St. Luka 8
8
1Ko alé yen aci keyn e bey-did ko bey-kòr, ko aci uet ko aci nyèc pan e Dén-did, ko wtyer-ko rou ke yen, 2ko dyar tetok, kêk cî koyn etong uêy rac ko beyc, Maria a côl Magdalene, etong yen aci ben bey jak wderóu, 3ko Yoanna tin e Chusa, yen ran e tyet e Herodes, Susanna ko kok acuec ci yen loak etong ueu-ken.
4Ko na aci dut e koyc etong bey aci loc etong yen, yen aci luel e luop: 5Aci ben bey ran e com bi yen com kowt-ke; ko na yen aci com, tok aci loyn e kuèr-lóng ko aci kaj più, ko dyét e wnyal aci yen cam. 6Ko dé aci loyn e kur-nom: na aci cil, aci ril, ké acin piu. 7Ko dé aci loyn e kòt-callic: ko aci did kòt ke, ko kek aci yen dèc. 8Ko dé aci loyn piñ puat, ko aci cil, ko aci bei nyin buot. Ko na yen aci kan luel aci côl: Ke nong yid bi ping, bi ping.
9Lone koyc-ke aci yen wtyèc, ye-ngu luopé. 10Ko yen aci lek kêk: Etong uêk aci yek bi uêk nyèc ka ci dom e pan e Dén-did, lone etong kok a to tin luop, bik a nyin acíe ting, ko na kêk a ping aci bi nyic.
11Lone kan e luopé: Kowt é uet e Dén-did. 12Ke to e kuèr-lòm, kêk e ping: alé a bo jak ko a ngay uet etong puón-den, dûn kêk bi gam ko bi koyn.
13Ke to kur-nom, kêk, na aci ping, a kap uet e myed puou, ko kêk acin mey; kêk a gam ghonke ko ghon e têm kêk a dûk.
14Lone ke ci loyn e kòt-callic, kak ci ping ko a lo ko kan a tayn piñ etong tyek ko uèu ko myed e puou, ko aci bi bei tau. 15Lone ke ci loyn piñ puat, kak ci ping e puón-de puat ko puat arêd, ko a tyet uet ko a bei tau agum. 16Acin tok a deb gher ko a kum yen toyn kó a tau yen wtoc e tim-lvel, lone a tau yen muok gher-nom bi koyc a lo ghut ting gher. 17Ké acin kede ci tyán ye ci bi tîc alé, ko acin kede ci tyan ye ci bi nyic ko aci bi ben akenbay. 18Ko yekan tyengke kedí uêk a ping; ké ye nong kede abi yek yen, ko ke ye liu etong yen abi ngay etong yen ayá ye yen ngat kede.
19Lone mán ko uanmêd-ke aci ben etong yen, ko akeyʼ leu bi ben etong yen, e dut e koyc. 20Ko aci yen lek: Mor ko uanmêd-ku a kâc akenbay a nong puou bi yin ting. 21Ko yen aci bêr ko lek kêk: Má ko uanmêd-kia kak ye ping ko loy uel e Dén-did.
22Akol tok yen aci yid ryey-ic ko koyc-ke ko aci lek kêk; Ghóg abi tēm pul longtúy. Ko kêk aci yid. Ko na kêk ci gèr, yen aci nin. Ko aci yid pul-ic yōm atuòl ko kêk aci tyang piu ko aci duèr. 23Ko kêk aci lo etong Yesus 24ko aci yen puoyc ko aci luel: Beyn e nyic, ghóg a dir. Ko yen aci rot jot ko aci cyú yom uêr e puor; ko aci wtòk ko aci byet. 25Lone aci lek kêk: Yen ayó gam-dûn? Ko kêk aci ryoc ko aci dyêr ko aci luel e ke rot: Ye-nga kan yin ngat, ké yen a cyeng ya yom ko uêr ko kêk a ping yen?
