A̱luk 4:9-12

Sa̠ Eru bho̠ a̠rileghom i̠na agi̠ d̠a̠ A̠zeruse̠le̠m, sa̠ a̠bhin i̠na ka̠ amarame̠ni̠ ma̠ esi wa̠ agi̠ ma̠ anyu̠ a̠pu d̠a̠ Otu ta̠ A̠zib̠a̠ bho̠. Sa̠ a̠fugh a̠nigha̠ i̠na ma̠a̠, “Ku̠gba ma̠ anwa O̠nyi̠ ta̠ A̠zib̠a̠, bha̠ pele ma̠ a̠sor d̠a̠ a̠de. Ezin bho̠, u̠ge̠ d̠a̠ A̠d̠ire E̠tu̠tu̠ bho̠ ma̠a̠: “ ‘A̠zib̠a̠ ta̠ a̠nugiom itileduom d̠o̠yo̠ ma̠ o̠mar okponom onyom. Awa ta̠ e̠le̠l aru̠gu̠o̠ d̠awa e̠su̠ar anwa, b̠o̠ka̠ anwa na̠ omel a̠d̠ighia̠nma̠ ma̠ a̠wel d̠oyom d̠a̠ o̠gbaki̠ghe̠.’” Sa̠ A̠zizo̠s awo̠ran ma̠a̠, “U̠gba d̠a̠ A̠d̠ire E̠tu̠tu̠ bho̠ ma̠a̠: ‘Ko o̠d̠agi̠an Wa̠nwuna̠ A̠zib̠a̠ d̠oyom.’”