Өдөр бүрийн чимээгүй цагийг Greg Laurie-той хамтЗагвар

Өвдөлтөө Дэмий бүү үр Бидний амьдралд хэзээ нэгэн цагт өвдөлт ирэх учраас бусдыг өвдөж буй үед анхаарал тавих нь чухал. Магадгүй та ямар ч өвчингүй амьдралаар амьдрахыг хүсч байж болох юм. Үүнийг хэлэхийг хүсэхгүй байгаа ч үнэнийг хэлэхэд өвдөлтгүй амьдрал гэж хаана ч байхгүй. Хувьдаа би лав, өвдөлтөөс хол байхыг хичээдэг. Хэрэв миний толгой өвдвөл, хамгийн түрүүнд би Тайленол хайдаг, яагаад гэвэл би толгой өвдөлтөөс салахыг хүсч байгаа учраас. Би шүдний эмчийн өрөөнд өрөмний доор сууж байхад өрөм буруу шүд рүү өрөмдөж эхлэх үед би өвчинг зогсохыг хүсч байгаа учраас, эмчид өвдөж байгааг тэр даруй мэдэгддэг. Үүнтэй адил зүйлийг өвдөлт бидэнд ирэх үед бид хийдэг. Бид өвдөлтийг зогсоохыг хүсдэг. Гэвч бид үүнийг хянаж чадахгүй. Өвдөлт бидний амьдралд ирэх болно. Зовлон бидний амьдралд ирэх болно. Ихэнхэд маань эмгэнэлт зүйл ч тохиолдох болно. Цаг хугацааны туршид тохиолдох нь гарцаагүй. Эмээ, өвөө маань нас барах болно. Эцэг эх маань нас барах болно. Дотны хэн нэгэн маань гэнэт нас барж болох юм. Бидний хайрладаг хэн нэгэн маш хүндээр өвчилж болох юм. Бид маш хүнд өвчин тусах боломжтой. Эсвэл бидэнд ойлгогдошгүй тийм зүйл тохиолдож болох юм. Өвчин ирэх болно. Та яагаад тэр өвчин ирж байгааг бүрэн ойлгож мэдэхгүй. Та өвчин ирэхийг зогсоож чадахгүй боловч, тань руу чиглэн ирж байгаа тэр өвчинг яах вэ гэдэг шийдвэрийг та гаргаж чадна. Тэр өвчинг та үгүй болгож чадахгүй ч, үүнийг ашиглаж чадна. Дараах хүчинтэй зарчим гэвэл: Өвдөлтөө дэмий бүү үр. Хүүхдээ алдсан эцэг эхийг ийнхүү хэлэхийг би анх удаа сонссон. Бид хэсэг хугацаанд ярилцсан бөгөөд үүний дараа тэд надад, "Грэг, бид зовлонгоо дэмий үрмээргүй байна" гэж хэлсэн. Энэ миний толгойноос хэзээ ч гардаггүй юм. Би, Үнэхээр гайхалтай, гэж бодсон. Ямар гайхалтай өнцөгөөс харж байна вэ. Энэ бол зөв үзэл бодол юм, учир нь бид бүгдээрээ л зовох болно. Тиймээс зовлонгоо бүү дэмий үрээрэй. Дүгнэлт өгүүлбэр: Бурхан минь ээ, миний зовлонг бүү дэмий үрээч! Зохиогчийн эрх © 2012 Харвэст Үйлчлэлд. Бүх эрх хамгаалагдсан.Бичээсийг Ариун Библи, Нью Ливинг Орчуулгаас иш татсан болно,Зохиогчийн эрх 1996, 2004. Тиндэйл Хаус Хэвлэл, Инк., Вийтон, Илленой 60189-ийн зөвшөөрлөөр ашиглав. Бүх эрх хамгаалагдсан.