Nikamowina 93

kihci-okimāwiw kisē-manitow

1kā‑tipēyihcikēt kihci-okimāwiw.

sōhkātisiw mīna okimāwisīhow.

kikī-āyītastān ōma askiy,

namōya kita-kī-āhtastāniwan.

2kikihci-okimāwi-apiwin, kā‑tipēyihcikēyan,

kī‑āyītastēw nistam ohci,

mīna kikī-ihtakon pāmwayēs kīkway ē‑mācipayik.

3kā‑timīki kihcikamiya sōhkēhtākwanwa, kā‑tipēyihcikēyan,

mitoni misi-pēhtākwanwa.

4kā‑tipēyihcikēt wiya piko kihci-okimāwiw kihci-kīsikohk,

nawac ayiwāk sōhkātisiw ispīhci kā‑sōhkēhtākwaniyik kihcikamīhk,

ēkwa mīna ispīhci kā‑mamahkāskāyik kihcikamīhk.

5kā‑tipēyihcikēyan, kiwiyasiwēwina kākikē ihtakwanwa,

mīna kikihci-ayamihēwikamik kanātēyihtākwan,

kākikē mīna kākikē.

Одоогоор Сонгогдсон:

Nikamowina 93: PCSBR

Тодруулга

Хуваалцах

Хувилах

Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү

Nikamowina 93
-ын алдартай Библийн эшлэлүүд