इब्री 13 मधील लोकप्रिय बायबल वचने

सामायिक करा

द्रव्यलोभापासून दूर राहा; जवळ असेल तेवढ्यात तुम्ही समाधानी असावे. कारण परमेश्वराने म्हटले आहे, “मी तुला कधीच सोडणार नाही व तुला कधीच टाकणार नाही.”

येशू ख्रिस्त काल, आज आणि युगानुयुग सारखेच आहेत.

म्हणूनच आत्मविश्वासाने आपल्याला म्हणता येते: “प्रभू माझे साहाय्यक आहेत; मला कशाचेही भय वाटणार नाही. नश्वर मानव मला काय करणार?”

चांगले कार्य करण्यात आणि आपल्याजवळ जे आहे त्यात गरजवंतांना वाटेकरी करण्यास विसरू नका, कारण असे यज्ञ परमेश्वराला फार संतोष देतात.

तेव्हा आपण येशूंच्या साहाय्याने परमेश्वराला आपल्या स्तुतीचा यज्ञ—त्यांचे नावाचे गौरव करणारे आपले मुखफल सतत अर्पण करू या.

विवाह सर्वांना सन्मान्य असावा आणि वैवाहिक अंथरुण पवित्र राखावे, कारण व्यभिचार करणारे अथवा जारकर्म करणार्‍यांचा न्याय परमेश्वर स्वतः करील.

अपरिचितांचे आदरातिथ्य करण्यास विसरू नका, कारण असे करताना काहींनी नकळत देवदूतांचा पाहुणचार केला आहे.

आता ज्या शांतीच्या परमेश्वराने, सार्वकालिक कराराच्या रक्ताने, आपले प्रभू येशू, जे मेंढरांचे महान मेंढपाळ आहे यांना मेलेल्यातून माघारी आणले, ते परमेश्वर त्यांच्या दृष्टीने जे योग्य ते आपल्यामध्ये येशू ख्रिस्ताच्याद्वारे करो व प्रत्येक कामात त्यांना संतोषविण्यास तुम्हाला सिद्ध करो. त्यांना युगानुयुग गौरव असो. आमेन.