Tourat 1: Foeda Nama 14
14
Hozrot Lut (a:) bondi oila
1Babil deshor bashsha Omrafel, Illashoror bashsha Ariak, Ilamor bashsha Kodor-laumor ar Guimor bashsha Tidiol, era sairozone eḳ oia 2Sadumor bashsha Bira, Amurar bashsha Birsha, Odmar bashsha Shinab, Soboyimor bashsha Shimebor ar Bilar ba Suaror bashshar birudde zuddo ḳorat gela. 3Ou faszon bashshae tarar sifai oḳolre ekḳano ḳoria Siddimor tol zagat loia gela. I zagare Luna shagor ḳoin. 4Hi bashsha oḳole baro boros bashsha Kodor-laumoror gulami koria tero bosoror shomoy bidruho ḳorla. 5Er bador boros bashsha Kodor-laumor ar tan logor bashsha oḳole gia Ostorut-Kornoyimo Rofayi oḳolre, Homo gia Zuzi oḳolre, ar Shabi-Kiriataimo gia Eimi oḳolre araila. 6Bade morubumir ḳasar El-Faron forzonto Seir faṛor Hurio oḳolre-o araila. 7Heshe ou bashsha oḳole guria gia Oin-Mishpoṭo ba Kadesh gela. Tara Amaleki oḳlor asta desh doḳol ḳorla ar Hazazon-Tamar ṭauno ze Amuri oḳol asil tarare-o doḳol ḳorla. 8Bade Sadum, Amura, Odma, Soboyim ar Bila ba Suaror bashsha oḳole 9Ilamor bashsha Kodor-laumor, Guimor bashsha Tidiol, Babilor bashsha Omrafel ar Illashoror bashsha Ariakor loge zuddo ḳorar lagi Siddim namor tol zagat tarar sifai oḳol hazaila. Sair bashshar birudde fas bashshae lagla. 10Siddimor tol zagat tartelor bout gat-gaṛa asil. Sadum ar Amurar bashshain zebla bagia zaira, i shomoy tarar logor ḳeu ḳeu ou tartelor gato foṛi gela, ar baki oḳole bagia faṛo gela. 11Teu tarar dushmon oḳole Sadum-Amurar hoḳol don-samana ar ḳani-danir hoḳolta luṭia loia gelogi. 12Ar tara Abramor batiza Lutor hoḳol mal-samana shudda hou Lutre-u doria loia gelagi, ḳaron eine-u Sadum ṭauno roita.
13Teu eḳzone bagia aia Ibrani Abramre ou ḳobor dilo. Abram i shomoy Amuri Momrir elon bonor ḳasat taḳta. I Momri asla Ashkul ar Aneror bai, Abramor loge erar zuddor shaijjor chukti asil. 14Tan batizare doria loia gesoingi hunia Abrame laṛai zanra nizor tin-sho aṭaro zon gulamre loia Dan ṭaun forzonto dushmonor ḳore ḳore gela. Ou gulam oḳol tan baṛit-u zonmisil. 15Raitkur bala dushmon dolor lagal faia era hamla ḳoria herare arailla, ar ḳedaite ḳedaite Damesk ṭaunor utore Huba forzonto gela. 16Luṭ ḳora hokkol zinish tain firaia anla, mal-samana shudda tan batiza Lutre-o uddar ḳorla. Er loge hoḳol beṭintore ar hoḳol manshore-o uddar ḳori anla.
Bashsha Malki-Siddike dua dila
17Kodor-laumor ar tar logor bashsha oḳolre araia Abram firia aoar shomoy Sadumor bashshae tan loge deḳa ḳorar lagi Shabi ba Bashsha namor tol zagat bar oia aila. 18Ar Shalemor bashsha Malki-Siddike Abramor lagi ruṭi ar anguror shorbot loia aila, tain oila Allatalar fosondor imam. 19Tain Abramre dua ḳoria ḳoila, “Zein asman ar zomin foyda ḳorsoin, hou Allatala Abramre borkot dan ḳoroukka. 20Afnar dushmon oḳolre zein afnar ato shofisoin, tan nam doinno ouk.” Ou Abrame tan hokkoltar doshbaṭor eḳbaṭ Malki-Siddikre dilaila. 21Ar Sadumor bashshae Abramre ḳoila, “Afne mal-samana hoḳolta raki deukka, ḳali manush guin amare firot dilain.” 22Abrame Sadumor bashshare ḳoila, “Zein asman-zomin foyda ḳorsoin hou Mabud Allatalar name ami at tulia ḳosom ḳorsi, 23afnar kunu zinish-u, eḳsa suta-u ba faor zutar eḳsa fita-o ami nitam nae. Arnae bade afne ḳoiba, amar done-u Abram doni oise. 24Amar manshe zeta ḳailisoin ita saṛa ami ar kichchu nitam nae. Ḳali Aner, Ashkul ar Momri zera amar loge gesla, tarar faona baṭ tara neukkagi.”
सध्या निवडलेले:
Tourat 1: Foeda Nama 14: sylL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© Ahle Kitab Society. All rights reserved.