E’doza 9
9
Aziza Munguni azile Noa beri
1 #
E’do 1:28
Mungu nga asi ndriza fe Noa pi dri anzipi be, nga ’yo yi tia, Emi ma oti anzi tu, emi ma ezu kakau, emi ma ga nyakua tre dika. 2#Hos 2:18; Yak 3:7Anyapa dria nyakua ’diyi piyi, aria dria ’bua ’diyi pie, afa dria nyakuni gazu ani tre tre ’diyi pie, e’bi dria miria ’diyi pie dria nga ovu urisi emisi, nga emi ru indi; ma fe yi dria emi dri ’bo. 3#Azi 12:15; 14:3Afa dria idri be acipi nyaku ma dria ’diyi nga ovu emi dri zaru; ma fe afa dria emi dri ’bo, mani afa idiza ibiru felerile. 4#1 Sam 14:34; ’Yeta 15:20, 29; E’do 7:26-27; Lev 19:26; 17:10-14; Azi 12:16, 23; 15:23Te emi ma nya za idrini be ku, efini kini arini be, ’dini ku. 5#Efu 21:28, 29; Kal 35:31; ’Yeta 17:26Ada ma nga ari emini, ari idri emini ma arioti a’i ra ma nga eri a’i geri anyapa dria vurisi; te ma nga ’ba ma lavuari ma arioti a’i ’ba dri geri ’ba vurisi, ada agu nderi ma adripi vurisi. 6#Efu 21:12, 14; Lev 24:17; Mat 26:52; Eceza 13:10; 1 Kor 11:7; E’do 1:26; Efu 20:13’Ba dria ari ’bani adapiri, ’ba yi nga eri ma ari ada’i; Munguni ’ba ’bale i ma wurasirisi. 7#E’do 1:28Te emi’i, emi ma oti anzi tu, emi ezu kakau, emi ma oti kakau nyakua, emi ere emi tre alenia. 8Mungu nga e’yo ’yo Noa pi ma tia anzipi be kini, 9Mi ndre, ma’i ma aziza mani fe pa sozu emi be okporu ’dani, ori emini emi ma vutia’diyi be indi; 10#E’do 8:1ma aziza nde azi afa idriru ovupi emi be ’diyi be dria, aria piyi, anyapa akua ’diyi pie, anyapa asea ovupi emi be ’diyi pie dria, anyapa dria efupi maburuasi ’diyi be kpere anyapa nyakua ’diyi dria. 11#2 Pet 3:5Ma nga aziza mani fe pa sozu emi be okporu ’dani; ma ngani afa dria rua be ’diyi ofu yi tizasi dika ku, yi tiza ngani ovu nyaku dri jazu dika ku. 12#Mat 26:26-28Aziza mani azile ama eselia emi be, afa idriru ovupi emi be Munguni ’bale ’diyi pie driari ma eceta, kpere a’bianzi vu ’dani ’daniri, eri’do: 13ma gari mani ’ba iritia, eri nga ovu ecetaru aziza ama eselia nyaku beri ecezu. 14Te eri nga eca ’dini, ma ka nga iriti eji nyaku a’buzu, garini nga i e’da iriti ma alia, 15#Efu 28:12; Lev 26:42, 45; Eze 16:60; Isa 54:9ma nga ani aziza mani, mani azile ama eselia emi be afa dria idriru Munguni o’bale rua be ndu ndu ’diyi pieri ma e’yo ega ra; yi nde kazu ngazu ofuzu yi tizaru afa rua be ’diyi ma dri jazu dria dika ku beni. 16#E’do 17:13, 19; 2 Sam 23:5Garini nga ovu iriti ma alia, te ma nga eri lu ra, ma ma ega aziza ’dani ’dani ovupi Mungu pi ma eselia afa dria idriru Munguni o’bale rua be ndu ndu nyakua ’diyi beri ani. 17Mungu nga di ’yo Noa ma tia, Aziza mani fele pa sozu okporu ama eselia afa dria rua be nyakua ’diyi beri ma eceta ’di’i.
Noani atizu afa mvuzasiri
18 #
E’do 10:6
Anzi Noani efupi maburua ’diyi yi ’di: Semi pi, Hamu pi, Yafeti pie. Hamuni Kanani ma ati’i. 19#E’do 10:32; 1 Sur 1:4Anzi ’diyi na yi anzi Noani; ’ba nde ’diyi ma ori ere yi angu wudrikurua driani.
20 #
E’do 3:19; 4:2; Ekl 5:9 Noa nga di e’do ovuzu ’ba amvu ’yapiriru, nga zabibu pati isi amvua; 21#E’do 19:32, 36; O’be 20:1; Efe 5:18eri nga patiefi ma su mvu, nga di ati ani ati ati, nga la pililiru hema erini ma alia. 22Te Hamu Kanani ati nga i ati ma rua pililiruri ndre ra, nga e’yoni olu i adripi iri amve ’diyi ma tia. 23#Efu 20:12; Gal 6:1Semi pi Yafeti be nga bongo ’du, nga eri ’ba yi ma gbudria, nga fi muzu ngukungukuru, nga yi ati ma rua pililiruri a’bu ci; yi ri angu lu kala azinia, yi ndreni yi ati ma rua pililiruri ku. 24Te Noa nga oru atiza patiefi ma susiri ma vutia, nga e’yo i ma mvi wererini ’yele i vuri ni ra.
25 #
Azi 27:16; Mat 25:41; Yos 9:23; 1 Opi 9:20 Eri nga ’yo, Kanani ma ovu trizaru;
eri nga ovu i adripi dri ati’boru ndi ndi.
26 #
Zab 144:15; Ebra 11:16 ’Yo vini kini,
Yehova Mungu Seminiri ma ru ma ovu inzizaru;
Kanani ma ovu ati’bo eriniru.
27 #
Efe 2:13, 14; 3:6 Mungu ma fe Yafeti ma pari ma eca walaru aga ra,
eri ma adri hema Semini ma alia;
te Kanani ma ovu ati’bo eriniru.
28Noa nga adri yi tiza ma vutia eli turu na drini kali towi. 29#E’do 3:19; Yob 30:23; 34:15; Zab 89:48; Rum 5:12; 1 Kor 15:21; Ebra 9:27O’du Noani dria ca eli turu oromi drini kali towi; dra di ra.
Одоогоор Сонгогдсон:
E’doza 9: LB66
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Bible in Lugbara © United Bible Societies, 1966.
