Siin Giala 10
10
Kanaa minbuiinin boo
1Bɔ̀n da ǹ mu gole lɛ a kiɛ̃ kio, Nowee a nɛgiĩn lɛn, Sɛmu ni, Kaamu ni ka Zafɛti ni, ǹ nə́ nɛnyaanan yɛ. Ǹ tɔrɔ basa á ke:
2Zafɛti a nɛnyaanan man kɛn nɛ: Gomɛɛrɛ nɛ, Magɔgə ne, Madayi ni, Yavan nɛ, Tubaali ni, Mesɛki laanka Terasi ni. 3Gomɛɛrɛ a nɛnyaanan man ka Askenazi ni, ka Rifati laanka Togarma nɛ. 4Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni. 5Ǹ dinin lɛn tɔrɔn man kɛn nɛ ǹ nə́ n nana kɔn, ǹ nə́ giã kɔ̀ mu lɛ-a ǹ nɛ. Ǹ nə́ tɔrɔn baa, didie n giã nɛ a din a gána nɛ, a din a kiwi, a din a bɔlɔ pii.
6Kaamu a nɛnyaanan man ka Kuusu ni, ka Misirayimu ni, ka Puutu laanka Kanaan nɛ. 7Kuusu a nɛnyaanan man ka Sebaa nɛ, ka Avilaa nɛ, Sabata nɛ, ka Ragma laanka Sabatekaa nɛ. Ragma a nɛnyaanan man ka Sabaa laanka Dedan nɛ. 8Kuusu na á Nemurɔdi yɛ. Bɛ lɛ na á pàãdɛnaa bibinaa baa tán la. 9A din dɔ na á don-baali babaraa baa Dɛnaa yɔrɔ-a. Bɛ lɛ nɛ, ǹ tá a suusu diɛ kɛnɛn: «N nə n baa don-baali babaraa lɛa ka Nemurɔdi bɛ́ lɔn Dɛnaa yɔrɔ-a.» 10A goã kii lɛa, kiwin mɛnɛn nɛ bibinaa nɛ, bɛn man ka Baabeli ni, Erɛki ni, ka Akaadi ni, *Baabilonii gána nɛ. 11Bɛ kio á soo á n bɔ walan, á woo Asiirii gána nɛ. A kiwin mɛnɛn koa walan, bɛn man ka Ninivu ni, Rehobɔtiiri ni, kiwi gole Kelaa nɛ, 12ka Rɛsɛnɛ nɛ, asɛ n Ninivu laanka Kelaa bii ni.
13Misirayimu a nɔ̀ɔnɔn man ka Ludu minin ni, Anaamu minin ni, Lehabu wɔn nɛ, Naftoa wɔn nɛ, 14Patrɔsi minin ni, ka Kasloa minin ni, ka Kafutɔɔrɔ minin ni, Filisiti minin nə bɔ ǹ mɛnɛn nɛ.
15Kanaan na á Sidɔn yɛ a nɛ bibinaa lɛa, bɛ kio Ɛti. 16Zebuzu minin ni, Amɔɔrɔ minin ni, Girgazi wɔn nɛ, 17Ivii kiwi wɔn nɛ, Arkii wɔn nɛ, Sini wɔn nɛ, 18Arvadii wɔn nɛ, Semarii wɔn nɛ ka Amaati minin ni, ǹ tumaa digolo n ka Kanaan lɛ nɛ. Bɛ kio, Kanaan minin sɔmɔn lɛn nə́ sasawaa. 19Kanaan gána nə́ n lɛ bɔ li ka bɛ nɛ, á saa Sidɔn kiwi ganaa dia-n woe Geraara la yǎa Gaazaa. Á saa Sodɔmu dɔ ganaa, ka Gomɔɔrɔ nɛ, Admaa laanka Seboyimu ni, yǎa Lesaa. 20Kaamu a nɛnyaanan lɛn man ka bɛn nɛ, ǹ nə́ n nana kɔn ǹ tɔrɔ lɛ yii li, a kɔnpɛ ka ǹ pɛ ǹ bɔlɔ nɛ, ǹ nə́ n sɔkɔn gánan lɛa, didie giã a kiwi.
21Zafɛti ǹ gologiĩ Sɛmu dɔ́ nɛnyaanan yɛ. Ebɛɛrɛ laanka a tɔrɔn tumaa na á bɔ a din lɛ nɛ. 22Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni. 23Aramu a nɛnyaanan man ka Usu ni, Hulu ni, Getɛɛrɛ nɛ ka Maasi ni. 24Arpaksaadi na á Selaa yɛ, Selaa dɔ na á Ebɛɛrɛ yɛ. 25Ebɛɛrɛ na á nɛgiĩ paa yɛ: A goledɛnaa tɔ mà Pelɛɛgi (bɛ giala mà "Nakɔn"), a giala mà kanaa minin man nə́ n nana kɔn a wɔa wasa nɛ. A boɛɛndɛnaa lɛ tɔ mà Yoktan. 26Yoktan na á Almodaadi yɛ, ka Selɛfu ni, ka Hasarmawɛti ni, ka Zeraa nɛ, 27ka Hadoramu ni, ka Huzali ni, Diikla nɛ, 28Obaali ni, Abimayeli ni, Sabaa nɛ, 29Ofiiri ni, Avilaa nɛ ka Yobabu ni. Bɛn lɛn tumaa n Yoktan a nɛnyaanan lɛa. 30Ǹ giã ǹ bǎã n siɛ tán Mesaa, dia-n woe Sefari la, yǎa lɛ̀giala kele kɛ li. 31Sɛmu tɔrɔn man ka bɛn lɛn nɛ, ǹ nə́ n nana kɔn ǹ tɔrɔ lɛ yii li, a kɔnpɛ ka ǹ pɛ ǹ bɔlɔ nɛ, ǹ nə́ n sɔkɔn gánan lɛa, didie giã a kiwi.
32Nowee a nɛnyaanan lɛn sɔmɔ lɛ minin man ka bɛn nɛ, ǹ nə́ n tɔ kɔn lɛ kion lɛ li, ǹ nə́ tɔrɔn baa. Tɔrɔn man nə́ bɔ ǹ dinin lɛn nɛ, ǹ nə́ n sasawaa tán la bǎã tumaa nɛ, bɔ̀n da ǹ mu gole lɛ a kiɛ̃ kio.
Одоогоор Сонгогдсон:
Siin Giala 10: SCE2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
San Catholic Edition Bible © Bible Society of Burkina Faso, 2013.
