Ovun Apostol 4
4
1Im pol sugkū irora dūmūntorenūwi punora netevokontū, ōveteme sokowar, ĭm nivūwo ra Tempel mōvun Sadūsi dūmūvelum iranda, 2mūmūrigi sat popōwo irora dūmūtavsokonda netevokontū mūmūtorenūwi sah nevsorosah memokū ugi Iesū. 3Mirora dūmūlekavi irora mūmūsumpatamtokonda ūnisog nimo nugkugko mafeli dan sī: mori poarap-arap. 4Kō sikat ra irora mori dūmūrigi nam mūmūtavnirigi; dūmūsepi irora sugkū nagkū fiv taūsan.
5Im ratmran ōvun natemonok mōveteme talam, mōvun somul ra Yerūsalem; 6ĭm Anas potni sokowar im Kaifas, ĭm Yōane ĭm Aleksander ĭm ravinsĭeme isen potni sokowar dūmūsemsimokonda. 7Mūmūtipe irora ileboteven mūmūrūn tagkel ora mūmokū kūmnumpi imo ugi horog ĭm ra nin eneme? 8Im Piter yemovūwara ugi Naviat Tumpora, yemenūwi punora memokū, Ovatemonok ra netevokontū, mōveteme talam ra Isrēel, 9nagkū kumnūrian iramam ugi imo mori aremī oviēyōwara iyi neteme ūmrokori, ugi mē; 10kĭmi sū ūkili, movnetevokontū sū ra Isrēel sugkū, ma ra nin eni Iesu Kristo, neteme Nasaret, mori kūmūtalugi ra nē ūmpa-rom ĭm Nōbū yemtorisah marugi nemas, ugi iyi mori imo neteme umantūrū ĭgkō horigives wokon ūnĭmetimi. 11Iyi nevat mori kĭmumpi nimo mimrug ugi, otipe sū ra numpūtan nimo, Im tawi nēyōwara ugi sī momu: 12tawi sī mōmū nin ra nūrūsū umampunora ōveteme imo siteven wokon worumkosēyōwara ugi.
13Im pol sugkū irora dūmokesi natikesah isenda Piter ĭm Yōane mūmūkili dūtūtavsokonda ma irora ōveteme wokon, irora dūmavlugi; mirora dūmūlavenūri mūmūkili ma dūmūte dal Iesu. 14Mirora dūmokesi neteme mori yemumpi horigives wokon yemetūrū dal irora, mirora dūmūtūkili sie irora wanūwi ugi: 15Irora dūmūnūwi punora mūmokū irora wampelah marugi nahor mirora dūmūsepen nenūwi punora, 16Mūmokū, sie kos kelenumpi iranda ōveteme mori! ĭt umpi sī numpūrak horog ugi irora mōveteme omwisū ra Yerūsalem ūmag-kili ugi; ĭm kos tawi faneteme worenūaveni. 17Kō ma sugkū otū onukompeli ra ōv netevokontū mōmū aremī kos kelenimpaleki wokonda ma ūtūwanūwi pugi sī kū sī ra imo nin. 18Mirora dūōmūvrokonda mūmūwalivat ūnōwanda mūmokū ūtū anūwi sī nam, mūtū ōmuntavsogi ra nin isen Iesū. 19Kō Piter ĭm Yōane dūmūnūwi punora mūmokū, Nagkū mōmū aremī ūnĭpmi eni Nōbū woralekoleki nam soremi ra nam isen ūkili: 20ĭt kam tawi faneteme woreteteven, ka kwanūwi magkū ugi siame mori kam mokesi mūrĭgi. 21Dūmōmumpaleki mōmū momūsūl ora, mūtōkesi sī se sī woretampenĭgi iranda popōwo ugi netevokontū; omwisū dūmarūfoves numpelen Nōbū popōwo ugi mori dūumpi. 22It nevi sū forti iran neteme mori dūmumpi numpūrak horog iran yemsesi horigives.
23Im pol sugkū dūmūsūl ora irora dūmūve punora ravensieme mūmūnūwi punora mūmokū ugi siame sū ōvun potni sokowar mōveteme talam dūmūnūwi punora. 24Im pol sugkū irora dūmūrigi dūmūfwaki ugi tarū siteven iran Nōbū mūmūnūwi mūmokū, Ah, Narisah, kĭk Nōbū mori yemumpi pōkop mūnemap, ĭm tok, ĭm siame sū ra mumpon irora: 25Kĭmenūwi ra naveran isen Dēvid levsaū sorūm memokū,
Lō sū nilevokevat dumarakĭ, mov netevokontū dūmūsepen tarū tarū nendūavū irasie?
26Ov netevokontū ra nemap mōvun nivūo dūmoltantūok mūsemsimokonda pugi Iehōva ĭm Krĭstō isen:
27ĭtnesog dūmūsemsimokonda pugi Iesū Netum Tumpora, mori kemavūi, Herod, ĭm Pontius Pīlat ĭm lō sū nĭlevokevat mōvun net nimi Isrēel, 28Dumumpi siame sū sugkū nokopmū ĭm tarū sorum yepmenūwi memokū wonumpi. 29Im marima, Novsuromon, okesi ov nimpaleki isenda: movunora ōvun levsaū sorum natikesah tamas ĭndowi worotorenūwi sah nam sorum, 30ugi nokopmū kĭevan menumpi horigives, menumpi ōvun horog mov navlugi ugi nin isen Iesū Netum Tumpora.
31Dūmūafwaki sū, yemugkeri nūrū yūi mori irora dūmūsemsimokonda; dūmūvūara ugi Naviat Tumpora mirora dūmūnūwi nam isen Nōbū mūtūmemetet.
32Im semsimak ra irora mori dūmūtavniri dūmūte gi tarū ĭm naviat siteven: ĭm tawi sī yemenūwi mokū isen iyi sī se sī ra netevote sū isen; irora dūmokū siamesū isenda enirora sū. 33Ovun apostol ugi horog wokon dūmumpūvsok ugi nevsorasah isen Iesū Novsūromon; 34ĭm nelintugi tamas iranda omwisū. Popōwo tawi sī ra irora yemesenigi wokon: ĭt ōveteme mori dūmūtipe ōvun nūrū movnimō isenda dūmandūnevasi mūmandūn nevi nipmi ugi imosū, 35mūmūtipe ūnokorenda ōvun apostol: miroradūmūtevūrah wokonda sugkū ra norūmkora isenda.
36Im Yosef ōvun apostol dūomatov nin mūmokū Barnabas (fan nam neteme numpeleves) neteme Livī, iyi yemumprokomol ra Siprus, 37iyi yemetipe sī nūrū isen, miyi yivasi mempi nipmi muni memetipe ūnokorenda ōvun apostol.
Одоогоор Сонгогдсон:
Ovun Apostol 4: ERGNT79
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Erromangan New Testament © British and Foreign Bible Society, 1909,1979.
