Gn 10
10
Eb yinatil cham Noé
(1 Cr 1.5-23)
1Tix ton yabixal eb is c'ajol cham Noé ti': Sem, Cam, c'al Jafet. Yet max lajwi ec' jun owal aej mukwajwom, catatu' max jay yuninal eb.
2Tixtak bi eb c'ajol Jafet ti': Gomer, Magog, Madai, Javán, Tubal, Mesec, c'al Tiras. 3Eb is c'ajol Gomer: a ton Askenaz, Rifat, c'al Togarma. 4Eb is c'ajol Javán: a ton Elisa, Tarsis, eb quiteo, c'al eb rodaneo. 5A ton eb ti' yinatil Jafet. A tu' max ayji ec' eb bay tilak a' mar, junjun makan yinatil eb yetok is makbej, c'al yetok is ti'.
6Eb is c'ajol Cam: a ton Cus, Mizraim, Fut c'al Canaán. 7Axa pax is c'ajol Cus: a ton Seba, Havila, Sabta, Raama c'al Sabteca. A pax eb c'ajol Raama xin: a ton Seba, c'al Dedán. 8A Cus, is mam Nimrod. A Nimrod ti' babel yajaw max yun xol conoblak, 9caw uktem no' yul sat Jehová; yuj tu xin, xan ay jun yalben anima chi yal axca ti': Lajan nak axca Nimrod, jun uktem no', jelan yul sat Jehová, ẍi. 10A yet babelal, yajaw yayji Nimrod yiban Babilonia, Erec, Acad, c'al Calne; yul is makbej Sinar ay juntzan conob tu'. 11Max lajwi tu' max toj bay Asiria; a tu' max watx'nej canebxa mimek conob: a ton conob Nínive, Rehobot-Ir, Cala, 12c'al Resén, jun aycan nan xol Nínive yetok Cala. A caneb conob ti' jun miman conob max yunej.
13Axa yin Mizraim max tit eb ludeo, eb anameo, eb lehabita, eb naftuhita, 14eb patruseo, eb casluhita, (a yin eb tu' max el eb filisteo) c'al eb caftorita.
15A Canaán is mam Sidón c'al Het. A Sidón tu' is babel c'ajol. 16A c'apax Canaán tu' is yichmam eb jebuseo, eb amorreo, eb gergeseo, 17eb heveo, eb araseo, eb sineo, 18eb arvadeo, eb zemareo, c'al eb amateo. Lajwi tu' masanil eb cananeo tu' max saklemcantok eb. 19A tx'otx' tx'otx' eb cananeo tu', chitac'al apni oc tx'otx' bay Sidón masantac'al bay yetc'ulaltok Gerar, masantac'al chi jay tx'otx' bay Gaza cax chi paxtok tx'otx' masantac'al yul is makbej conob Sodoma, Gomorra, Adma, c'al Zeboim, chi xew tu' chi meltzoj paxtok tx'otx' masantac'al bay conob Lasa. 20A tu' max ayjic'al eb yinatil Cam, junjun makan yinatil eb yetok is makbej, c'al yetok is ti'.
21A pax Sem xin, is babel yuẍtak Jafet, ay c'apax is yuninal. (A co masanil on ayon ti' yinatil on Heber, max on tit yin yinatil Sem). 22Eb is c'ajol Sem tu', a ton Elam, Asur, Arfaxad, Lud, c'al Aram. 23Axa eb is c'ajol Aram, a ton Uz, Hul, Geter, c'al Mas. 24A Arfaxad is mam Sala, axa Sala is mam Heber. 25Axa Heber tu' ay cawan is c'ajol, jun chi yik Peleg,*fn* (a yul is tiempoal nak ti' max pojaxtok eb anima sat tx'otx'); axa junxa yuẍtak tu' chi yik Joctán. 26A Joctán tu' is mam Almodad, Selef, Hasar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila, c'al Jobab. Masanil eb ti' is c'ajol Joctán tu' eb. 30Max cajay eb bay tx'otx' tx'otx' chi tit bay Mesa, masantac'al chi apni bay Sefar, bay witzlak yeq'ui, bay yetc'ulal chi ajol c'u. 31A tu' max ayjic'al eb yinatil Sem, junjun makan yinatil eb yetok is makbej, c'al yetok is ti'.
32Masanil juntzan anima ti', yinatilc'al eb is c'ajol cham Noé, junjun makan yinatil eb yetok is makbej. Yet max lajwican ec' jun owal aej mukwajwom tu', max saklemcantok eb, cax max oc eb yin nacionlakil.
Одоогоор Сонгогдсон:
Gn 10: ATBYK89
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Kanjobal (Q’anjob’al) © Sociedad Bíblica de Guatemala 1989
