Библи бол амьдЗагвар

Библи биднийг хүчирхэгжүүлдэг

Та өөрийгөө "хагархай хэнгэрэг" овогтой хүн гэдгээ өөр улсын хүмүүст хэлээд танилцуулж байна гээд төсөөлөөд үзье. Энэ бол "Пополука" гэсэн үг бөгөөд энэ нь Мексикийн Веракрузын уугуул иргэдийн эртний хэл юм.

Өнөөдрийг хүртэл "Пополука" гэдэг нь энэ бүс нутагт тухайн хэлээр ярьдаг 35,500 хүнийг төлөөлсөн хэвээр байна. Энэ хэлээр ярьдаг хүмүүс үүнийгээ "Nuntajɨ̱yi" буюу "Шууд яриа" гэж нэрлэдэг.

Nuntajɨ̱yi зарим хүмүүст тийм ч ач холбогдолтой мэт санагдахгүй байж болох хэдий ч тэд одоо Шинэ Гэрээг өөрийн хэлээр уншиж, сонсож чаддаг хүмүүс болсон ба тэд өөрсдийнх нь хэлийг бүтээсэн Нэгэний хувьд тэд болон тэдний онцгой хэл чухал гэдгийг ойлгодог болсон юм. Каролина бол эдгээр хүмүүсийн нэг юм. Каролина бол Пополука Шинэ Гэрээг орчуулагчийн ач охин ба тэр коллеж төгссөн анхны Пополука эмэгтэй юм. Тэрээр Бурханы үгийг өөрийн хэлээр хуваалцахад амьдралаа зориулсан бөгөөд одоо Дуулал номын 50-ыг орчуулах багийг удирдаж байна.

“Бид Библийг Испаниар унших үед тэнд юу гарч байгааг тийм ч сайн ойлгохгүй. Харин өөрийн эх хэлээрээ унших үед Библи бидний зүрх сэтгэлд хүрдэг. Бидний зүрх сэтгэлд хүрч, биднийг хөдөлгөж байдаг, яагаад гэхээр бид эх хэлээрээ унших үедээ Библи юу хэлэхийг хүсэж буйг үнэхээр сайн ойлгодог.”

Каролин бол YouVersion хамт олны идэвхтэй гишүүн ба Nuntajɨ̱yi хэл дээр Бурханы үгийг судалж, хуваалцахын тулд YouVersion-ыг тогтмол ашигладаг.

“Бидний үгийг өөрийн апп-даа оруулсанд маш их баярлалаа, учир нь одоо үүнийг дэлхийн хэн ч харж болно. Бид өөрсдийн хэлээ тоохгүй, үнэ цэнгүйтүүлж байдаг ч энэхүү апплейкшн бидний хэл асар үнэ цэнтэй болохыг харуулдаг.”

Өнөөдөр, та өөрийн эх хэл дээрээ Үгийг уншиж буйдаа Бурханд талархах цаг гаргаарай. Каролина шиг бусдад Эзэний Үгийг хуваалцахаар дэлхий даяар ажиллаж байгаа мянга мянган Библи орчуулагч нарыг байлгаж байгаа Бурханд талархъя. Тэдний үнэнч байдал, хүсэл тэмүүллийн ачаар Бурханы Үг дэлхийн өнцөг булан бүрд тархсаар, үүнийг сонсож, ойлгодог хүмүүсийн мөн чанарыг өөрчилсөөр байна.