Эхлэтэл 60Загвар

"Биднийг сорилтод бүү оруулаач, харин бузар муугаас гэтэлгээч"

Эзэн, Тан руу улам ойртоход саад болох бүхий л харилцаанаас намайг холдуулаарай. Би үнэн, нээлттэй байдал дотор алхах болно.

Эзэн би Ефес 6:12-18 дээрх Бурханы хуяг дуулгыг өмсөж байна. 1) Үнэний бүс, 2) Зөвт байдлын хуяг, 3) Амар тайвны сайн мэдээг хөлдөө өмссөн, 4) Сүнсний сэлэм, 5) Авралын дуулгыг өмсөн, Сүнс дотор цаг үргэлж аливаа залбирал ба гуйлтаараа залбир.

Эзэн Дуулал 91 дээрх хамгаалалтыг Таниасаа гуйж байна. Та бүх хавх, гай гамшгаас намайг хамгаалах болно гэдгийг би мэднэ. Би Таны жигүүр дор хоргодох болно. Миний эргэн тойронд ямар ч муу муухай тохиолдсон, энэ нь надад халдахгүй. Бүх замд намайг хамгаалахын тулд Та Өөрийн тэнгэрэлч нарт миний талаар тушаал өгнө.

Учир нь Та надад хайртай, би Таны нэрийг мэдсэн учраас, Та намайг аварна. Учир нь би Таныг дуудахад Та надад хариулна, намайг аварч, намайг хүндлэнэ. Та намайг урт удаан амьдралаар хангаж, Өөрийн авралыг надад үзүүлнэ.