E’doza 6
6
E’yo onzi ’bani
1 #
Yob 1:6; 2:1 Te eri nga di eca ’dini, bani ’baria ezuria kakau nyaku driaria, oti ezoanzi indi, 2#2 Kor 6:18; Azi 7:3, 4’dini anzi Munguni ndre kini ezoanzi ovu ndrizaru; yi nga yi ma azi o’du okuru dria yini opelerile. 3#Luk 19:42; Gal 5:16, 17; 1 Pet 3:20; Zab 78:39Yehova nga di ’yo kini, Orindi mani ngani agata ga ’ba be ’dani ku, erini ovule rua ari berinirisi, te eri ma eli nga ovu turu alu drini kali iri. 4#Kal 13:33’Ba Nefilini#6:4 ’Ba Nefilini ma efi ’Ba izutili wanzi wanziru ’diyi (Mi ndre Kal 13:33). ’diyi ovu nyakua eli nde ’dayisi, azini vilerisi, anzi Munguni ka fi ezoanzi ’bani vu, yi nga anzi oti yi dri. ’Ba nde yi ndra ’ba okporu ovupi drio, ’ba ru kuza be ’diyi.
5 #
Rum 1:28-31; E’do 8:21; Azi 29:19; O’be 6:18; Mat 15:19; Mat 24:37; Luk 17:26; 1 Pet 3:20 Yehova ndre e’yo onzi ’bani ovu amboru tu nyakua, azini egata dria yini egale asisile yi ma asiari ma alia ’diyi ovu kiri onzi etuzu. 6#Kal 23:19; 1 Sam 15:11, 29; Isa 63:10; Efe 4:30Yehova ovu ani candisi erini ndra ’ba ’bale nyakuarisi, e’yo nde ovu eri ma asia candiru tu. 7Yehova nga di ’yo ra, Ma nga ’ba mani ’bale ra ’diyi ma dri ja nyaku ma driarisi ra, ’ba piyi anyapa pie, afa acipi nyakua valesi ’diyi pie, aria ’bua ’diyi pie dria, e’yo mani yi ’bazu rarini ovule candiru ma asiarisi. 8#E’do 19:19; Efu 33:12; Luk 1:30; ’Yeta 7:46Te Noa nga asi ndriza isu Yehova ma milia.
Noani maburu edezuri
9 #
2 Pet 2:5
A’bianzi Noani yi ’di. Noa eri ’ba kililiru, eri ezata kokoru a’bianzi erini ma eselia; Noa aci Mungu be. 10Noa oti anzi na, Semi pi, Hamu pie, Yafeti be.
11Nyaku eza i onzikanyaru Mungu ma milia, nyaku nde ga tre egaqasi. 12#Zab 14:2; 33:13Te Mungu nga nyaku ndre ra, te mi ndre, eri eza i onzikanyaru ’bo; a’disiku ’ba dria rua ari be ’diyi eza yi ma geri onzi nyakua ra. 13#Eze 7:2; Amo 8:2; 1 Pet 4:8Mungu nga ’yo Noa ma tia, ’Ba rua ari be ’diyi ma asiza eca ma milia ’bo; nyakuni gale tre egaqasi e’yo yinisirisi; te mi ndre, ma nga yi dri ja nyaku be tualu. 14Mi ede mi dri maburu goferi patisi; mi ma ede jo aliza maburu nde ma alia, mi ma obi eri alialeru azini amveleru oderi afa bizurisi. 15Mi ma ede eri ’dini: maburu nde ma oco ma ovu wuale turu na, walani wuale kali towi, izuni wuale kali na. 16Mi ma lu geri dizani fizu maburu ma aliari, mi ma de kalani uruleruri cazu wuale alu; mi ma lu maburu ma tile ejenialeru; mi ma ede maburu jo be adrozaru na, valeruri pi, jo adrozaru iriri pie, nari pie dria. 17#2 Pet 2:5; Rum 5:12, 14Te ma’i, mi ndre, ma nyaku ma dria yi tiza eji ra, ’ba dria rua ari be, ava idrini be yi ma alia ’diyi ma dri jazu ’bu ma etiarisi; afa dria nyaku ma dria ’diyi nga odra ra. 18Te ma’i, mi ndre, ma nyaku ma dria yi tiza eji ra, ’ba dria rua ari be, ava idrini be yi ma alia ’diyi ma dri jazu ’bu ma etiarisi; afa dria nyaku ma dria ’diyi nga odra ra. 19Mi ma ofi maburu ma alia afa rua be idriru ’diyi dria ma azi iri iri, esele be dria dria, yi ta mbazu idriru mi be; ma ovu ago pi aroni be. 20Aria piyi esele yini be, anyapa piyi esele yini be, afa dria acipi aci valesi nyakua ’diyi pie esele yini be, afa ’diyi ma esele dria ma emu mi vu iri iri, yi ta mbazu idriru. 21#E’do 1:29, 30Mi ma ’du mini afa nyale nya ’diyi ma esele dria, mi oku yi mi vu; yi nga ovu afa nyazaru emi dri yi be. 22#Ebra 11:7; E’do 7:5Noa nga di ’ye ’dini; ekile e’yo dria Munguni azile eri ma tiarile, eri ’ye tro tro.
Одоогоор Сонгогдсон:
E’doza 6: LB66
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Bible in Lugbara © United Bible Societies, 1966.
