ມັດທາຍ ຄຳນຳ

ຄຳນຳ

ຈຸດປະສົງຂອງມັດທາຍແມ່ນເພື່ອສະແດງໃຫ້ເຫັນວ່າພຣະເຈົ້າໄດ້ຮັກສາຄຳສັນຍາຂອງພຣະອົງຕໍ່ອິດສະຣາເອນຈາກສະໄໝບູຮານໂດຍຜ່ານທາງຊີວິດ, ຄວາມຕາຍ ແລະ ການເປັນຄືນມາຈາກຕາຍຂອງພຣະເຢຊູຄຣິດເຈົ້າຜູ້ເປັນພຣະເມຊີອາ. ການຄອບຄອງຂອງສະຫວັນທີ່ຄາດຫວັງໄວ້ຢ່າງດົນນານ ບັດນີ້ກໍມາເຖິງໂລກແລ້ວ, ພ້ອມທັງນຳເອົາເລື່ອງລາວຂອງຄົນຢິວມາເຖິງຕອນສຳຄັນ. ມັດທາຍໄດ້ເລີ່ມຕົ້ນໂດຍການເນັ້ນເຖິງພຣະເຢຊູເຈົ້າໃນຖານະບຸດຂອງດາວິດ, ຜູ້ເປັນກະສັດທີ່ມີຊື່ສຽງຫລາຍທີ່ສຸດຂອງອິດສະຣາເອນ ແລະ ເປັນເຊື້ອສາຍຂອງອັບຣາຮາມ, ຜູ້ເປັນຕົ້ນຕະກຸນຂອງອິດສະຣາເອນ. ພຣະເຢຊູເຈົ້າເປັນຄົນອິດສະຣາເອນໂດຍແທ້ ແລະ ເປັນພຣະເມຊີອາຕາມຄຳສັນຍາຂອງພຣະເຈົ້າ.

ການນຳສະເໜີເລື່ອງລາວຂອງພຣະເມຊີອາເຮັດໃຫ້ຄິດເຖິງເລື່ອງລາວຂອງອິດສະຣາເອນ ຄືການລົງໄປທີ່ແມ່ນ້ຳຈໍແດນ, ການປະເຊີນກັບການທົດລອງໃນຖິ່ນແຫ້ງແລ້ງກັນດານ, ການຮວບຮວມເອົາສາວົກສິບສອງຄົນໃຫ້ເປັນເໝືອນສິບສອງເຜົ່າໃໝ່, ການຂຶ້ນໄປເທິງພູເຂົາເພື່ອມອບໂຕຣາໃໝ່ ແລະ ອື່ນໆ. ຜູ້ຂຽນໄດ້ເນັ້ນແນວຄວາມຄິດກ່ຽວກັບພຣະເຢຊູເຈົ້າໃນຖານະໂມເຊຄົນໃໝ່ ໂດຍການຮວບຮວມເອົາຄຳສອນເຫລົ່ານັ້ນຂອງພຣະອົງໄວ້ໃນເລື່ອງລາວທີ່ມີເນື້ອໄນຍາວຫ້າຕອນ. ຄຳສອນແຕ່ລະຕອນໃຊ້ປະໂຫຍກ ເມື່ອພຣະເຢຊູເຈົ້າກ່າວຄຳເຫລົ່ານີ້ຈົບແລ້ວ. ມັດທາຍກໍໄດ້ນຳສະເໜີຫ້າຕອນສຳຄັນ ເໝືອນກັບໂຕຣາກໍມີຫ້າເຫລັ້ມ.

ໜັງສືນີ້ໄດ້ສະຫລຸບວິທີທີ່ພຣະເຢຊູເຈົ້າໄດ້ນຳເອົາພາລະກິດແຫ່ງການໄຖ່ບາບຮູບແບບໃໝ່ທີ່ຍິ່ງໃຫຍ່ມາໃຫ້ກັບບັນດາຄົນຂອງພຣະອົງ. ເໝືອນກັບເລື່ອງລາວຂອງການອົບພະຍົບຂອງອິດສະຣາເອນ ທີ່ມີການກິນອາຫານສະເຫລີມສະຫລອງວັນປັດສະຄາ ແລະ ຫລັງຈາກນັ້ນການກອບກູ້ຈຶ່ງມາ. ພຣະເຢຊູເຈົ້າໄດ້ມອບຊີວິດຂອງພຣະອົງເພື່ອໂລກນີ້ ແລະ ຫລັງຈາກນັ້ນຈຶ່ງຖືກເຮັດໃຫ້ເປັນຄືນມາຈາກຄວາມຕາຍ. ໃນຕອນເລີ່ມຕົ້ນຂອງໜັງສືນີ້, ພຣະເຢຊູເຈົ້າໄດ້ຮັບຊື່ວ່າ: “ເອມານູເອນ” ເຊິ່ງມີຄວາມໝາຍວ່າ: “ພຣະເຈົ້າຢູ່ກັບພວກເຮົາ”. ໃນຕອນທ້າຍ ພຣະເຢຊູເຈົ້າໄດ້ສົ່ງບັນດາຜູ້ທີ່ຕິດຕາມພຣະອົງເຂົ້າໄປໃນໂລກນີ້ພ້ອມກັບຄຳສັນຍາວ່າ: ເຮົາຈະຢູ່ກັບພວກເຈົ້າຕະລອດໄປຢ່າງແນ່ນອນ.

सध्या निवडलेले:

ມັດທາຍ ຄຳນຳ: LCV

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

ພຣະຄຳພີລາວສະບັບສະໄໝໃໝ່™ ພັນທະສັນຍາໃໝ່

ໃຊ້ໂດຍໄດ້ຮັບອະນຸຍາດ ສະຫງວນລິຂະສິດທັງໝົດ.

New Testament, Lao Contemporary Version™

ພຣະຄຳພີລາວສະບັບສະໄໝໃໝ່बद्दल अधिक जाणून घ्या

ມັດທາຍ ຄຳນຳ