ATITI AWM ANGCHEI NAI 50 मधील लोकप्रिय बायबल वचने

सामायिक करा

Nangchi my kai i tlang tleaung y hawi y nai sa u teu i py, Tameuh my vaini khumi bawibawichi heng thai ai nai ka-vo sa pi nai teu bo.

Na i py Josepha ly amjochi teng y, “Jei u reng moh; kai ly Tameuh i meingtym y awm nai ny y leang.

Nangchi ati sai py jei ai nai by y leang. Kaimy nangchi hawi nangchi i cho chanauchi ai kang kry pi ai mang,” napi. Huna nai kamta Josepha ly amjo amnauchi ai paleung khaw hai nai leu thui pi iy paleung pahawi nai ne.

“Kaichi ly nang i tlang tleaung y sa tamang nai deaungkho y pahen kyh ba,” nanai takeng ai nai ngaai my dei y rai khala ang taviu yb nai ne. Huna nai y ngaai i ym nai Tameuh i miseaung kaichi i sa tamang nai pahen kyh ba,” nanai thui hai bo. Josepha ly huna nai amti pi nai leu thai nai khala khri pa-rei vo bo.

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

Naibaly Josepha ly mymy i khumichi teng y, “Tameuh my nangchi ai huni pri y ang pahawi nai khala, nangchi hawi vanrei kai i hiu py syn ai, nanai kai teng y leu adeu u,” napi iy vaineng abeu hai bo.

Naibaly Josepha ly saneng chungvai atlo horei awm baly, Aikupta pri y dei bo. Nichi my veaung y pa-rei asi sa iy, kheaung theung y khai me bo.