MATIUS 19 मधील लोकप्रिय बायबल वचने

सामायिक करा

Yugwi dalok, Ar Yesus ir il bikdaga lagagerek yoraga dogolir, “Ir akuni nen erurak eti mondok ndakdek o! Ogwe Ar Allah nen perak, erurak mondok ndak o.”

Etiar ma, ir imbirak mbere dek ogwe, ambiar o. Ma, Ar Allah nen dambulogo barige mende eti, akuni nen inadik ndak pigalogo mbo baurak mondok maga o.”

Yorugwama, Ar Yesus nen onggo yoraga dogolir, “Ar akuni kenamer barige werek nen, ibibir ir ap o, nen kwe o, kenamer barige yiluk, kir alkitab akla diru endaga talukdek a? Tuguluk Ar nen yega dogolir, ‘Eti paga nen ar ap ernogo, agwiya ombae dambe balok, agwe imbirak dambulkwi, nen imbirak ambiar arugun o.’

Ogwe Ar Yesus nen yoraga dogolir, Ir elege etoma An noba waruwak nen dambek dani o. Nen ir An noba wagunem, inaruan nggodo mbalinabugup o. Nenaluk, ir akuni yegerogon mende arar, Ar Allah akburi ane waganggwi mende etarugun o.

Ogwe ir akuni yogondak ya, inalep ibibir agarik mende ernogo, yabongga arugun o. Nen ir yogondak ya yabongga agarik mende eti, ir inalep arugun o,” yiluk yoragage.

Nen ir akuni inai palek mende dambe kugwi, inogari wadigi, inirui komadigi, inagwiya inombae inom, inakburi elege inom, ineyabu waganek inom, An mutnarek lau paga togok biluk lugun etnogo, akuni eti onggo iyok paga, seratus paga yungguk medak onggo kodagun o. Nen ar nabedal kabedal iluk aitok mende eti, inom ar kodagin o.

Ar Yesus nen onggo yoga dogolir, “Kar ap pani pano mondok etarurak kalok, kamindik kamende obogar, onggo kuni lan o. Nen kauang etoma obogar akuni ininggi dek mende wogorano o. Etegerogon eka keyalok, kar kamende onggo mbogor paga koda ligin o. Eti eka dogoluk kalok, An mutnarek watno o!”

Ar Yesus nen onggo yoga dogolir, “Kar nen wene pano mende erurak kwak nggi yiluk, An yonegen nenaluk? Omanggi omangga ar pano mende werek o. Kar kiluk dogu wadok kalok, Ar Allah nen wene eku dogu kologo birige mende etoma, dik duk mondok arar erurak o.”

Nen, An wene ambi yi inom ar yokerak o; unta nen jarum elola unggurak eti ndak negen ogwe, akuni amendek ambik werek mende eti nen, Ar Allah werek ma unggurak eti, mondok ndak dek o.

Etiar ma, kinaruk kolini o: Ar kwe ambi, ap wedek mende inom maduk mbainak eka dek kigik, ta nen ar agwe eti mbo biluk, nen ar kwe edo paga ninggalok mende ar waganigin kalok, akuni eti maduk mbainak arar erigin o.”

Tuguluk Ar Yesus mutok lagwi mende yemenogo yoraga dogolir, “Wene ambi An yokerak o, ir akuni inamendek ambik welaga mende, Allah akburi etarurak mondok didarek o.”