John 3
3
Asenhaton nateioteriȣasonterakȣen tsini hoiaton Roiatatokenti San.
1SAIATAT raiatarakȣe tsinihati ne Pharisian Nicodem ronȣaiastskȣe, oni ronȣakoȣanen ne Sitaeronon.
2Asonthenne ȣahoiatorenne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon ne Niio.
3Ȣahenron ne Iesos tsi tontahoȣennaȣeron: Oriȣiio tsi ȣakonrori tsi iah teiontaȣeiatane ne Niio raonakeraserakon ne iah ase tentsionnakerathe.
4Tontahenron ne Nicodem: oh nekenh naiaȣenne ne sekon ahonsarennakerate nonen rokstenha? enȣaton kenh ne iaonsahataȣeiate ronistenha kaiatakon nok sekon ahonsarennakerate?
5Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.
6Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.
7Tosa kati sanekheren tsi konrori, tsi iatekakonte ase ensesennakerate.
8Ok ȣahi tenȣanonton kah niienkaȣerenhaȣe tsi iahote, nok sathonte tsi iorakare, iah tanon tesaterientare kah nontaȣe, iah oni tsi niiahaȣenonhatie; etho kati niiot tsiniiakon nʼonikonrake iakohnakeraton.
9Sekon tontahenron ne Nicodem: oh nekenh naiaȣenne neh naiaȣenne?
10Iesos tontahoȣennaȣeron nok ȣahaȣenhase: Sherihonniennis nʼIsraerronon tanon iah tesaterientare neh nikarihoten.
11Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.
12Nese ok sane konroris nonȣentsiakekha; oh kati nekenh naiaȣenne naontasetakȣe ne Karonhiakekha akonrori?
13Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.
14Nok tsini hoieren ne Moïs tsi roniarakestskȣen Kahentake koȣa; etho oni neneh nenhiaȣenne nʼOnkȣe Roienha enhonȣaiatakaratate.
15Netho naontaȣe tosa aiahiheie tsini iakon entiakaȣetakon ne raosennakon, aiakoientake tanon nʼaiontsennonni-onȣe.
16Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.
17Aseken ne Niio, iah neh tethotoriaton ne Roienha tsi ionȣentsiate naiontkaronniate nonkȣe, neh tanon raniente naontonseke raonhake aietsenri atsennonniat.
18Iah nonȣenton tiiahatkaronni ne thaȣetakon raonha raosennakon, nok tanon neiah tethaȣetakon, onen ok neneh rotkaronnihon: aseken iah ki tethaȣetakon ne Raosennakon tsi neok enskat Niio Roienha.
19Kenh kaien enhiakokaronniate: Netsi iioh ne toiosȣathe nonkȣehne, nok nonkȣe senha neh iakohnonȣehon ne taontaiakokaraseke tsiniiot ne taiakosȣatheke; aseken sotsi ieȣeiennaksen.
20Aseken onka neok iakaȣesakonhaties ne iotaksen, iesȣenski ne teiosȣathe, iah oni akta teientha tsteiosȣathe, onȣa sotsi enhiontatattokase tsi ieȣeiennai ksen.
21Nok tanon neneh iakesaks ne tkariȣaieri akta ki ientha tsi toiosȣathe, nok eh nahontaȣe ȣehne aonton nakoȣeienna, aseken Niiohne tiotiientakon.
22Ethone are onen ne Iesos Judé niionsare, ronhne ne raotiokȣa, etho oni nonȣe iahotinisko, nok sakonekȣahestakȣe.
23Nok ne Saȣatis Enon neneh nonȣe nisakonekȣahestakȣe akta ne Salim ne tsi eh nonȣe nikaihionhatenionkȣe, eh kati nonȣe ieienthakȣe ne ionskaneks naiontenekȣaheste.
24Aseken areko sihonȣannhoton ne Saȣatis neh nonȣe sikahaȣis.
25Saȣatis raotiokȣa tanon Sitaeronon ȣathatiriȣatironten atatenekȣahestak ahoriȣake.
26Etho sahonneȣe tsi, renteron ne Saȣatis, shontonne: Saianer, Sakohnekȣahesta se ken oni neneh onen thohiken tiseneskȣe ihsi nakaihionhati Jourdan neh oni ne hetseriȣanirati, akȣa oni ihken tsi raonkȣetanakerens.
27Tontahenron ne Saȣatis: iahse othenon tahakȣeni ne ronkȣe neiah Karonhiake tahontahonȣatennietasere.
28Seȣathonte oni ȣahi nise tsi ȣaken: iah ii tehken ne Keristos neok tsi ohenton tionkatorion.
29Onka teniiase ne rone neh ki ȣahi neh rone: nok tanon ne ronatenro roȣennarakȣa oni rotahonsate, nok neh ratonnharakȣa tsi roȣennaronkas; eh kati oni nii niiot, onen tokenske ȣakahnane tsi ȣakatonnhahere.
30Aseken enhasennoȣannha nok nii tentkastohne.
31Akȣekon niiesakosennakenhnion ne Karonhiake nithaȣenon; aseken nonȣentsiake nithaȣenon, ronȣentsiakeronon ki nehneh, eh oni niiot tsi ratatis tsi niiot nonkȣesonha; nok tanon ne Karonhiake nithaȣenon, akȣekon niiesakokȣenion.
32Nok neh rattroris tsinihotkatton oni tsini horonken, nok iah onka tehonȣatahonsatatis.
33Nok onka rotaonsatati, roriȣaniraton ki tsi Niio ihken ne Niio.
34Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.
35Roniha ronoronkȣa ne Roienha, akȣekon oni nihiehoriȣaȣi.
36Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.
सध्या निवडलेले:
John 3: MHK
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