26Ko kêk aci lo ke ryey pan e koyc Gerasene, ye to e Galilaea-nom. 27Ko na yen aci lo agòr-ic, aci ben etong yen ran a nong jak ko ghontêr acin buong, ko akeyʼ nyuc bay lone ghut e rang. 28Ka na yen aci Yesus ting aci muol tuk etong yen ko aci cyú e kuoy did ko aci luel: Ye-ngu etong ghên ke yin, Yesus, man e Gerang? Ghên a wtyèc yin, dûne ghên duy! 29Ké Yesus aci cyeng uêy rac bi yen ben bey etong ran; ké ayá ghon cuec aci yen mûk, ko yen aci dùt e jowt ko aci tît e rêk: ko na yen aci rûk tuèn yen aci cyec yuic eton jak. 30Lone Yesus aci yenwtyèc ko luel; Yin a côl di? Ko kene aci luel: Duol; ké jak cuec aci ben e yen-ic. 31Ko kêk aci yen lîm, dûn yen bi kék cyeng bik lo piñ-tar. 32Ko aci to tin tetúy bók e dyèr cuec, a nyuat alel-nom; ko kak aci yen lîm bi kêk yek yic bi kêk lo e lay-ic. Ko yen aci kêk yek yic. 33Ko yekan jak aci ben bey etong rane ko aci lo e dyèr-ic ko bôk aci yod e roc ke nim e pul-ic ko aci móu. 34Na rōr e bók aci kan ting aci kat, ko aci koyc lek a bey ko ghut-ic. 35Ko koyc aci ben bey bi ting ke ci a, ko aci ben etong Yesus; ko aci ran yok ci nyuc ye cok, ci jak ben bey etong yen; ko yen aci ruok ko ci gher nom-de; ko kêk aci ryoc. 36Ko kak ci ting aci lek kêk, kedí yen aci gher etong duol e jak. 37Ko dut e koyc eben e bey Gerasene aci yen lim bi yen jal etong kêk; ke kek aci ryoc arêd. Lone yen aci yid ryey ko aci dûk. 38Ko aci yen lim ran ci jak ben bey etong yen bi rèr ke yen. Lone Yesus aci yen loyn bey ko luel: 39Duoke pan-du ko leke kedíd ci Dén-did loy etong yin. Ko yen aci lo pan eben ko aci uêt kedíd ci Yesus loy etong yen.
40Lone na Yesus aci dûk, dut e koyc aci yen lor; ké kêk eben aci yen tit. 41Ko yenkin, aci ben ran a côl Yairus, ko yen nom e ghun e nyic; ko aci muol tuk e Yesus cok, ko aci yen lim bi ben ghun-de. 42Ké yen aci nyân e tok, runke acit wtyer-ko-róu, ko yen aci duèr tóu. Ko na yen aci ben ten acî rom etong dut e koyc. 43Ko tin tok, yen a nek juan e ryam run wtyer-ko-róu; ko aci yek uèu-ke eben etong rōr e ual, ko acin tok etong kêk akeyc leu bi yen gher, 44aci wtyok ke yen cyèng ko aci tâp buông-de ko aci dayc kác juan e ryam-de. 45Ko Yesus aci luel; Ye-nga aci ghên tâp? Ko na kék eben aci rac, Petrus aci luel: ko ka to ke yen: Beyn e nyic, dut e koyc a rom ko a pyek yin, ko yin a jam: ye-nga aci ghên tâp? 46Ko Yesus aci luel: Tok aci ghên tâp; ké ghên a nyic ryel aci ben bey etong ghên. 47Lone tik, na yen aci ting keyʼ bi tyán, aci ben a lêwti ko aci ye muol tuk e ye cok, ko aci luel e koyc-nyin eben ne-ngu yen aci kan tâp, ko kedí yen yémanic aci gher, 48Ko Yesus aci lek yen: Nyà, gam-du aci yin koyn; lor ke dor.
49Ko na yen a-nguot e jam, tok aci ben etong nom e Synagoge ko aci lek yen: Nyân-du aci tóu; dûne dak beyn e nyic. 50Lone na Yesus aci kan ping, aci bêr ûn nyâ ko aci luel; Dûne ryoc, gam yetok ko yen abi gher.
51Ko na yen aci ben ghut, yen akeyʼ yek yic bi tok lo ghut ke yen, e Petrus ko Yakobus ko Yoannes ko ûn ko mán nyâ. 52Lone kêk eben aci dyau ka aci rèm etong yen. Ko Yesus aci luel: Dunke dyau, ké nyà akeyc tóu lone yen a nin. 53Ko kêk aci yen dol; ké kêk aci nyic yen aci tóu. 54Lone yen aci mùk cyn-de, ko aci côl ko aci luel: Nyáne jo rot! 55Ko uêy-de aci dûk ye guop, ko yen aci rot dayʼ jot. Ko Yesus aci cyeng bik yek yen cam. 56Ko aci dyêr ûn ko mán, ko Yesus aci kêk pen, dûn bi kêk lek tok ke ci a.
सध्या निवडलेले:
St. Luka 8: CIEC1905
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© British and Foreign Bible Society
