Йуһʼәнна 1
1
Пешготьна Йуһʼәнна: Дәстпебунеда Хәбәр һәбу
1Дәстпебунеда Хәбәр һәбу. Хәбәр тʼәви Хԝәде бу у Хәбәр Хԝәха Хԝәде бу. 2Әԝ дәстпебунеда тʼәви Хԝәде бу. 3Һәр тьшт бь Ԝи әʼфьрин у бейи Ԝи тʼӧ тьшт нәԛәԝьми, чь кӧ ԛәԝьми. 4Канийа жийине Әԝ бу у жийин жи рʼонайа мәрьва бу. 5Рʼонайи тәʼристанийеда шәԝԛ дьдә у тәʼристанийе Пе нькарьбуйә.
6Мәрьвәки жь алийе Хԝәдеда шанди һәбу, кӧ наве ԝи Йуһʼәнна бу. 7Әԝ бона шәʼдәтийе һат, ԝәки бона Рʼонайе шәʼдәтийе бьдә, кӧ һʼәму пе ԝи баԝәр бькьн. 8Әԝ хԝәха нә әԝ Рʼонайи бу, ле әԝ һат кӧ шәʼдәтийа Рʼонайе бьдә. 9Рʼонайа рʼаст Әԝ ә, кʼижан кӧ те дьнйайе у һʼәму мәрьва рʼонайи дькә. 10Әԝ дьнйайеда бу у дьнйа пе Ԝи әʼфьри, ле дьнйайе Әԝ нас нәкьр. 11Әԝ һатә сәр ԝаре Хԝә, ле щьмәʼта Ԝи Әԝ ԛәбул нәкьр. 12Ле әԝед кӧ Әԝ ԛәбул кьрьн у баԝәрийа хԝә наве Ԝи анин, Әԝи да, кӧ һәԛийа ԝан һәбә бьбьнә зарʼед Хԝәде. 13Әвана нә жь хуне, нә жь хԝәстьна бәдәне у нә жи жь хԝәстьна мәрьвайе бунә, ле әԝ жь Хԝәде бунә.
14У Хәбәр бу хун у гошт, бь кʼәрәм у рʼастийева тʼьжи нав мәда коне Хԝә дани. Мә рʼумәта Ԝи дит, әԝ рʼумәта Кӧрʼе Бавейи тайе тʼәне. 15Йуһʼәнна бона Ԝи шәʼдәти да у бь дәнгәки бьльнд гот: «Әва йә, бона Кʼижани мьн готьбу: ‹Әԝе кӧ пәй мьн те Әԝ сәр мьнрʼа йә, чьмки Әԝ бәри мьн һәбу›». 16Мә һʼәмуйа жь тʼер-тʼьжийа Ԝи кʼәрәм сәр кʼәрәмеда станд#1:16 Аһа жи те фәʼмкьрьне: «Кʼәрәм жь бәр кʼәрәмева станд», аԝа готи кʼәрәма Пәймана Нуйә Иса Мәсиһ щийе кʼәрәма Пәймана Кәвьнә чʼийайе Синайе гьртийә. Һьнәк жи фәʼм дькьн, кӧ жь кʼәрәма Иса, кʼәрәм әʼмьре баԝәрмәндада һәйә у һе зедә дьбә. . 17Чьмки Ԛанун бь дәсте Муса һатә дайине, кʼәрәм у рʼасти бь дәсте Иса Мәсиһ. 18Тʼӧ кәси тʼӧ щар Хԝәде нәдитийә, ле Йе Тайе Тʼәнейи кӧ хут Хԝәде йә#1:18 Нав дәстньвисаред һәрә ԛәнщда аһа йә: «Йе Бешьрики-Беһәвал кӧ һʼәмеза Баведа йә». Нав һьнәк дәстньвисаред дьнда жи аһа йә: «Кӧрʼе Бешьрики-Беһәвал кӧ һʼәмеза Баведа йә». у һʼәмеза Баведа йә, Әԝи Әԝ да әʼйанкьрьне.
