Kutachika 4
4
Kena naAbeli
1Adama wakamini naŋodindi Eva, yobaaba niivumu, hakuvwala #1 Yow 3:12; Yuda 11Kena, nindi, Natambuli iyala kudi Yehova.
2Wavweli cheŋi, manakwindi #Mat 23:35; Luk 11:51; Heb 11:4Abeli. Abeli wadiŋi kabiŋa kanyikoku, Kena wadiŋi mukwakudima.
3Chimwahitili mafuku, chashakaminuwu shakame-e, elili Kena hakutwala kudi Yehova mulambu wayuma yamenaŋa hamaseki.
4Abeli, niyena, hakutwala awedi ayimuna yindi #Lev 3:16nimanji awu. Yehova watalili kudi Abeli nikumulambu windi;
5ilaŋa hela kudi Kena hela kumulambu windi, hatalili kwokuku. Kena wazuwili nankashi, wadihombeli nikumesu.
6Yehova hakumwila Kena, nindi, Wunazuwilidi? Wunadihombelidi kumesu?
7Neyi wukwila chachiwahi hiyakukwitejaku? Ilaŋa neyi hiwukwila chachiwahuku #Kuch 32:23nshidi yinafukami kuchisu; yinati muchima hadeyi, ilaŋa eyi chiŋa wikali mwanta wayu.
8Kena wahosheli namanakwindi Abeli nindi, Tuyi mumpata. Chadiŋuwu mumpata, Kena hakumulotokela manakwindi Abeli, hakumujaha.
9Yehova hakumwihula Kena, nindi, Manakweyi Abeli wudi kudihi? Kuchinka yena nindi, Kwiji, ami kwiluka nehi. Ochu ami yami nhembi yamanakwami?
10Yehova nindi, Wuneli ŋahi? Izu #Mas 9:12; Heb 12:24damashi amanakweyi dinakulobeli kudami hamaseki.
11Eyi dinu wunashiŋewi, heseki dinaasami nakutambula mashi amanakweyi kudeyi.
12Chiwakadima heseki, hidakakwidishila cheŋi ŋovu jaduku; eyi wakekala mukwakubatajala, #Mas 59:11, 15mukwakukimbakimba hamaseki.
13Kena wamwilili Yehova, nindi, Iku kubabesha kuwunambabeshi kunabadiki muŋovu jami.
14Tala ntahi, wunantemuni dehi lelu hamaseki; nakabatama kumesu eyi; nakekala mukwakubatajala, mukwakukimbakimba hamaseki, yowu wakaŋidikila wakanjaha hohu.
15Yehova hakumwila nindi, Dichi dinu yowu wakamujaha Kena, akamutenda Kena mapampa katanu nakayedi. Yehova wamushili Kena chinjikijilu, akenda kamutapa kudi antu amba kamwidikila.
16Kena wafumini kumesu aYehova, wayili nakushakama mwituŋa daNodi, kumbadi yaEdeni yamusela.
17Kena wakamini naŋodindi, yobaaba niivumu, hakuvwala niEnoki; watuŋili mukala, hakuwutumba ijina damwanindi, Enoki.
18Kudi Enoki kwavwalikili mwanindi Iradi, Iradi wavweli Mehuyayeli, Mehuyayeli wavweli Metusayeli, Metusayeli wavweli Lameki.
19Lameki wasumbwili aŋodijindi ayedi; iwu ijina dindi Ada, iwu ijina dindi Zila.
20Ada wavweli Yabali, diyi nkakulula yawakwakushakama mumatenti, wowu akweti niyimuna.
21Manakwindi ijina dindi diyi Yubali, diyi nkakulula yawantu ejima embaŋa yisanji nimahululu.
22Zila niyena wavweli Tubali Kena, diyi muchiji mukwakuchila yuma yakuketula nachu yejima niyawuneŋu niyachikuŋu; muhelaTubali Kena, Nama.
23Lameki wayilili aŋodijindi, nindi,
Enu aAda naZila tiyenu izu dami,
Enu aŋodijaLameki, tiyenu munukuhoshami;
Najahi iyala wantapa, mukwenzi weyala wankatisha.
24Neyi Kena akamutenda mapampa katanu nakayedi,
Komana dinu chalala Lameki akumutenda #Mat 18:22makumi atanu nayedi nakatanu nakayedi (77).
25Adama wakamini cheŋi naŋodindi; wavweli nimwana weyala, hakumutumba niijina dindi nindi Seta; nindi Nzambi nantoŋweli mwana mukwawu wakuhiŋisha mudi Abeli ajahiluwu kudi Kena.
26Kudi Seta niyena nawa kwavwalikili mwana weyala; yomutumba niijina dindi nindi Enoshi; henohu dihu hatachikiluwu antu #12:8; 26:25; 1 Anya 18:24kutena ijina daYehova mukudifukula kwawu.
सध्या निवडलेले:
Kutachika 4: MWW04
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Holy Bible in Lunda Ndembu © United Bible Societies, 2003.