एप्‍पा चोङ्‌सा 1 मधील लोकप्रिय बायबल वचने

सामायिक करा

तर पबित्‍रा होङ्‌निवा हे़निङ्‌बेॽ लेङ्‌येबाङ हे़निङे़ॽ बोल चुप्‍मिन्‍डानुमे, मोबा हे़निङ यरुसलेमबेॽ, यहुदियानुङ सामरिया ठाउँबेॽ, मोबा मक्‍खाम्‍डेम चोपराजि के़ए़ साक्‍छि लिन्‍डानिङे।”

येसुडे़ॽ माहाजि लुसुजि, “इन्‍डोक्‍पेॽ इगो खा लिये लुनुङ खाङ्‌मे, लेमे हे़निङ्‌मि योम्‍बोक ने़ॽनिबा। मोगो थाङ्‌सिरिबेॽए पाबे़ॽ खोमि निवाबेॽ पक्‍का ले़न्‍डुए।

इक्‍याक येसु माहाजिनुङ चामा चामे़ॽनिङ्‌सिमाबेॽ खोसे़ॽ लुसुजि, “यरुसलेम याःॽयानुङ हे़निङ हाम्‍बेॽसो ए़खे़ॽमे़, तर थाङ्‌सिरिबेॽए के़ए़ पाबे़ॽ पबित्‍रा होङ्‌निवा पिन्‍ने़ लुनुङ हे़म्‍बॽआ हेन्‍ज्‍रुङ हे़निङे़ॽ हुङ्‌मे़। इगोगो याक्‍लोनोॽ के़ॽ हे़निङ लुबेनिम्‍ने़। युहन्‍नाडे़ॽको हे़निङ योङेॽ बप्‍तिस्‍मा पिटे़, तर इक्‍याक नियाक ए़क्‍साङ हे़निङे़ॽ पबित्‍रा होङ्‌निवामि बप्‍तिस्‍मा चुप्‍मिन्‍डानुमे।”

येसुडे़ॽ खेः आङ्‌नुङ काप्‍सिङ्‌बेॽ सिघे़ॽनुङ, ए़क्‍साङ रिबोङ याकठोक खो सिघे़ॽपॽआबाङ चइबानोॽ हिङ्‌बुक्‍पॽआ खा पक्‍का ले़ःॽमामि फोरेन फोरेन खाङ्‌मुसा। मोबा निवाहाङ्‌मि राज्‍यमि टुम्‍बेॽ खोसे़ॽ याॽमिजि खेम्‍मेॽटुजि।

येसुडे़ॽ इडोॽ इःसेॽनुङ ए़क्‍साङ माहाजिडे़ॽ खाङ्‌मे़ॽनिङ्‌सिमाबेॽ खो थाङ्‌सिरिॽटु ठेॽपुक्‍खे़ॽनुङ खिम्‍मिॽवाहोङ्‌सिॽयु यिःप्‍खडा।

माहाजिडे़ॽ नान्‍द्‌रुङ्‌माबेॽ खो ठेॽपुक्‍खे़ॽपॽआ खाङ्‌साङ येःप्‍मे़ॽनिङ्‌सिमाबेॽ उथ्‍रिॽमा चेॽ चाङ्‌खुबा निप्‍पाङ थाङ्‌सिरिदुतजि हाजोक्‍टोॽ माहाजिमि के़क्‍पेॽ येःप्‍नुङ खोजि लुसुजि, “होउ गालिलबेॽहा याॽमिजि, इन्‍ढोङ नान्‍द्‌रुङ्‌माबेॽ खाङ्‌मे़ॽनिङ्‌सिडानुमे ? हे़निङे़ॽ येसु थाङ्‌सिरिॽटु ठेॽपोक्‍खे़ॽपॽआ खाङ्‌इटानुमे मोडोक्‍नोॽ खो इक्‍याक फेरि लेङ्‌इये।”