Шәʼдәтийа Йуһʼәннайе ньхӧмдар
(Мәтта 3:1-12; Марԛос 1:1-8; Луԛа 3:15-17)
19Әв бу Шәʼдәтийа Йуһʼәнна: Гава щьһуйа жь Оршәлиме кʼаһин у леԝи шандьн, ԝәки жь Йуһʼәнна бьпьрсьн, кӧ әԝ кʼи йә, Йуһʼәнна һьлда сәр хԝә, 20инкʼар нәкьр у ашкәрә гот: «Әз нә Мәсиһ мә». 21Ԝана же пьрси: «Ле тӧ кʼи йи? Елйас и?»#1:21 Малахи 4:5. Әԝи гот: «На». «Әԝ пʼехәмбәре#1:21 Гәләк щьһу ль һивийа пʼехәмбәрәки бун, йәки мина Муса йан жи йәки жь ԝи ԛәԝаттьр, кӧ ԝе бьһата ԝәхте һатьна Мәсиһ әʼлам бькьра (Ԛануна Дӧщари 18:15, 18; Йуһʼәнна 6:14; 7:40). создайи йи?» Щаб да: «На». 22Һьнге жерʼа готьн: «Дә бежә, тӧ кʼи йи, ԝәки әм щабәке ԝанрʼа бьбьн, йед кӧ әм шандьнә. Тӧ бона хԝә чь дьбежи?» 23Әԝи гот: «Әз әԝ дәнг ьм кӧ бәрʼийеда дькә гази: ‹Рʼийа Хӧдан рʼаст бькьн!›#1:23 Ишайа 40:3. чаԝа кӧ Ишайа пʼехәмбәр готийә». 24Әԝед кӧ һатьбунә шандьне жь ферьсийа бун. 25Ԝана же пьрси: «Ле иди чьма дьньхӧмини, һәгәр тӧ нә Мәсиһ и, нә Елйас у нә жи пʼехәмбәр?» 26Йуһʼәнна ль ԝан вәгәрʼанд у гот: «Әз бь аве дьньхӧминьм, ле Йәк нав ԝәда һәйә, кӧ һун Ԝи нас накьн. 27Әԝ ә, Йе кӧ пәй мьн те, кӧ әз нә һежа мә, ԝәки бәне чарьхед Ԝи жи вәкьм». 28Әв һʼәму ль ԝи бәри Урдӧне, ль Бәйтанйайе, ԝи щийе кӧ Йуһʼәнна ль ԝьр дьньхӧманд ԛәԝьмин.
Бәрхе Хԝәде
29Рʼожа дьне Йуһʼәнна дит кӧ Иса бәрбь ԝи те, әԝи гот: «Ва йә! Бәрхе Хԝәде, Йе кӧ гӧнед дьнйайе һьлдьдә! 30Әв ә бона Кʼижани мьн готьбу: ‹Пәй мьнрʼа Йәке бе, кӧ сәр мьнрʼа йә, чьмки Әԝ бәри мьн һәбу›. 31Мьн ньзаньбу Әԝ кʼи йә, ле әз һатьмә бь аве дьньхӧминьм, ԝәки Ԝи Исраелева бьдьмә әʼйанкьрьне».
32Йуһʼәнна әва шәʼдәтийа да у гот: «Мьн дит кӧ Рʼӧһʼ жь әʼзмен мина кәвоткәке һат сәр Ԝи дани у ма. 33Мьн ньзаньбу Әԝ кʼи йә, ле Әԝе кӧ әз шандьм, кӧ бь аве бьньхӧминьм, мьнрʼа гот: ‹Тӧ кʼижани бьбини кӧ рʼӧһʼ те сәр датинә у дьминә, Әԝ ә кӧ бь Рʼӧһʼе Пироз дьньхӧминә›. 34Мьн жи дит у шәʼдәти да кӧ Әв ә Кӧрʼе Хԝәде».
