KEJADIAN 2
2
1Boema, basa lalai-a no daebafak-ka nakadada'din-na. 2#Ibr. 4:4, 10#Kel. 20:11 Neu fai ka hitun-na, boema Manetualain tao nakababasak tatao-nono'in ndia, boema Ana hahaeaon-na. 3Boema, Ana ba'e-pala fai ka hitu ndia, de Ana taon da'di fai hehelik, nanahu nai faik ndia, Manetualain hahaeaon-na, nai lelek Ana tao nakababasak tatao-nono'in. 4Lalai-a, ma daebafak-ka nakadada'din-na, tutuin-na leondiak.
Osi Eden-na
Lelek Manetualain tao lalai no daebafak-ka, 5beita hapu bini-ngges manupuk, ma beita hapu bubu'u-palusa nai daebafak-ka fa, nanahu Manetualain beita nakona u'dan leo daebafak-ka mai fa, ma beita hapu hataholi foi-fala dae ndia fa. 6Tehu oe-a, mulai nasabu'bu neme dae dale mai, de ana tao nakadoe daebafak-ka.
7 #
1Kor. 15:45
Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.
8Basa boema, Manetualain tao osi nai Eden boboan dulu, de Ana fe hataholi fo, Ana taon-nak ndia, neu leo nai mamanak ndia. 9#Nin. 2:7, 22:2, 14Manetualain nakamomolik basa ai mana'ahiik mata-matak-kala, fo labuna-laboa ai boa malole. Ai manafe maso'dak-ka, ma ai manafe malelak la'eneu beek-ka nde malole ma beek-ka nde mangalauk-ka ala moli nai osi-a tala'da.
10Lee esa, ana faa neme Eden mai, de ana faa leo osi ndia dalek neu; ma lee ndia losa Eden deak boema, naba'eneu ba'ek haa. 11Lee makasososak-ka, na'de Pison; lee ndia faa akofefeok dae Hawila. 12Hapu lilopilas isik, ma kaboomenik-kala, fo susa la'iesak-kana, besak-ka hapun, boema batu poe mata-la lai ndia. 13Lee ka dua, na'de Gihon; oen-na faa okofefeok dae Kus-sa. 14Lee ka telu na'de Tigris, fo ana faa leo Asyur boboan dulu neu. Lee ka 4, na'de Efrat.
15Basa boema, Manetualain fe hataholi ndia neu leo nai osi Eden-na dalek, fo ana foi-fala, ma ana mete-nakanae osi ndia. 16Manetualain nafa'da hataholi ndia nae, “O bole mu'a basa ai manai osi ia dalek, boan-nala, 17ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”
18Boema, Manetualain nafa'da nae, “Metema hataholi-a, naso'da mesak-mesak-kana soona, ta malole fa. Au sanga tao fen manatulu-fali esa, nandaa noon.” 19Boema, Ana ho'i-na dae faaanak, de Ana fe lupak neu basa bana mata-matak manai ma'dak lain-na, ma bana manai lalai lala'en-na. Manetualain neni basa-basan leo hataholi ndia neu, fo ana mete bana sila-la beek-ka, nandaa no na'dek beek-ka. 20Ndia nde makasososan-na, bana manai ma'dak lain-nala, ma manai lalai-a, esa-esak mana'dek so. Hataholi ndia, ana foi basa bana manai ma'dak lain-nala, ma manai lalai-a na'den-na, leondiak. Tehu nai basa bana sila-la dalek, ta hapu esa boen, fo ana bisa da'di ndia mana tulu-falin, fo nandaa non fa.
21Boema Manetualain taon-na, hataholi ndia sungu namanee, de ana bei sungu-sungu te, Manetualainho'i-na hataholi ndia kaiisu duin esa, boema Ana tao ketu mamanan-na, nenik hataholi ndia, ao isin-na. 22Manetualain taon-na inak esa, neme kaiisu duik ndia mai, boema non leo hataholi ndia neu. 23Boema hataholi ndia, nafa'da nae,
“Ia nde hataholi fo, sama no au —
duin-na neme au duing-nga mai, ma ao isin-na, neme au ao ising-nga mai.
Au foin na'de inak, nanahu, ho'in neme touk-ka mai.”
24 #
Mat. 19:5; Mrk. 10:7-8; 1Kor. 6:16; Ef. 5:31 Hu ndia de, touk-ka la'oela ina-aman, fo ana da'di esa no saoinan-na, boema duas da'di esa.
25Touk-ka no inak ndia lakahola-la, tehu ala ta lame'da mama'ek fa.
सध्या निवडलेले:
KEJADIAN 2: twu
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन