1 थेस्सलनीकाकरांस 5 मधील लोकप्रिय बायबल वचने

सामायिक करा

सर्वदा आनंदित राहा, निरंतर प्रार्थना करा, सर्व परिस्थितीत उपकारस्मरण करा, कारण ख्रिस्त येशूंमध्ये तुमच्यासाठी परमेश्वराची इच्छा हीच आहे.

परमेश्वर स्वतः जे शांतीचे परमेश्वर आहेत, ते तुम्हाला परिपूर्ण पवित्र करो. आपले प्रभू येशू ख्रिस्त येईपर्यंत तुमचा पूर्ण आत्मा, जीव आणि शरीर निर्दोष राखली जावोत. ज्यांनी तुम्हाला पाचारण केले आहे ते विश्वासू आहेत, आणि ते करतीलच.

कोणी वाईटाची फेड वाईटाने करीत नाही याची खात्री बाळगा, परंतु प्रत्येकाचे आणि सर्वांचे सर्वदा चांगले करण्यासाठी झटा.

म्हणून तुम्ही आता जे करीत आहात त्याचप्रमाणे एकमेकांना प्रोत्साहन द्या आणि एकमेकांची उन्नती करण्यासाठी झटा.

बंधू आणि भगिनींनो, आम्ही तुम्हाला विनंती करतो की जे आळशी आणि लुडबूड करणारे आहेत त्यांना ताकीद द्या, जे निराश आहेत त्यांना उत्तेजन द्या, अशक्तांना आधार द्या, प्रत्येकाशी सहनशीलतेने वागा.

क्रोध सहन करावा यासाठी नव्हे तर प्रभू येशू ख्रिस्ताच्याद्वारे आपले तारण व्हावे म्हणून परमेश्वराने आपली निवड केली आहे.

परंतु तुम्ही बंधू आणि भगिनींनो तुम्ही सर्व प्रकाशाची व दिवसाची मुले आहात. आम्ही रात्रीचे किंवा अंधकाराचे नाही.