Genesis 6
6
I jontolil winicob
1Che' bʌ tsa' cajiyob ti p'ojlel winicob ti pañimil, tsi' yilayob pañimil ja'el xch'oc bʌ i yalobilob. 2Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob. 3Tsi' yʌlʌ lac Yum: Mach ti pejtelelic ora mi caj i cuchbeñob i jontolil winicob jini quEspíritu, come tsucul i pusic'al winicob. Mi caj j com'esʌbeñob i jabilel cha'an wʌcc'al jach jab mi' yajñelob ti pañimil. 4An colem bʌ winicob ti pañimil ti ili ora yic'ot ti wi'il. Jini sajtem bʌ i yalobilob Dios tsa' tili i pi'leñob jini xch'oc bʌ i yalobilob winicob. Tsi' q'ueleyob pañimil i yalobilob. Jiñobʌch ch'ejl bʌ winicob año' bʌ ti wajali. Wen ñucob.
5Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob. 6Tsi' mele i pusic'al lac Yum cha'an tsi' mele winicob ti pañimil. Ch'ijiyem i pusic'al. 7Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en. 8Lac Yum tsi' q'uele Noé ti uts'at. Tsi' pʌsbe i yutslel i pusic'al.
Noé tsi' mele jini barco
9Jiñobʌch i p'olbal Noé. Toj jini Noé. Uts'at ti' wut Dios yic'ot ti' tojlel winicob x'ixicob. Uts'at tsi' cha'le xʌmbal ti' bijlel Dios. 10Tsi' yila pañimil uxtiquil ch'iton bʌ i yalobilob Noé, i c'aba'ob Sem yic'ot Cam yic'ot Jafet.
11Jini año' bʌ ti pañimil tsi' socoyob i bʌ ti jontolil ti' wut Dios. Cabʌl tsa' p'ojli jontolil ti pañimil. 12Dios tsi' q'uele jontol jax pejtel winicob x'ixicob, come tsi' socoyob i bʌ ti pañimil. 13Dios tsi' sube Noé: Mi caj c jisan pejtel winicob x'ixicob, come cabʌl tsa' p'ojli jontolil ti pejtel pañimil. Awilan, mi caj c jisañob yic'ot pañimil. 14Mele barco ti goferte'. Mele tsalʌl tac ti barco ja'el. Pʌc'ʌ yic'ot i yetsel te' ti' mal yic'ot ti' pat. 15Mele che' bajche' wolic subeñet: Wucc'al (140) metro i ñajtlel, uxp'ejl i cha'c'al (23) metro i xujc, chʌnlujump'ejl (14) metro i chanlel. 16Mele ventana ojlil metro i chanlel ti' joytilel barco. Melben i puertajlel barco ya' ti' ti'. Uxlajm yom ma' melben i mal.
17Awilan, mi caj c choc tilel but'ja' cha'an mic jisan pejtel i bʌl pañimil am bʌ i cuxtʌlel. Mi' caj ti chʌmel pejtel cuxul bʌ ti pañimil, 18pero ma'anic mi caj a chʌmel jatet. Mi caj cʌq'ueñet xuc'ul bʌ t'an. Mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob. 19-20Mi caj a pʌy ochel ti barco pejtel cuxul tac bʌ ti cha'cha'cojt, cha'an cuxul mi' yajñelob a wic'ot. Mi caj i yochel ti ñujp ti ñujp te'lemut, yic'ot bʌte'el, yic'ot jʌlʌcña bʌ mi' majlel ti lum ti chajp ti chajp. Ti ñujp ti ñujp mi caj i tilel ba' añet cha'an ma'anic mi' jilel. Che' tsi' yʌlʌ Dios. 21Tempan i buc'bal ti chajp ti chajp. Otsan yic'ot i bʌl a ñʌc' cha'an ma' c'ux yic'ot a pi'ʌlob. 22Che'ʌch tsi' mele Noé. Tsi' cha'le pejtelel chuqui tsi' yʌlʌ Dios.
सध्या निवडलेले:
Genesis 6: CTU77
ठळक
सामायिक करा
कॉपी करा
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fmr.png&w=128&q=75)
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process