таны шилдэг хөрөнгө оруулалт!Загвар

“Өдөр бүр Бурханы зарчмыг мөрдөхүй” 

“Таны үг миний хөл дэх дэнлүү,

Миний зам дахь гэрэл.” Дуулал 119:105 

Түнэр харанхуй цаг үед Бурханы Үг гэрэл гийгүүлэх хүчийг Христитгэлт хүмүүст өгдөг. Бид үнэнд нээлттэй байж, үгийг амьдралдаа нэвт шингээсэн  цагт Бурханы Үг гэрэл гэгээний үүсвэр болдог. Матай ном дахь сургаалт зүйрлэлээр Есүс энэ тухай сургажээ: 

“Есүс тэдэнд олон зүйлийг сургаалт зүйрлэлээр хэлэхдээ, — Харагтун, тариачин үр суулгахаар гарчээ. Түүнийг үр цацахад зарим нь зам хавиар унаж, шувууд ирээд идчихжээ. Зарим нь хөрс багатай чулуурхаг газар унаж, хөрс нь гүн биш тул тэр даруй соёолжээ. Гэвч тэдгээр нь үндэсгүй учир нар гарахад хорчийн хатжээ. Зарим нь хогийн ургамал дунд унав. Хогийн ургамал ургаж, тэднийг боомилов. Харин зарим нь сайн хөрсөн дээр унаж, ургацаа өгөхөд зарим нь зуу, зарим нь жар, зарим нь гуч дахин их болов.” Матай 13:3-8

Эл зүйрлэл дэх үр Библийг хэлсэн бол, Бурханы Үгийг хүлээн авах бидний зүрх сэтгэлийн нөхцөл болон хандлагыг хөрсөөр төлөөлүүлжээ. Тариачны хүссэнчлэн тарьсан үр бүр ургаагүйг анзаарч байгаа биз дээ. Зөвхөн сайн хөрсөнд унасан үр л ургасан. Есүс зүйрлэлийг хэрхэн  тайлбарласныг Матай 13:18-23-с уншаарай. Амьдралдаа “сайн хөрс” боловсруулна гэдэг нь Бурханы Үгийг бодол санаандаа шингээж, зүрх сэтгэлийн сэдэл, хандлагаа үгийн дагуу залж чиглүүлэхийг хэлдэг. 

“Учир нь Бурханы үг амьд бөгөөд идэвхтэй, хоёр талдаа иртэй ямар ч илдээс хурц бөгөөд сэтгэл хийгээд сүнсийг, үе мөч хийгээд нугас чөмгийг салтал нэвтрэн ордог агаад зүрхний бодол хийгээд санааг ч шүүх чадвартай юм.” Еврей 4:12