 t𝑒 Tát𝑒s𝑒 têj𝑒, ts̆𝑒 is̆t𝑒 nde kjíeγia: se aí b𝑒n t𝑒 léχet𝑒 díeγi i tîγj𝑒 mbi t𝑒 líkj𝑒t𝑒 e t𝑒 mír𝑒t𝑒: e b𝑒n e bie s̆î mbi t𝑒 dréj𝑒tit’ eδé mbi t𝑒 s̆trémbrit𝑒.
46Se n𝑒 jû dáfs̆it𝑒 mir𝑒 atá, ts̆𝑒 ju dúan𝑒 mir𝑒, ts̆𝑒 rrog𝑒 m𝑒nd𝑒 ju ngás𝑒nj𝑒? ts̆𝑒 ng𝑒 b𝑒nj𝑒n as̆tú eδé gabilót𝑒t𝑒?
47E n𝑒 do fáliχj𝑒 vγézr𝑒vet tâj𝑒 vet𝑒m, ts̆𝑒 b𝑒ni mê s̆um𝑒? θomse eδé dz̆intíj𝑒t𝑒 ng𝑒 b𝑒nj𝑒n as̆tú?
48Jini p𝑒randái gjiθ𝑒 t𝑒 mir𝑒, si eδé Tata jîj𝑒 i kjíeγi𝑒s is̆t𝑒 gjiθ i mir𝑒.
सध्या निवडलेले:
S. Mat 5: AAE1868
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Përktheu nga greqishtja 1868.
