Matta 3
3
Yəhyee bınahbışike xıl ts'ıts'ee'eva eyhe
1Mane yiğbışil Yahudeyayne sahree, xhineeqa k'yooq'ana#3:1 Xhineeqa k'yoq'uy: Yəhyee, man insanaaşe bınahbı gardanaqa alyaat'amee, ha'a ıxha. Xhineeqa k'yooq'uyle qiyğa, mebna ts'ebna ı'mı'r giviyğalva eyhen ıxha. Yəhye giyğalna Allahın cuvab insanaaşilqa hixhar ha'a. 2Mang'vee eyhe ıxha:
– İnsanar, bınahbışike xıl ts'ıts'ee'e, Allahne yəqqı'lqa savk'le! Xəybışda Paççahiyvalla#3:2 Xəybışda Paççahiyvalla: Xəybışda Paççahiyvalla cennetva eyhen deş vod. Ma'ab Allahna dyunyeyne oğana xəbvalla eyhe. Allahne Paççahiyvalee insanaaşe Mang'ul cone Paççahıl xhinne k'ırı iliyxhe. k'ane quvxha!
3İnva Yeşaya peyğambareecadniy Yəhyeyne hək'ee otk'un:
«Sahreençe ses g'iyxhe:
Rəbbis yəqbı he'eva,
Mana ılğeç'esın cigabı qotku qe'eva!»#3:3 İnəxüd Yeşaya peyğambarne kitabee otk'un (40:3).
4Yəhyee devayne xhayıken tanalinbı#3:4 Xhayıken tanalinbı: Cune tanalinçika Yəhyee, İlyas peyğambarık akar ıxha. alya'a ıxha, yı'q'eeqab g'ekvayna ts'ira iviyt'al vuxha. Mang'un otxhuniyıd ts'irtyariy çolane t'ot'aaşe hı'iyn itv ıxha. 5Mang'usqa geeb insanar İyerusalimğançe, Yahudeyne cigabışeençe, İordanne damayne hiqiy-allançe vüqqə vuxha. 6Manbışe bınahbı gardanaqa alyat'umee, mang'veeyib manbı İordanne dameeqa k'yooq'u gicərxı'ybı alyaat'a'a ıxha.
7Geeb fariseyariy saddukeyar#3:7 Fariseyariy saddukeyar: İna q'öble xəbna dinına grupp, İzrailee geeb qıvaats'ına vuxha. Manbışik'le Q'aanun yugba vaats'a vuxhal-alla manbı milletın ç'ak'ınbı vuxha. mang'usqa, co dameeqa k'yooq'u gicərxı'ybı aleet'e'eceva vüqqə vuxha. Yəhyeeyid manbışik'le eyhe ıxha:
– Xoçebışda nasıl! Şavaane vuşde ək'leeqa k'eççu, Allahıke qöönçile şosse heepxas vəxəsınbıva? 8Qotkuyn işbı he'e, şu bınahıke xıl ts'ıts'av'uy hagve. 9Vuşde ək'leeqa qımaylecen «Nya'a, İbrıhım yişda dek dişdeva?» eyhes! Zı şok'le eyhen, Allahısse ine g'ayebışikeb İbrıhımıs uşaxar haa'as vəəxəsınbı. 10Haane, yak'vud yivaaşik avudcad vod. Yugna meyva hudyoolena yiv, gyapxı ts'ayeeqa g'uvoxharas. 11Zı, şu bınahıke xıl ts'ıts'av'uva, xhineeqa k'yooq'u gicəpxı'ybı alyaat'a'a. Zale qiyğa Qarınamee zale geer gucuka ixhes. Zı Mang'un g'elilinbı haqqasır kara idyayle. Mang'vee şu, ts'ayeeqa, Muq'addasne Rı'heeqa k'yooq'u, gicəpxı'ybı alyaat'a'as. 12Attayl sukuke həpır-çüpır cura'asva mang'un kurak xıle vod. Cuna suk anbareeqa sa'as, çike qığeç'uyn həpır-çüpırıd k'idəbəqqəne ts'ayıqqa heles.
Yəhyee I'sa dameeqa kyoq'u, Mang'usqa gicərxı'y alyaat'a'a
13Mane gahıl Galileyençe İordanne damaysqa Yəhyeysqa, Cus gicərxı'y ale't'e'ecenva I'sa arayle. 14Yəhyeys man hassaras diykın eyhen:
– Ğu zasqa gicərxı'y alyaat'a'asde cigee, zıne Vasqa gicərxı'y alyaat'as?
15I'see mang'us inəxdun alidghıniy qele:
– Hasre həşdiys məxüd ixhecen. Şi Allahıs ıkkanan ha'as ıkkan.
Mançis Yəhyee «Ho'ova» eyhe. 16I'sa gicərxı'y alyaat'u xhinençe qığeç'umee, xəybı q'öna qeedaxhe. Mang'uk'le Allahın Rı'h qı'nerke xhinne qadı Culqa gexa g'ece. 17Sayid xəybışeençe ses qadayle:
– İna Zas geer ıkkanna Dix#3:17 Dix: Avaala Allahna dixva, İzrailyne paççahaaşik'le eyhe ıxha (Davud, Sıleyman). Sayid manva insanar g'attivxhan haa'asva qalesde paççah Masihık'le eyhe ıxha. Məxüd Allahee I'sa hək'erar Masih, Paççah vornava eyhe. vorna, Mang'vee Yizde yik'es şadvalla hoole!
सध्या निवडलेले:
Matta 3: YIQSUM
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