Шагьртед пешийе
35Рʼожа дьне Йуһʼәнна диса тʼәви дӧ шагьртед хԝә сәкьни бу. 36Дит кӧ Иса ԝьрарʼа дәрбаз дьбә, гот: «Ва йә Бәрхе Хԝәде!» 37Әв йәк кӧ бьһистьн, һәр дӧ шагьрт пәй Иса чун. 38Иса ль пьшт Хԝәва вәгәрʼийа у дит кӧ ԝана дайә пәй Ԝи тен, ԝанрʼа гот: «Һун чь дьхԝазьн?» Ԝана жерʼа гот: «Рʼабби», кӧ те фәʼмкьрьне: «Дәрсдар», «Тӧ ль кʼӧ дәре дьмини?» 39Әԝи ԝанрʼа гот: «Ԝәрьн һуне бьбиньн». Ԝана чу у дит кӧ Әԝ ль кʼӧ дьминә. Иди сьһʼәт незики чара бу у ԝе рʼоже әԝ ль щәм Ԝи ман.
40Жь ԝан һәр дӧйа, йед кӧ жь Йуһʼәнна бьһистьн у пәй Иса чун, йәк Әндраԝьсе бьре Шьмһʼун-Пәтрус бу. 41Әԝи перʼа-перʼа бьре хԝә Шьмһʼун дит у жерʼа гот: «Мә Мәсиһ дит», кӧ те фәʼмкьрьне: «Йе Кʼьфшкьри»#1:41 Бь йунани хәбәр бь хәбәр аһа йә: «ХРИСТОС». «ХРИСТОС» бь зьмане йунани те фәʼмкьрьне: «Йе Кʼьфшкьри», «Йе Бьжарти» у «Йе Рʼункьри». . 42Ԝи әԝ ани щәм Иса. Иса ль Шьмһʼун ньһерʼи у готе: «Тӧ, Шьмһʼуне кӧрʼе Йуһʼәнна, те Кифас бейи готьне» (аԝа готи «Пәтрус», кӧ те фәʼмкьрьне: «Ԛәйа»).
Иса гази Филипо у Натанйел дькә
43Рʼожа дьне Иса ԛьрар кьр кӧ һәрʼә Щәлиле. Ԝи Филипо дит у жерʼа гот: «Пәй мьн ԝәрә!» 44Филипо жь Бәйтсайдайе бу, жь бажаре Әндраԝьс у Пәтрус. 45Филипо чу Натанйел дит у жерʼа гот: «Мә Әԝ дит, бона кʼижани Муса Ԛанунеда у пʼехәмбәра жи ньвисаред хԝәда сальхе Ԝи дабун, Исайе Кӧрʼе Усьве жь Ньсрәте». 46Натанйел же пьрси: «Ԛәт дьбә кӧ тьштәки пʼак жь Ньсрәте дәркʼәвә?» Филипо жерʼа гот: «Ԝәрә у бьбинә!» 47Гава Иса дит кӧ Натанйел бәрбь Ԝи те, дәрһәԛа ԝида гот: «Ва йә исраелики һәԛи-һʼәлал кӧ дьле ԝида мьхәнәти тʼӧнә». 48Натанйел же пьрси: «Чаԝа мьн нас дьки?» Иса ле вәгәрʼанд у готе: «Һе Филипо гази тә нәкьрьбу, гава кӧ тӧ ль бьне дара һежире рʼуньшти буйи, Мьн тӧ дити». 49Натанйел жерʼа гот: «Дәрсдар, Тӧ Кӧрʼе Хԝәде йи! Тӧ Пʼадше Исраеле йи!» 50Иса ле вәгәрʼанд у готе: «Тӧ бона ве йәке баԝәр дьки, ԝәки Мьн тәрʼа гот: ‹Мьн тӧ ль бьне дара һежире дити?› Те тьштед жь ве мәстьр бьбини». 51У жерʼа гот: «Әз рʼаст бе хельф ԝәрʼа дьбежьм, һуне бьбиньн әʼзман вәбуйә у мьлйакʼәтед Хԝәде чаԝа жь сәр Кӧрʼе Мерьв һьлдькʼьшьн, пәйа дьбьн»#1:51 Дәстпебун 28:12. .
Одоогоор Сонгогдсон:
Йуһʼәнна 1: KmrNTC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© Институт перевода Библии, 2000, 2011