ЕСТЕР 9:5-12

Тийнхүү иудейчүүд бүх дайснуудаа илдний ирээр хүйс тэмтрэн устгав. Тэд өөрсдийнхөө өшөөтнүүдийн эсрэг дураараа үйлдэв. Нийслэл Сусад иудейчүүд таван зуун хүнийг алж устгав. Мөн Паршандата, Далфон, Аспата, Пората, Адалиа, Аридата, Пармашта, Арисаи, Аридаи, болон Ваизата нарыг буюу иудейчүүдийн дайсан Хаммедагийн хүү Хаманы арван хөвгүүнийг алсан боловч тэд олзонд гар эс хүрэв. Тэр өдөр нийслэл Сусад алагдагсдын тоог хаанд мэдээлэв. Тэгээд хаан хатан Естерт —Иудейчүүд нийслэл Сусад таван зуун хүнийг болон Хаманы арван хөвгүүнийг алсан байна. Тэгвэл тэд хааны бусад мужуудад юуг үйлдээд байгаа бол? Одоо чи юуг гуйх вэ? Энэ нь ч бас чамд өгөгдөнө. Чи өөр юуг хүсэх вэ? Түүнийг чинь гүйцэлдүүлэх болно гэв.