Nikamowina 96
96
kisē-manitow kihci-okimāwiw
1sipwēhamāhk oski-nikamon kā‑tipēyihcikēt!
sipwēhamāhk kā‑tipēyihcikēt, kahkiyaw kiyawāw ōta askīhk!
2sipwēhamāhk kā‑tipēyihcikēt, mīna mamihcimihk!
miywācimowin wīhtamok tahto kīsikāw ē‑pimācihikoyahk.
3wīhtamāhkok okihcēyihtākosiwin ē‑itahtōskānēsicik ōta askīhk,
mīna wīhtamāhkok kahkiyaw ayisiyiniwak omamāhtāwi-tōtamowina.
4kihcēyihtākosiw kā‑tipēyihcikēt ēkwa kita-kī-mamihcimiht;
kita-kistēyimiht ispīhci kotaka manitowa.
5ayisk manitōhkāna piko kahkiyaw pītosiyiniwak māna kā‑mawimostawācik;
māka kihci-kīsikohk kā‑tipēyihcikēt kī‑osīhtāw.
6wāsakāskāk okihci-okimāwēyihtākosiwin mīna okistēyihtākosiwin;
osōhkisiwin mīna omiywātisiwin#96.6 ahpō: okatawasisiwin sākaskinēyiw okihci-ayamihēwikamikohk.
7mamihcimihk kā‑tipēyihcikēt, kahkiyaw ayisiyinītik ōta askīhk kā‑ayāyēk;
mamihcihtamok okistēyihtākosiwin mīna osōhkisiwin.
8mamihcihtamok kā‑kistēyihtākwaniyik kā‑tipēyihcikēt owīhowin;
pīhtikwatāk pakitināsowina okihci-ayamihēwikamikohk.
9otihtapīstāhk kā‑kistēyihtākosit mayaw takohtēci;
nanami-māmaskātēyimihk, kahkiyaw ē‑ihtasiyēk ōta askīhk!
10wīhtamāhkok kahkiyaw ayisiyiniwak ē‑itahtōskānēsicik,
“kisē-manitow kihci-okimāwiw!
askiy āyītastēw mīna namwāc kita-kī-āhtascikātēw;
kwayask kita-wiyasiwātēw ayisiyiniwa.”
11askiy mīna kīsik, miyawātamok;
sōhkēhtākosik kihcikamiy, ēkwa kahkiyaw kīkway ēkota;
12miyawātamok kistikēwi-askiya, ēkwa kahkiyaw kīkway ēkota.
mistikwak sakāhk kita-tēpwēwak ē‑miywēyihtahkik
13wiya kā‑tipēyihcikēt ē‑wī-pē-wiyasiwātahk ōma askiy.
kwayask kita-wiyasiwātēw ayisiyiniwa ōta askīhk
ēkwa kwayask kita-paminēw.
Одоогоор Сонгогдсон:
Nikamowina 96: PCSBR
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society