Israelfɔ Ɩlʋ 28
28
Nana Bulu Tɔwa Mʋ Ɔmá Ɔwʋnlɩn
Dawid ɩlʋ.
1Mɩ ɔtanʋkpa Nana Bulu, fʋ ndesu kpoli.
Mátila asʋ.
Nɩ fɛkpa ɔnɔ bun a, nɔ́bwɛ fɛ ɔha wuhɛ.
2Nɩ nosu kpoli fʋ a, wun mɩ nwɛ.
Nɩ nɛtɩnkɩ ɩbɩ sɩsɩ fʋ ɔwankɩkpatɔ-ɔwankɩkpa ɩnʋ a, nu mɩ kokoli.
3Mábɩtɩa mɩ tsɩa lalahɛ agyipʋ, lakpan abwɛpʋ anfɩtɔ natɩ.
Amʋ́a amʋ́ aba bɛkan wanklaan,
tamɛ amʋ́ ɩklʋntɔ tepi ma alɛ.
4Pʋ amʋ́ bwɛhɛ pʋ́ amʋ́ tsiatɔ lalahɛ ka amʋ́ ɩkɔ.
Susu amʋ́ ɩbɩ ɔnɔ agyʋma pʋha amʋ́.
Ka amʋ́ ɩkɔ amʋ́ gyumagyihɛ ɔnɔ.
5Tsufɛ bʋtamawun mʋ atɔ bwɛhɛ pʋ́ mʋ ɩbɩ ɔnɔ gyumagyihɛ.
Obóbwiebwie amʋ́ bun, ɔmɛ́ɛtra lapwɛ amʋ́ ɛkɛkɛɛkɛ.
6Ɩkanfʋ ɩbwɛ Nana Bulu klɛ,
tsufɛ alanu mɩ isu.
7Nana Bulu gyi mɩ ɔwʋnlɩn. Mʋtegyi ɩban wa mɩ.
Mʋsʋ mɩ ɩklʋn dɩn, ɔtɔbʋa mɩ.
Ansigyi labʋla mɩ ɩklʋn, napʋ mɩ ɩlʋ ndɛ mʋ ɩpan da.
8Nana Bulu tɔwa mʋ ɔmá ɔwʋnlɩn.
Mʋgyi ɔtanʋkpa ha mʋ owieá alada ofuli.
9Nana Bulu, hɔ fʋ ɔmá!
Ha ɩwa alɛ ha fʋ aha, bʋgyi fʋ ogyikpa amʋ.
Bwɛ amʋ́ ɔkpapʋ, afʋtsu amʋ́ pia brɛ fɛ́ɛ́.
सध्या निवडलेले:
Israelfɔ Ɩlʋ 28: nko
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation