Psalms 67
67
The 67th Psalms
DEUS MISEREATUR.
1-7OH Foybatukeh n kehkeh hë sinovull, n rubah hë; n trunky hë ëkehny folltë moa, nu n kehkeh hë sinobull.
N nghah hë shëë nah moa kë upock u tre: n nghah hë shëë marr moa kë ramtë buleing ayaing.
N nghah aniah tre ngha kulloh moa. Oh Foy: n nghah aniah buleing ngha kulloh moa.
Aniah tre ngha hvoy, ngha trun kë hvoy: yehpeh moa hun betteh tunkah ngha nkeleng, moa behkeh aniah upock u tre ëtrehn.
N nghah aniah tre ngha kulloh moa oh Foybatukeh: n nghah aniah buleing ngha kulloh moa.
Upock u tre ko chec nyërick n woa ëgbir: nu Foybatukeh, Foybatukeh hë u kah hë rubah woa tre.
Foybatukeh ngho hun hë rubah: nu upocksë tre buleing ngha wui woa.
Gbentha ko kë Papah oh, Traak oh, Pomul keleng oh.
Kë manleh u cheh kë utrip u tre, u cheh ënang, peh chong cheh trim o trim. Amen.
सध्या निवडलेले:
Psalms 67: BUYBCP
ठळक
सामायिक करा
कॉपी करा
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fmr.png&w=128&q=75)
Want to have your highlights saved across all your devices? Sign up or sign in
Historic text first published in 1816.