उत्पत्ती 30:20-24

तेव्हा लेआ म्हणाली, “देवाने मला चांगले आंदण दिले आहे; ह्या खेपेस माझा नवरा माझ्याशी मिळून राहील, कारण त्याला माझ्या पोटी सहा मुलगे झाले आहेत;” म्हणून तिने त्याचे नाव ‘जबुलून’ ठेवले. त्यानंतर तिला एक मुलगी झाली, तिचे नाव तिने ‘दीना’ ठेवले. मग देवाने राहेलीची आठवण केली; आणि त्याने तिचे गार्‍हाणे ऐकून तिची कूस वाहती केली. ती गर्भवती होऊन तिला मुलगा झाला; ती म्हणाली, “देवाने माझी अप्रतिष्ठा दूर केली आहे”; आणि तिने त्याचे नाव ‘योसेफ’ ठेवून म्हटले, “परमेश्वर मला मुलाची आणखी जोड देवो!”