Yoane 5
5
Omukoni weBetesaida
1Enyuma wemyatsi eyi habya ekiro kikulu kyabaYuda; Yesu mwahetukira eYerusalema.
2Nikwa omo Yerusalema hakuhi neririmbo ryesyombuli ihari ekitsinga, omo KiEbrania kikahulawa mo Betesaida, iki wite esyondambi itano. 3Omusyo ihakagotsera esyondeko esyabalwere, besyombumi, nebirema, nabumire, ibakalindirira eritabukala ryamagetsi. 4Kusangwa omulaika woMukama iniakandagala iguma-iguma eripanza magetsi: neryo mundundi oyu katsuka eriya omo magetsi akinatabukere inialamibwa okwitswerwa lubi kwendwala alwere. 5Neryo mundu muguma abyaho, inialwere emituta makumi asatu nomunani. 6Omugulu Yesu amu langira iniagotsere, mwaminya iniabiribya atya biro bingi, mwabuga naye, ati, Wanzire erilamibwa kwehi? 7Omukoni mwamusubirya, ati, Mukama, singwite mundu, omugulu ama getsi akatabukala, erimbira omo kitsinga; nikwa omugulu ngasa, ogundi akanyitanga. 8Yesu mwabuga naye, ati, Hangana, uheke ekirago kyawe, uyigendere. 9Neryo-neryo omundu oyo mwalamibwa mwaheka ekirago kiwe mwayige ndera.
Nikwa ekiro ekyo kyabya Sabatu. 10Neryo abaYuda moba buga noyo walamibawa, bati, Munabwire ni Sabatu, sirikutolere omo migambu ukaheka ekirago kyawe. 11Nikwa mwasubi ryabo; ati, Oyu rianyilamaya, niye yuriambwira, ati. Uheke ekirayo kyawe, uyigendere. 12Mobamubulya, bati, Omundu oyo nindi oyo wakubwira, ati, Uheke kirago kyawe, ugende, kwehi? 13Nikwa oyo walamibawa isiasi nga ni ndi, kusangwa Yesu iniamabilwaho, kusangwa endeko yabyaho. 14Enyuma waho Yesu mwamweya omo hekalu, mwabuga naye, ati, Lebaya, wabirilamibwa! Suswakola ebibi, ukasya swabana mwatsi mubi kwilaba oyo. 15Omundu oyo mwayabwira abaYuda kwabya Yesu oyo wamulamaya. 16Busana nomwatsi oyu abaYuda mobendererya Yesu, kusangwa akola emyatsi eyi omo Sabatu. 17Nikwa Yesu mwasubiryabo, ati, Tata wage akakola erihika lino, nage ngakola. 18Busana niomwatsi oyo kandi baYuda kwilaba aho mobasonda erimwita, kusangwa isirye eriketa eSabatu risa, nikwa kusangwa iniakahula Mungu mwise, iniakayiyira ngoMungu.
19Neryo Yesu mwasubirya mwabuga nabo, ati, Kwenene, kwenene, ngabuga nenyu, nyiti, OMugala siangatoka erikolaki iyowene, nikwa ekyakalangira Ise akakola: kusangwa ebyosi akakola, byo Mugala akakola atya nibya. 20Kusangwa Ise anzire Mugala, akamukangaya emyatsi yosi eyakakola; nemibiri minene kweyi asyamukangya, imwasweka. 21Kusangwa ngoko Tata akalubukaya abaholi akahabo engebe, ritya oMugala akaha engebe kwabo anzire. 22Kusangwa kandi Tata siaritswera mundu nomuguma, nikwa abiriha oMugala eritswera ryosi, 23neryo abosi basikaye Mugala, ngoko bakasikaya Ise. Oyu tesikaya Mugala siarisikaya Ise oyo wamutuma. 24Kwenene, kwenene, ngabuga nenyu nyiti, oyu kowa eKinywa kyage, akikiriraya oyo wanyituma, ari nengebe yerikota, isiendisyahika nikwa abirilaba erilwa omo luholo eriingira omo ngebe. 25Kundu, kundu, ngabuga nenyu, nyiti, Endambi ikasa, na lino ine, omugulu abaholi basyowa omulenge wo Mugala woMungu, nabakowa basyabyaho. 26Kusangwa ngoko Tata ari nengebe omwisi wuwe iyowene, ritya abiriha Mugala eribya nengebe omwisi wuwe, 27akamuha ehamuli yeritswera esyombanza kusangwa iye ni Mugala womundu. 28Simusweke busana nekyo; kusangwa omugulu asyasa omugulu abosi bari mo masinda basyowa omulenge wuwe, 29basyalwamo, abakola byowene okwilubuka ryengebe, nabakola ebibi, okwilubuka ryolubanza.
30Kusangwa sinditoka erikola nekigoma ingyowene: ngoko ngowa, ngatswera: neritswera ryage ritunganene; kusangwa sindisonda ekyo nyanzire ingyowene, nikwa erianza ryoyo wanyituma. 31Namatulago busana nage, eritulago ryage isi ryakwenene. 32Ni gundi oyu katulago busana nage; nage nyasi eritulago eryo akatulago busana nage ni kwenene. 33Mwabirituma ku Yoane, naye abiritulago kwenene. 34Ni kwa sindimaya eritulago eryo kobandu: nikwa ngabuga emyatsi eyi, imwatoka erilamibwa. 35Iye abya oluseke olukaka neriko rerya, nenyu mwabya mwanzire eritsema akatambi omo kya kakala kiwe. 36Nikwa eritulago eryo ngwite ni nene kwilaba eryaYoane; kusangwa emibiri eyo Tata abirimba eribuga, emibiri eyo ngakola, ikatulago busana nage, ko Tata anyituma. 37Na Tata oyo wanyituma, iye abiritulago busana nage. Inywe simwetowa omulenge wuwe, kutse erilangira ngoko asosire. 38Simuwite eKinywa kiwe eriikala omwisi wenyu: kusangwa simwetikirirya oyo atuma. 39Mukasonda-sondaya amasako, kusangwa mukaganiraya muti muwite engebe yerikota mugo; naya wakatulago busana nage; 40nenyu simwembikako, imwatoka eribya nengebe. 41Ingye sindimaya erisikibwa oko bandu. 42Nikwa nyibasi simuwite olwanzo lwoMungu omwisi wenyu. 43Nabiriasa omu rina ryaTata, nenyu simwenyikokaya: ogundi amasa omo rina riwe, mwasyamukokya. 44Imwatoka muti erikirirya, inywe mukimaya erisikya muguma oko gundi, nerisikya erikalwa oko Mungu muguma, simwesondayaryo kwehi? 45Simuganiraya muti nasyabahandikirira oku Tata: hari muguma oyu kabahandikirira, ni Musa, oyu mukayiketera. 46Kusangwa kumbe mwikirirye Musa, nga mwanganyikirirya; kusangwa asaka ebyage. 47Nikwa mwamatindikirirya amasako wuwe, mwasikirirya ebinywa byage byo muti kwehi?
सध्या निवडलेले:
Yoane 5: NTN62
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Le Nouveau Testament et les Psaumes en Ndandi © British and Foreign Bible Society, 1962.
