Etatelu 7
7
Elula
1Latuyalaka akatela Noa ati: Oto lu watu a luudu, we la wa lu luudu laye tshe, ne dia lal akenyi ololo lʼatei a lolonga lone. 2Kose waumi esambeli uma lʼatei a wehu wa nyama tshe wa nyama yeli ololo nde. Keli uma lʼatei a wehu tshe yaha ololo nde, kose hyendi hyendi, wadi la umi. 3Kose ndu waumi esambeli la wadi esambeli uma lʼatei a wehu tshe wa fudu ya lʼulungu, dia nama wuhu la wuhu ladiku dia kete tshe. 4Nshi esambeli tshu mbambutshikala, dia dimi ndosha mvula la kete tanyi akumi anei la etshu akumi anei. Dimi layudiaka diango tshe dieli la lumu, diakamatungi la kete. 5Ku Noa akatshi tshe uku akawutela Latuyalaka.
6Noa aki la deku kama shamalu lamʼakayala elula kʼashi la kete. 7Noa, wadendi, anʼandi la wadi wa anʼandi wakoto lu watu a luudu#7:7 Mat. 24:38-39; Luk. 17:27. dia mpanda ashi wʼelula. 8Nyama yeli ololo nde, ndu nyama yaha ololo nde, la fudu, ndu kene tshe katuyakutulaka la kete yakoto lu watu. 9Uma lu wuhu la wuhu mbakayoto hyendi hyendi, wadi la umi lu watu, lasuki la Noa uku akawutela Unyashungu. 10Lamʼaketi nshi esambeli, ashi wʼelula wakakukanela la kete. 11Lʼeleku kakayala Noa la deku kama shamalu, lu lushi la dikumi lʼesambeli lu ngondo ka hendi lʼeleku kako, teko tshe dia ehongo a wuki diakate, ndu adidishi wa lʼulungu wakadiho.#7:11 2 Pet. 3:6. 12Mvula akalo la kete tanyi akumi anei la etshu akumi anei.
13Lushi lako Noa, wadendi, la anʼandi wʼapami: Sheme, Hama la lafeta, ndu wadi asatu wa anʼandi wakoto lu watu a luudu. 14Vo, la nyama tshe uku wehu ayo, la dungalunga uku wehu adio, la dikendakenda tshe diatuyakutulaka la kete uku wehu adio, fudu tshe uku wehu ayo yakoto lu watu. 15Diango pendi pendi uma lʼatei a diango tshe dieli la lumu, mbakoto la Noa lu watu. 16Dio tshe dieli la lumu, diakoto loko, wadi la umi uku akadjangela Unyashungu Noa. Ku Latuyalaka akayûdihela lukuki. 17Elula kakayala nshi akumi anei la kete. Ashi wakakukanela, wakunyia watu. Ku vo wakatatela nteha ladiku diʼashi. 18Ashi wakalulanela, wakambela efula ladiku dia kete. Ku watu wakatatehaka ladiku diʼashi. 19Ashi wakatatetemalaka ndulanela, ku wakakumbi ekungu wʼetali tshe weli lʼesi a ulungu. 20Uma lamʼakakumbama ekungu, ashi wakamumbela ntu kubita dikumi la tshanu. 21Dikendakenda tshe diaki la lumu: fudu, dungalunga, nyama ya lʼukunda, la dikendakenda tshe diayakutula la kete, ndu antu tshe wakavu. 22Engo tshe kakatumbiaka lumu lu ehembe, ndu kaki ladiku dia kete yʼufumbu, kakavu. 23Dikendakenda tshe diaki la kete: antu, dungalunga, diango diayakutula, ndu fudu ya lʼulungu, vo tshe wakavu. Tshikima Noa la wane waki kame la ndi lu watu a luudu mbakatshikala la lumu. 24Ashi wakatshikala la kete nshi lukama la akumi atanu.
सध्या निवडलेले:
Etatelu 7: TLL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
La Bible en Otetela © Allianee Biblique de la Republique Democratique du Congo, 1991