Etatelu 13
13
Abarama la Lota Wambatana
1Abarama akunela uma lʼEdjibitu, ndi la wadendi la kene tshe kaki la ndi, ndu Lota. Vo wakatshu utsha lu leke la Nengebe. 2Abarama akangone efula, akayala la dungalunga efula, la fesa, ndu la paunyi 3Ndi akatakolamelaka ntsho uma lu leke la Nengebe edja ndu la Betele, lene akandatahiki luudu landi la dipema lʼasa Betile la Ai. 4Vo wakatukuma ndu lu dihuli diʼediakelu kakandatahiki ntundu. Ku leko ndi akatemolaka lukumbu la Latuyalaka. 5Ndu Lota, lakatatshokaka la Abarama aki la ekoko, ngombe, la mvudu yʼapema. 6Dihuli kunkuka dia vo mbidjase kame, ne dia vo waki la diango efula. Diako mbakiwo kumbeya ntshikala dihuli diame. 7Lundju lakayala lʼasa alami wa dungalunga wa Abarama la wa Lota. Ndu asi Kanana la asi Perizi wakaladi lu kete yako. 8Abarama akatela Lota ati: Dimi lambukosengasenga nti: Tamu tatuyalaki lʼasami la ye, ndu lʼasa alami ami la alami aye wa dungalunga, ne dia wali la ona mbesu. 9Aha utundu a kete uku weli la ntundu kaye? Lambukosengasenga nti: Tatwani. Naka we ayutsho lu leke la lunya la lomoso, dimi layutsho lu leke la lunya la pami. Keli naka we ayutsho lu leke la lunya la pami, ku dimi layutsho lu leke la lunya la lomoso. 10Lota akedia ashu, akenyi usui wa lʼukidi wa Jorodana ati: Leko keli ashi la tumbatumba efula dia dungalunga nde. Ntundu Latuyalaka atalanya Sodoma la Ngomora, leke lako lakafani la ekambo ka Latuyalaka,#13:10 Etat. 2:10. ndu la kete ya Edjibitu yatenaka untu lateti utsha la Zoara. 11Lota akasonola usui tshe wa lʼukidi wa Jorodana. Ndi akelela utsha lʼusui ako wa lu leke lʼehutwelu ka unya. Osoku mbakawatana vo ahendi. 12Abarama akadjase lu kete ya Kanana. Lota akatudjase lu esumba wa lʼukidi. Ndu ndi akatasekosekoka la mvudu yandi yʼapema pulu ndu la Sodoma. 13Asi Sodoma waki antu wa kolo efula, ndu wakatamanya ntuna Latuyalaka.
14Lamʼakatana Abarama la Lota, Latuyalaka akatela Abarama ati: Edia ashu aye uma lu dihuli dieye. Enda utsha lu leke la ngelʼa kushi ndu la diku dia kushi, ndu utsha lu leke lʼehutwelu, ndu la edjelu ka unya. 15Kete ku tshe yenaye, dimi layukushayo, we la tukanula taye pundju.#13:15 Etsh. 7:5. 16Layufudia tukanula taye uku ditshu dia la kete. Naka untu leya mbala efula ka seke ya ditshu dia la kete, ku ndi mbeya mbala ndu efula ka tukanula taye. 17Unela, ukinduli lu kete tshe: lʼutali ayo ndu lu wekeki ayo. Ne dia dimi luyanga kushayo. 18Abarama akaseko la luudu landi la dipema, akatudjase lʼatshina wʼetamba wʼelungu wa la Mamare weli lasuki la Heberona. Ku ndi akatuhikela Latuyalaka ediakelu leko.
सध्या निवडलेले:
Etatelu 13: TLL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
La Bible en Otetela © Allianee Biblique de la Republique Democratique du Congo, 1991