1. Mose 10
10
Een Menschen Rejista
(1Chr 1,5-23)
1Dit sent de Nokomen von Noah, Sem, Ham, un Jafet. No de Äwaschwamunk hauden see Säns.
2Jafet siene Säns wieren Gomer, Magog, Madai, Jawan, Tubal, Meschech, un Tiras. #(2-31) Hes 27,13-22; 38,2; 39,1.6 3Gomer siene Säns wieren Aschkenas, Rifat, un Togarma. 4Jawan siene Säns wieren Elischa, Tarsis, Kittim, un Rodanim. 5Von dise haben sikj de Velkja aum Mäa vemieet. Dit sent Jafet siene Nokomen, een jieda Volkj met äa Launt, un äare Sproak.
6Ham siene Säns wieren Kusch, Mizrajim, Putt un Kanaan. 7Kusch siene Säns wieren Seba, Hawila, Sabta, Ragma un Sabtecha. Ragma siene Säns wieren Saba un Dedan. 8Kusch wia Nimrod sien Voda, dee daut ieeschte oppe Ieed von de majchtje Mana wia. 9Hee wia derch Gott siene Jnod een groosoatja Jäaja. Doawäajen woat jesajcht: “Soo aus Nimrod, een groosoatja Jäaja derch Gott siene Jnod.” #Micha 5,5 10De groote Städa von sien Rikj wieren Babel, Erech, un Akad, dee aule dree en daut Launt Schinar wieren. 11Von doa ut jinkj hee no Assur un bud doa Ninive, Rehobot Ir un Kelach, 12un dan noch Resen tweschen Ninive un de groote Staut, Kelach. 13Mizrajim wia de Voda to de Ludita, de Anamita, de Lehabita, de Naftuhita, 14de Patrosita, de Kasluhita un Kaftorita, von wäm de Filista aufstaumen. 15Kanaan wia Sidon un Hett äa Voda. Sidon wia sien ieeschta Sän. 16Von dise staumen de Jebusita, de Amorita, de Girgasita, 17de Hiwita, de Arkita, de Sinita, 18de Arwadita, de Zemarita un de Hamatita. Lota vespreeden dee waut von de Kanaanita aufstaumen sikj breet. 19De Kanaanita äare Jäajent rieekjt von Sidon no Gerar opptoo soo wiet aus Gaza, un en de Rechtunk von Sodom, Gomorra, Adma, un Zebojim, soo wiet aus Lescha. 20Dit sent Ham siene Nokomen, een jieda Volkj un Famielje met äa Launt un äare Sproak.
21Un Sem, Jafet sien elra Brooda, wia Eber siene Nokomen äa Staumvoda. #1Mo 11,10 22Sem siene Säns sent Elam, Assur, Arpachschad, Lud, un Aram. 23Aram siene Säns sent Uz, Hul, Geter, un Masch. #1Mo 22,21 24Arpachschad wia de Voda fa Schelach, un Schelach wia Eber sien Voda. 25Eber haud twee Säns. Dee eena heet Peleg, wiels en däm siene Tiet spoold sikj de Ieed, un däm sien Brooda heet Joktan. #1Mo 11,8-9; 5Mo 32,8 26Joktan wia de Voda fa Almodad, Schelef, Hazarmawet, Jerach, 27Hadoram, Usal, Dikla, 28Obal, Abimael, Saba, 29Ofir, Hawila, un Jobab. Dit wieren aula Joktan siene Säns. 30De Jäajent wua dee wonden rieekjt von Mescha bat Sefar enne Boaj em Oosten. 31Dit sent Sem siene Nokomen, een jieda Volkj met äa Launt un äare Sproak.
32Aul dit sent Noah siene Nokomen, Volkj bie Volkj, soo aus dee aufjestaumden. Von dise vespreeden de Velkja sikj oppe Ieed no de Äwaschwamunk.
Одоогоор Сонгогдсон:
1. Mose 10: PB
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Plautdietsch Bible © 2003 Kindred Productions and United Bible Societies Association, Inc.
