Luca 23 मधील लोकप्रिय बायबल वचने

सामायिक करा

Tawamhã Zezusi hã te Timama ma tinha, ãne: — Ĩmama, da'ãma 'madâ'â õ di za, da te ĩma i'manharĩ wasété za'ra zé hã. Da te dasiwi ĩwaihu'u ãna, ma tô ĩma 'manharĩ wasété za'ra ni. Tawamhã ẽtẽ zapotore i'ui'éré ré hã ma tô nasi sima sãmra, Zezusihi uzazéb zô. Taha zarina, ma tô sima ãma aipé.

Tahawa, te Zezusi hã asa tãma tinha, ãne: — Tô sena wa za aima waihu'u. Ã bâtâ na te za tô ĩ'rata 're asãmra mo, rowẽ uptabi ãma.

Tahawa, te Zezusihi ma tinha, ãne: — Zezusi, ĩ'ãma aipo're pu'u za, Danhib'apito na apâ we aimorĩ wamhã.

Tahawa, ma tô Zezusi hã Timama ma tinha, mreme 'rãihâ na, ãne: — Ĩmama. Ãhãta, wa za ĩpẽ'ẽzani hã ãma aima tisõ, asib'rata. Tawamhã awa'awi ma pẽ'ẽ hai'utõ oto.

Tawamhã ma tô oto ãwisi za'ra, Da'rãihi na romnhisi u. Tame ma tô siwi sasõ Zezusi hã, wedepo'o nhonhi'rãmi na dâ'â da. Ma duré rowasété 'manharĩ'wa norĩ hã isiré sasõmri zahuré ni. Te ãma aiwa'aba zahuré, isimire niwĩ, duré isimi'e niwĩmhã.

Tawamhã ma tô ti'abzuma oto. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro. Bâdâ sipra wi, ma tô zazahâ hã hâihaipo'o, 'ri 're wa'wa nhitobzé hã, 'Re ihâimana u'âsi mono nhorõwa ãma hã.

Tawamhã aibâ hã ma tô tinhowẽ, da'wapéi'wa norĩ wada'uri'wa hã, romanu hã. Sõwẽ wamhã, te ãma tiwata, 'Re ihâimana u'âsi mono ãma. Ãne te tinha: — Nare õ hã, aibâ 're imorĩ wẽ tô.