Israelfɔ Ɩlʋ 39
39
Mási Mɩ Ha, Aha Mimlahɛ Abʋmɔsɩ
Dawid kanfʋ-ɩlʋ ha ɩlʋ osunapʋ Yedutun.
1Nɛblɩ mbɛɛ, “Nɛ́kɩ mɩ natɩtɔ, mɛnɩ tsitsa kʋkʋ móotsu mɩ ɔnɔ.
Nɔ́wa mɩ ɔnɔ ɩkan, tsufɛ aha lalahɛtɔ mbʋ.”
2Ɩnɩá nemli omumu, mmobwii ɔnɔ,
nɛkpa ɔnɔ bun yilesʋ o a,
ɩwɩ mɛsankɩ mɩ.
3Mɩ klʋn lɛblɩ ogya wa mɩ ɩwɩtɔ pɩnpɩɩnpɩn.
Brɛá ndɛ mʋ́ ɩwɩ gywɩɩn kotoo a, iletsii ogya.
Mʋ́ sʋ nɛblɩ mbɛɛ,
4“Nana Bulu, suna mɩ mɩ nkpa ɔfʋnkpa,
pʋ́ nkɛá ɩlasi mɩ.
Suna mɩ alɩá mɩ lowu bɔ́wa ɔsa.
5Kɩ, fɔbwɛ mɩ nkpa ɩfɔtɔ ɩbɩta pɛ.
Mɩ nkɛ megyi tɔtɔ fʋ ansɩtɔ.
Lɛlɛ mʋ́ a, nyankpʋsa nkɛ
igyi fɛ ɔtsawʋlɛ ɔŋɛ fʋhɛ fʋ ansɩtɔ.” Ɩya.
6“Lɛlɛ mʋ́ a, nyankpʋsa na ɔdɛtsʋn fɛ yiyi!
Lɛlɛ a, ipian odewun kpalɩ.
Atɔ ɔna odekle yaɩ, omeyin mʋ́ ogyipʋ.”
7“Mɩ Wie, ntɔ ntsie ngyo?
Fʋsʋ mɩ ansɩ dɩn.
8Lɛ mɩ tsu mɩ lakpan fɛ́ɛ́tɔ.
Mási mɩ ha, aha mimlahɛ abʋmɔsɩ mɩ.
9Namli omumu, mma ɔnɔ bwii,
tsufɛ fʋlaha mʋ́ ɩlaba alɩ.
10Kokoli, mátra bɩtɩ mɩ ɩsʋ!
Tsufɛ fʋ atswɛ ladʋn mɩ.
11Nɩ fɛbɩtɩ nyankpʋsa ɩsʋ mʋ lakpan sʋ a,
fʋteyinta tɔá ɩhɩɛ bʋ labi ha mʋ fɛ tɛplɛ lawɩ tati.
Lɛlɛ mʋ a, nyankpʋsa nkpa igyi fɛ ɔtsawʋlɛ ɔŋɛ fʋhɛ.” Ɩya.
12“Oo Nana Bulu, nu mɩ mpaɩ, afʋnu mɩ isu.
Mákina nu.
Tsufɛ ɔfɔɔ ngyi, ndɛka tsʋn kɛkɛ fɛ mɩ anain.
13Kalaki ansɩ lɛ mɩsʋ, ansɩ ɩtra kalagyi mɩ
asa mɩ anwu fɛ́ɛ́.”
Одоогоор Сонгогдсон:
Israelfɔ Ɩlʋ 39: nko
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation