SAN JUAN 17 मधील लोकप्रिय बायबल वचने

सामायिक करा

Etnéses xép apkelpagkanamap xa énxet'ák nak eñama m'a amya'a ekmámnaksoho apagkok nak; xép appeywa ekteme ekmámnaksoho.

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

“Malmaxnesásak ko'o wánxa xa énxet'ák nak, akke elmaxnesásak nahan ma'a peya nak han etnahagkok mehey'áseyam ko'o, cham'a apkelleg'a enxoho apkeltenneykha xa énxet'ák nak. Elmaxnakkek ko'o exchep seltamho etnahagkok mekxeymákpoho apyókxoho xa énxet'ák nak; emenyék ko'o etnehek segyepetcheyo xa énxet'ák nak ekhawo ektémakxa nak xép sépetcheyo ko'o, ekhawo ektémakxa nak han sekyepetcheyo ko'o exchep, yakwayam enxoho melya'ásemek énxet'ák apheykha náxop aptaha seyáphaso ko'o exchep.

Maltamhok ko'o elwátésesek xép apheykha náxop xa énxet'ák nak, eltamhok eyke elmeyók neyseksa elenmexeykha m'a kelyekhama'.

Ekmések axta ko'o yakwayam etnahagkok apkeltakmalma xa énxet'ák nak, ekhawo setnésesakxa axta exchep setnésesa sektakmalma, yakwayam enxoho etnahagkok mekxeymákpoho xa énxet'ák nak, ekhawo nentémakxa nak negko'o, xép tén han ko'o, nenteme wánxa xama: Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.