Иов 4
4
Елифазын үг: Иов нүгэл үйлджээ
(4:1—14:22)
1Дараа нь теман хүн Елифаз хариулан:
2—Хэрэв хүн чамд үг хэлэхээр зоригловол,
Тэвчээр чинь алдагдах уу?
Хэн гэвч амаа
хамхиж чадах билээ?
3Харагтун, олон хүнийг сургамжлан
Сульдсан гарыг тэнхрүүлсэн нь чи билээ.
4Ганхагсдыг зогсоход нь
Сөхрөгсдийг хүчирхэг болоход нь
Чиний үг тусалсан билээ.
5Чамд одоо эдгээр нь ирэхэд
Чи тэвчээргүй байна.
Чамд эдгээр нь хүрэхэд
Чи хиртхийжээ.
6Итгэл чинь Бурханаас эмээхүй,
Найдвар чинь чиний гэмгүй замууд бус уу?
7Санатугай, гэмгүй атлаа мөхсөн хэн байна?
Зөв шударга атлаа сөнөсөн нь хаана байна?
8Харснаар минь бол,
Ёсон бусыг газар мэт хагалж, тариалагсад
зовлон зүдүүрийг ургац мэт хурааж авдаг.
9Тэд Бурханы амьсгалаар мөхөж,
Тэд Түүний уур хилэнгийн цохилтод идэгддэг юм.
10Арслангийн архираан,
Эрслэнгийнх нь дуу,
Идэрчүүдийнх нь шүд бүгд хугарчээ.
11Идэшгүй болсон арслан үхэж,
Эрслэнгийнх нь зулзаганууд таран бутарчээ.
12Над уруу нэгэн үг гэтэж ирэв.
Чих минь үүний шивнээг сонордов.
13Хүмүүнийг гүн нойронд автах үед
Шөнийн үзэгдлүүдээс
хоромхон бодлууд ирэв#Иов 33:15
14Айдас чичрэл над дээр ирж,
Бүх ясыг минь доргиов.
15Тэгээд нүүрэн дээгүүр минь сүнс өнгөрсөнд,
Биеийн минь үс арзайн босов.
16Эс хөдлөвч төрхийг нь би
Ялгаж эс танив.
Нэгэн дүрс нүдний минь өмнө байв.
Чимээ ч алга атал
Нэгэн дуун надад сонсогдлоо.
17“Бурханы өмнө хүмүүн зөвт#4:17 эсвэл илүү зөвт байж чадах уу?
Бүтээгчийнхээ өмнө хүн гэгч цэвэр#4:17 эсвэл Түүнээс илүү цэвэр байж чадах уу?
18Зарц нартаа Тэрээр итгэдэггүй,
Тэнгэрэлч нарынхаа ч эсрэг
Тэрээр алдаа юуг нь тулгадаг атал
19Шавар сууцанд амьдардаг,
Суурь үндэс нь шороо тоосонд байдаг,
Хивэн эрвээхэй адил бяцлагддаг хүмүүст
Тэр яаж найдах юм!
20Өглөөнөөс үдшийн зуурт л бяцлагддаг билээ, тэд
Хүндэтгэл ч үгүйгээр мөнхөд мөхдөг билээ, тэд.
21Майхнуудынх нь оосор тэдний дотор тасран унаж,
Мэргэн ухаанаас ангид үхдэг юм, тэд!”
Одоогоор Сонгогдсон:
Иов 4: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.