Lukah 14 मधील लोकप्रिय बायबल वचने

सामायिक करा

“A eikanguka tou nama buhangu pakeri-Wa, ɗunna nareihi namuwah Nyouwa waling ta inan, ta aman, ta arweina, ta anan, ta anguwuana, ta anawinnina, parei-reihing namorikuna, adatounoukanak dana piakumangu pakeri-Wa.

Ɗunna laka nakoli paɗangu mawilla lapakung ana mati, nakeri pangala-Wah, toungu natou nama ɗeituya na aiharikan ʄaka nahadia wikin ana maeti.

A gearakayaka natou nama paʄaga wikina enga nahawawaɗiya, ʄaka nama hawawa wikina enga napaʄagaya.”

Ta hupu patikina hi Yehu, wina, “Tonouʄellanaka nyiami. Da malli hatoumangu waling lahi nyiami nama keri-Wa, a dana pahelakahaka ngaladukaɗa ɗama eija lahi ɗunna.”

A eikanguka hatou waling lahi nyiami nama kabu ating papakiɗiya na umma mangu wogu, enga na ngoɗu letuh ana yapu pakaluja ɗa tomang a daɗa tomang ɗa ritin ana mengawainya na umma nou. Laka baɗi mengananya na illi ana woluya, adana pangaɗa pakalu memakanyaka, dana mengamaya na umma mangu wogu nou. Jiayaka ɗama itaya hiɗa malikunya. Ɗuɗa ɗapanewi, ‘Yeh, natou nei napakiɗ umma mangu wogu, ʄiaɗinguka dana tomamaya ana mengayaǃ’

Jiaɗinguka kaku tunu awimukak, mu kaleihuja ɗa tou milla, ɗama karakka, ɗama kabeaku, ʄaka ɗa tou kaboala. Ou enga pamaringuwu, kaɗang ɗa tou hou daɗa piakumangu aɗa haɓaligunya na kalung atim. Na kalung atim enga nahaɓaligunya hi Alla ta rahina ɗa tou ɗama paɗening ana pakiɗi ɓaliha waling ta maeti.”

“Na mahingu nou nakalung, ʄiaɗinguka a dana hilu barrukaka, na piakukaɗing apabarru ɓaliya? Da hilu eimanguha papa-oali waiɗanya, laka pakabokah waing ta kahibu dana piakumang, ʄiayaka hi leꞌaya. A eiɗing kahilumi, miranguya napatiki-Gu!”