ATÜTSAR SAPHIEKÜTSÜ

SAPHIEKÜTSÜ

Atütsawa ta küsa anyo mazhünyowa thuoüji ‘arüzo’ nyutü ‘shukürupe.’ Lasi hama nüh azhih thi atülü, anyiri küsate, kükhiemuo rütsohwa, azhih vü kümnomna thi Saküüwuowa nüh anyiri sie kürho aveh küzaküthsütsü. Atütsari lasi hamatü küsuo nü künyi sara naveh.

1) Küüsho 1-11 Azhihwa küsa thi atükhutsa vü anyiri kürho zhüku. Halatü Adam thi Eve, Kain thi Abel, Noah thi juhküji, thi Babilon vü aloh nüh Khajie küloju zhünyo aveh tüveh.

2) Küüsho 12-50 Israelri atükhu vü küshukürari zhüku. Pokhuwa thuoüji Abraham, ma kütsotü thi Saküüwuowa zhüküüna vünüh kütholari küsü sa. Jüma sevü thuoüji ma tsa Isaac, ma zhü kükhruowa Jacob (Israel ta küjiwa), thi Jacob atsa nyimpa türakünyiri, mari vünüh Israelri kuoh türakünyi vizhu. Jü nyiehvü nga nüh mazhieri vü Josef zhüku, Jacob thi ma tsa nyimpa küpari matharuori sie nü Egypt vü teru kürho zhünyori küütsa rhüsaveh.

Lasi hamatü anyira zhüku rhüsawie ketünga Saküüwuowa nüh mowa sanüh jümari nüh apokhutsawa. Saküüwuowa nüh azhih thi atülü satsa ta küsa vünüh sate, thi Saküüwuowa nüh ma nyiri kenüh kütsaza pehtsaveh ta küsa mükütuo nüh kütsawa naküsa zhüthuo küsanüh sekhe sa. Lasi hama apo vünüh sekhe küju anyi jüwa thuoüji Saküüwuowa nüh müküleh küsari küjotsü thi kümnomna tsü, ma nüh ma nyiri sietse thi kükra tsü, thi mazhükuri sakükatoru. Lanyira lasipha hamatü nyi küsü kütsotü zhüke nüh azhüku satsü, thi kütsotü jüma sakürho peh huo nta kükra tsü.

Azhühjiri

Azhih, atülü thi anyiri küsa 1.1—2.25

Kükhiemuo thi kümnomna küsate 3.1-25

Adam vünüh Noah küju 4.1—5.35

Noah thi juhküji 6.1—10.35

Babilon vü aloh nüh khajie küloju 11.1-9

Shem vünüh Abraham küju 11.10-32

Anyi alü saküruri: Abraham, Isaac, Jacob 12.1—35.29

Esau küshuküra 36: 1-43

Josef thi ma jienüri 37.1—45.28

Israel Egypt vü küpeh 46.1—50.26

सध्या निवडलेले:

ATÜTSAR SAPHIEKÜTSÜ: POCHBSI

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

Pochuri Naga Bible - KÜMÜTSE BIBLE

KÜMÜTSE Naga Bible (BSI)बद्दल अधिक जाणून घ्या

ATÜTSAR SAPHIEKÜTSÜ