Pemungkal 3
3
Penyalah Mensia
1 # [2]
P-dlm 2.24; [1]
Pem 12.9; 20.2. Nyadi ular nya jelu ti pintar agi ari semua jelu bukai ti udah digaga TUHAN Allah Taala. Ular nya lalu bejaku ngagai indu nya, “Kati amat Allah Taala enda nyagi seduai makai buah ari semua kayu ti dalam kebun tu?”
2Disaut indu nya, “Kami duai tau makai buah ari sebarang kayu dalam kebun tu, 3tang Allah Taala madahka kami duai enda tau makai buah ari kayu ti ba tengah-tengah kebun, tauka negu buah kayu nya, enggai ke kami duai mati.”
4Tang ku ular nya nyaut indu nya, “Enda seduai mati, 5laban Allah Taala nemu, lebuh seduai makai buah nya, seduai deka nyadi sebaka enggau Allah Taala, nemu ngelala bida entara utai ti manah enggau utai ti jai.”
6Lebuh indu nya meda buah kayu nya manah ke pemakai sereta manah dipeda, lalu tau ngasuh pintar, iya lalu makai buah nya. Iya mega meri sekeda buah nya ngagai laki iya, ke bisi enggau iya, lalu laki iya mega makai buah nya. 7Lebuh seduai iya udah makai buah nya, mata seduai iya tebuka, lalu seduai iya nemu diri telanjai. Seduai iya lalu nyait daun kayu ara, kena seduai iya mampul tubuh diri.
8Lemai nya seduai iya ninga TUHAN Allah Taala bejalai dalam kebun. Seduai iya lalu belalai ari TUHAN Allah Taala ba sebelah madang kayu dalam kebun nya. 9Tang TUHAN Allah Taala ngangauka lelaki nya, ku Iya, “Dini alai nuan?”
10Lelaki nya lalu nyaut, “Aku ninga Nuan bisi dalam kebun, lalu aku takut, laban aku telanjai. Nya alai aku belalai.”
11 TUHAN Allah Taala lalu nanya iya, “Sapa madahka nuan telanjai? Kati nuan bisi udah makai buah ti enda disagi Aku empa nuan?”
12Lelaki nya lalu nyaut, “Indu ke diberi Nuan nyadika tawing kaling aku, ke meri buah ari kayu nya ngagai aku, lalu aku makai.”
13 #
2 Kor 11.3; 1 Tim 2.14. TUHAN Allah Taala lalu bejaku ngagai indu nya, “Nama kebuah nuan ngereja nya?”
Indu nya lalu nyaut, “Ular nya ti nipu aku, lalu aku makai buah nya.”
Allah Taala Ngeletak Ukum
14 TUHAN Allah Taala lalu bejaku ngagai ular nya, “Laban nuan udah ngereja nya, nuan deka kena sumpah. Ari semua bansa jelu, ka semina nuan aja deka ditinggang sumpah tu. Kenyau ari diatu nuan deka ngerayap ngena perut nuan, lalu nuan deka makai amau#3.14 amau; Tauka: abus seumur idup. 15#Pem 12.17. Aku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.” #3.15 iya; Tauka: sida.
16 TUHAN Allah Taala lalu bejaku ngagai indu nya, “Aku deka nambahka pemerinsa nuan lebuh nuan ngandung, lalu nambahka pemedis nuan lebuh nuan beranak, tang taja pia, nuan deka seruran inginka laki nuan, lalu iya deka bekuasa atas nuan.”
17 #
Heb 6.8. TUHAN Allah Taala lalu bejaku ngagai lelaki nya, “Laban nuan udah mendingka jaku bini nuan, lalu udah makai buah ti enda disagi Aku, nya alai tanah deka kena sumpah, lalu nuan deka bebendar gawa ngulihka pemakai ari tanah seumur nuan idup. 18Tanah deka tumbuh rumput enggau duri, lalu nuan deka bepakaika utai ti diambi ari babas. 19Nuan deka bepeluh tusur ngulihka asil ari tanah, nyentuk ngagai maya nuan pulai baru ngagai tanah, laban nuan endang ditempa ari tanah. Nuan endang digaga ari amau,#3.19 Tauka: abus nya alai ngagai amau meh nuan pulai.” 20Adam#3.20 Adam; Reti nya: mensia, dalam Hebrew ngumbai bini iya Awa,#3.20 Awa; Hebrew: idup, lalu leka jaku tu disalinka ngagai leka jaku mensia dalam jerita tu. laban iya indai semua mensia. 21TUHAN Allah Taala lalu ngaga gari ari kulit jelu ke Adam enggau bini iya, lalu ngerasukka gari nya ba seduai iya.
Adam Seduai Awa Diburu Ari Kebun Eden
22 #
Pem 22.14. TUHAN Allah Taala lalu bejaku, “Mensia nyau sebaka enggau Kitai, nemu bagi utai ti manah enggau utai ti jai.#3.22 Tauka: nemu semua utai. Sida enda tau ngambi buah ari kayu pengidup, enggai ke sida makai buah nya, lalu idup belama iya.” 23Nya alai TUHAN Allah Taala muai seduai iya ari kebun Eden lalu ngasuh seduai iya gawa beridup ba tanah ti udah dikena nempa seduai iya empu. 24Udah nya TUHAN Allah Taala ngengkahka melikat cherubim#3.24 Enti mayuh: cherubim; Enti siku: cherub enggau pedang ti beapi-api, ti mantap kia-kia, ba tisi timur kebun nya kena nyaga jalai ngagai kayu pengidup nya.#3.24 Tauka: kena nagang orang datai ngagai kayu pengidup.
सध्या निवडलेले:
Pemungkal 3: BK
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Hakcipta © 2011, The Bible Society of Malaysia
Copyright © 2011, The Bible Society of Malaysia