ATITI AWM ANGCHEI NAI 49 मधील लोकप्रिय बायबल वचने

सामायिक करा

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

“Josepha ly tuino sampum sahawi y tlai nai keaungngo kano kasau karam atawm. Ni ly mawi tahyh y tlai nai keaungngo kano kasau karam cho py atawm. Ni i paleung ka-echi ly ni ai thailiho hawi hui iy khri pa-rei tiu u bo.

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne. Nang ngampo i Tameuh ly nang ai sabawm nai keung ne; Ati cheaungkhang sa thai nai Tameuh ly salo mang i amtheaung hai nai kanitui, khaileaung mang i theu hai nai tui py, cho chanauchi hawi tawnbawichi amtheaung hai nai keung ne.

“Juda nang ai ly ngamjo ngamnauchi my ang palo ai. Nang ly nang my i paleung ka-echi ai kaneaung y taau ai. Nang i ngamjo ngamnauchi my nang ai lu meung u ai. “Juda awi, nang ly khrangsi atawm i, mawi ai kei naimy tapiu y ang vum teang iy, kheu thawije naimy ambeu bo. Ami py ni ai nam vam y leang.

“Ruben awi, nang ly kai i chapo chalu tailuitang, kai i atho, kai hawi thym khala nga nai chapo chalu, kai i chapo leilachi theung y aly len keh iy, atho ham keh nai ne. Nang ly tui len nai thym khala i tui kamsau kamta ne. Na i py nang ly chapochi theung y chapo chalu lawm pajau y; ngampo i aju miseaung nu hawi nang ly i ahawi lawh; nang ly ampo i ira ai tahm khai y nai ne