Yohana Kitabu sɛvɛko kun
Kitabu sɛvɛko kun
Isa kɔbiladen dɔ le ka kitabu min sɛvɛ, min tɔɔ yi ko Yohana. Komi ale ni Isa diyanin tɛɛ i ɲɔɔ yɛ kosɛvɛ, wo lɔ, a na a jɛlɛ tɔɔmasela ko Isa diyanan kɔbiladen. Yohana ka waate jaan kɛ Isa fɛ. Wo lɔ, a na ko minu yena ani a na kuma minu mɛnna Isa da, a na wolu le sɛvɛla.
Kitabu min damina kumalu yi mɔ lalɔnnila ko Isa yi Ala ya habadan kuma le le, min na kɛla adamaden ne, k'i sii mɔ tɛma (1.14). Yohana ka kitabu min sɛvɛ fɔsa a kalanbalu yi limaniya k'a fɔ ko Isa yi Masa Tɔɔmasenin ne le, ani Ala Denkɛ. Ni ai do ka limaniya Isa ma, ai kɛtɔ niimaya sɔlɔnna ale le fɛ (20.31).
Isa ka baale minu kɛ Galile koovi lɔ, Yohana ya kitabu yi wolu le ɲafɔla mɔ yɛ. A do yi Isa ya kawanankolu ɲafɔla ka wolu tuuntuun i ɲɔɔ na, ani aa kawanililu.
Matiyu k'a jiya ko Isa yi Lakisilikɛba le le, Malɛkɛ k'a jiya ko Isa yi Ala ya bɔiden ne le, ado Luka ka Isa ya mɔɔnivinya jiya. Kɛɛ do, Yohana ya kitabu y'a jiyala mɔ la ko Isa yi Ala Denkɛ le le. Isa na ko siyama fɔla ka bɛn a jɛlɛ ma, kela dɔlu tɛnala sena wo suu fɔla. Isa bolo ko ale le dunuɲa kɛnɛya le, ani niimaya bulu, ani ji min yi minkɛlɔɔ banna, ani fulenilulawuliba, ani niimayadiba. A do tɛɛ kawananko siyama kɛla, mɔɔ mɔɔ tɛnala wo suu kɛla ni a ma bɔ Ala fɛ.
Kitabu min haya bɛ lɔ bubata le ne, ko: «Kamasɔlɔn Ala na dunuɲamɔɔlu kanula boloɲa min ne ma, a na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.» (Yohana 3.16)
Kitabu kɔnɔlɔkolu
Ala Kumakan (1.1-18)
Makolikɛba Yaya kɔbiladen kunfɔlɔlu (1.19-51)
Isa ka aa baale damina mɔɔlu ɲakɔlɔ teme (2–12)
Ai ka Isa mina ani ka faa teme Jelusalɛmu (13–19)
Isa k'i wuli teme ka bɔ saya lɔ, k'a jɛlɛ jiya a kɔbiladennu la (20–21)
Одоогоор Сонгогдсон:
Yohana Kitabu sɛvɛko kun: MBT2023
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Manya Bible Translation, © SIM International, 2023