Destpêk 13
13
Avramê Pêxember û Lûtê Pêxember ji hev vediqetin
1Avram#13:1 Navê Îbrahîmê Pêxember yê berî Avram bû. Binêre: Destpêk 17:5 bi jina xwe û bi her tiştê xwe re ji Misrê derket ku here Negevê. Lût jî pê re bû. 2Avram gelek dewlemend bû. Keriyên wî, zêr û zîvên wî hebûn. 3Ji Negevê destpê kir, ji cihekî koçî cihekî din kir, heta ku hat Bêt-Êlê. Wî di navbera Bêt-Êl û Ayê de berê jî konê xwe danîbû 4û cara pêşî gorîgeh lê çêkiribû. Avram li wir bi navê Xudan gazî kir.
5Kon, pez û dewarên Lûtê ku bi Avram re koç dikir jî hebûn. 6Erd têra wan nedikir ku bi hev re bijîn, çimkî hebûna wan ewqas pir bû ku nikaribûn bi hev re bimînin. 7Di nav şivanên Avram û Lût de pevçûn çêbû. Di wê demê de Kenanî û Perîzzî jî li wir dijiyan.
8Avram ji Lût re got: “Bila di navbera min û te û di navbera şivanên min û şivanên te de pevçûn çênebe. Çimkî em bira ne. 9Ma tevahiya welêt ne li pêş te ye? Were em ji hev veqetin. Heke tu herî aliyê çepê, ezê herim aliyê rastê. Heke tu herî aliyê rastê, ezê herim aliyê çepê.”
10 #
Destpêk 2:10
Lût serê xwe bilind kir û dît ku tevahiya Deşta Şerîayê heta Soarê avî ye, wekî Bexçeyê Xudan û welatê Misrê ye. Beriya ku Xudan Sodom û Gomorayê wêran bike, deşt wiha bû. 11Lût ji bo xwe hemû Deşta Şerîayê hilbijart û bi aliyê rojhilat ve koç kir. Herdu bi vî awayî ji hev veqetiyan. 12Avram li welatê Kenanê bi cih bû. Lût li bajarên deştê rûnişt û bi aliyê Sodomê ve kon vedan. 13Sodomî xerab, li dijî Xudan gelek gunehkar bûn.
14Piştî ku Lût ji Avram veqetiya, Xudan jê re got: “Ji cihê ku tu lê yî niha serê xwe bilind bike û li bakur û başûr, li rojhilat û rojava binêre. 15#Karên Şandiyan 7:5Wê tevahiya welatê ku tu dibînî ezê her û her bidim te û ziriyeta te. 16Ezê ziriyeta te wekî toza erdê zêde bikim. Heke yek bikaribe toza erdê bijmêre, wê bikaribe ziriyeta te jî bijmêre. 17Rabe û li seranserê welêt bigere, çimkî ezê wî bidim te.”
18Avram konên xwe hilanîn û çû Hevronê, li darmaziyên Mamrê bi cih bû. Wî li wir gorîgehek ji Xudan re çêkir.
Одоогоор Сонгогдсон:
Destpêk 13: KURNT
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Kurdish New Testament and Psalms + © Bible Society in Turkey, 2005.
